請問大家買咗惠而浦蒸焗爐CS2320 4S嘅，有冇遇到部機毆水嘅情況 （如圖/片）？
我做足晒功課，見呢部網上評價同消委會評分最好，忍咗大半年到冬天室溫發唔起麵包先至買。8號買第二日開機發現有問題噴水噴到成個底盤都係。因為喺網上面中介買，等足兩個星期先同我換機，一樣係同樣問題。
係我真係咁好彩定點？真係好失望好失望！ 仲要部機連埋個盒大大件擺喺屋企有得睇冇得用篤眼篤鼻 ⋯ 
邊個牌子好用啲？
東芝咩型號？
請問有冇進展呀? 希望快D用到
己經用咗3/5年嘅 朋友 部機有冇焗爐味呀?
下!
咁煩嫁咩
我買咗，用緊嵌入式，但好少用蒸嘅功能，事關每次蒸完都好多水，抹餐懵！要買嘅話，就買部細啲嘅，唔使抹得咁辛苦。
蒸焗爐 因為底部係焗爐下發熱線，所以加唔到純蒸爐底果part冷凝水再加熱器。總之咩爐都好，蒸既温度唔應該低過80c, 唔係既話，點都係出水
請問你部爐噴水問題解決了未？因我部機最近也出現噴水問題
點解無人用德國寶嘅？因為肥媽嗎？
蒸焗爐其中一個好處係可以發烤麵包，我係男生都因為有呢個功能而個個星期整
我開頭都用蒸焗爐呢個function
但用用下又覺得發烤都要開住部爐咪用好多電 (慳家師奶mode啟動)
之後學到用個暖杯裝熱水 放個dough入去閂門發
效果一樣 仲慳左電
之前我係用呢個方法， 但因為懶所以用呢個function
如果你用佢個功能, 夠鐘會提示你係方便D既
我都好懶
懶到整bagel個water bath都唔做 就咁蒸完就焗
完全唔洗拎來拎去又開鑊又剩 
又係好方法喎
因為大把選擇，唔洗買 藍色土產貨。
要真。德國野，Gaggenau出既 fixed water型號，係我見過最好既蒸焗爐，淨係自動噴水清潔一招已經無敵。大眾化d , Miele dgc系列有分層蒸氣輸出。再經濟d, Bosch / Siemens, 但有機會係非一線歐洲國家造。
後悔買太遲就有
如果有位放，我覺得分開純焗爐 / 純蒸爐兩部機最好，咁先用到各爐既極致功能。
高級純焗爐有高温熱解清潔一招已經無敵，其實e 堆高級純焗爐有水缸可以加水，識自動噴蒸氣補濕，要發酵麵包，無問題。
高級純蒸爐，分層蒸氣輸出，點放d 食物都唔會影響其他層數，有底部冷凝水再蒸化功能，唔會蒸完成灘水，大功率>3000W , 中途加蒸食物，等一等就上得返指定温度。
最重要係兩個爐可以同時用，平時d朋友，10個8個人 上尼食飯 都無問題
聽人講温度會有落差
用緊東芝，大約二千蚊，有發酵mode, 整包好方便。
焗野右邊爐温高d，但我廚藝一般，都係普通蒸下餸，焗下意粉之類，所以又冇乜所謂。
有時人少，成餐飯都用佢搞掂，唔駛洗鑊。
開心使用中~