咁講證明敗燈舞弊勝出之後，加上惡法實施之後 popo 射閒咗，fb 受阿爺命令要嚴打香港黃群，相信要直到完全禁止黃 ! 
最cheap係咁
1個讚
睇嚟真係要迫我哋轉MEWE
都係
順便out走d舊同事, Nancy fb朋友都好
依家 MeWe 俾我感覺，就好似十年前 facebook 一樣，遲下多人用自然賣盤、或又係親中大企業入股 !? 美國一日未搞掂政局，遲早都係被控制自由民主，到時就算乜嘢新社交媒體，都係一樣慢慢步 Twitte、facebook 及 youtube 後塵，只係遲或早嘅事，暫時都只係暫避風頭 ! 
其實都無辦法, 暫時只能用住先, 只係希望美國人快D清醒, 撥亂反正。
講起呢D social media,
當年我地咪又係由xanga, ICQ, msn, facebook, instagram咁樣轉過來, 後來用whatsapp, 再轉到telegram,
唔好成日話mewe唔識上手、無乜朋友join, 首先由己做起, 自己開左account先, 只要有一個人開, 慢慢就會有其他人開
2個讚
fb太霸道
1個讚
我最懷念係 MSN 年代，已經有視像、傳送影片、照片及文件，算係社交聊天軟件、開始成熟之時，而且界面都相當色彩化，當年真係好多值得懷念回憶 ! 
x2
我老人家連ig都只識睇，好少出post
Fb 都半荒廢
開左mewe，但未識用
其實多年前 Yahoo 拍賣都一樣，你有俾錢做商戶，登嘅廣告夠多，就算點違規、被其他人點舉證都冇事 ! 但如果你只係個體小戶，就會俾商戶舉報玩你，就算你冇任何違規，你點申訴都得唔到回覆或平反，而且新廣告落架時，更會白白冇咗刊登費，好慘好唔公平 !
我連IG都無. 
DL左,入左2個GROUP, 有D嘈 
我都試過，俾yahoo扣分，下架，嗰陣賣一樣野都俾錢，十元以下俾1蚊廣告費，被下架連嗰一蚊都無埋。
我地都開左，重熟習中，會慢慢post 多D。請join 我地，thanks.
1個讚
一蚊可能係咪十年前? 定係做緊優惠? 我約 2011 年開始用，當時香港仲係 Yahoo 交易首位，google 未全面超越 Yahoo，但我果陣時登一個廣告要 $6元，好似仲要限幾多仟蚊以下，高過某幾多仟就要逐級加 !
果時日日俾、同樣出售相信物品業內舉報，我時常 email 伸訴，但次次都係獲官式回覆，永遠唔會話你知，你究竟違反乜嘢規則?!
試過俾人偷我照片用，我舉報及有證據證明照片係我，先叫做真正受理過一次咁多。之後不斷被舉報我不斷申訴，最多都係試過退回廣告費俾我 !
隔多幾年有個朋友，原來佢一向係靠 Yahoo 搵食，登咗差唔多成仟商品上去，佢俾咗個 Yahoo 拍賣、客服直線電話俾我，之後我每逢遇不公舉報，我都親自打直線投訴及煩佢哋，可能佢哋唔想我煩佢哋，之後我已經越嚟越少被不公舉報，但隨之 Yahoo 拍賣，已經好快被 facebook 群組、其他拍賣網頁、Carousell 及 Marketplace 漸漸取代，Yahoo 拍賣最後都滅亡，但我個心真係好開心，終於等到 Yahoo 滅亡一日 !
我其實由2003年開始玩，我知2005開始收錢，中間停咗一排，到2014年再賣，成個場氣氛好差，好黑暗
1個讚
仲有yahoo好多外國人話買嘢，其實係呃人，話要人寄咗先至入錢。好討厭
玩咗fb十幾年，其實fb真係好討厭，最討厭係初初Add咗老爺奶奶，簡直係討厭到一個點。
1個讚
係，直到今年年頭 Yahoo 買賣場未執時，仲有呢類騙徒出現留言，留言千篇一律都係，叫你先聯絡電郵 !
依家呢班騙徒轉哂去 Carousell ， Carousell 客服又係好廢，舉報一個星期都冇人處理 !
我今日開咗