［記者勿入‼️］幼稚園有冇九龍塘York用家?

教育講場 幼園討論
45

利申先，小朋友有York offer 最後冇要。

幾年前第1胎時咩都唔識又係俾佢個名吸引報名，先去家長會先有interview 信，家長會上吹到學校好勁，小朋友好叻，英文above average，高級的課外活動，啲家長聽到個個一團火咁。。。好。。。重點黎啦，校長一出場，直接講，你地今日黎呢班都係細b家長，我地已經開始出offer俾大b，你地細b係難教啲。。。我地開左其他分校，sell我地去分校。當場勁多家長嬲到攞袋走人，包括我都冇攞信去interview。。。可能後尾發覺自吹大得滯，又或者太多負面消息出左去。。。又寄信黎話家長只要去几個so called workshop 即係去聽下嘢啫，就下年唔使interview直接出k1九龍塘正校offer個細路。。。

間york有幾“好”，大家心中有數。。。哈

46

我幫啊仔報左下年York Pn, 但係睇完你地咁講, 我諗k1 都係再去考過其他… 我住呢區好少私校選擇，得多多，joyful, York :persevere:

47

唔係用家，但對呢間學校感覺麻麻。我大仔讀維記，語境好，老師有愛心，學費差唔多…可以考慮吓

48

我係現在U3用家，我小朋友都係超細b，當年無幼稚園收而讀York，而家直私result出得7788，我都可以幾中立咁講下呢間人地口中既「學店」

  1. 師資：
    Net：3年既net teacher都係好有愛心同好有活力，我小朋友屋企無英文語境，又過左2歲至識講野，所以我都好擔心佢講野一般。N1 學期中：聽得明英文，但只係識講yes/no，下學期差唔多完就開始自己一個講到成句英文，grammar當然都係錯。但而家U3就流暢得多，accent都幾好，我無比佢報學校starter，諗住佢都唔會識聽，但停課其間同佢睇片至知學校教英文都會同starter有關，於是同佢報出面補下，出面幾間補習社做完評估都話佢個基礎幾好，可以補少少就可以考，佢最近考完，都有14盾，好大機會衰串字。
    呢3年遇到的net都好玩得，我小朋友初初少見外國人，佢初初見到net班主任好驚，但因為net太玩得，所以小朋友好快就適應net老師，仲好鍾意佢

Local teacher：我只係覺得N1既老師麻麻，我去觀課時見到我小朋友成日舉手都無叫佢答問題或出嚟玩遊戲，集中叫幾個上學期拎左獎的同學。我當時都幾無奈，我本身又報左幾間N1 repeat，當時已經打算如果成功取錄就會轉校，而N1兩個本地班主任都離咗職。我轉校唔成功，但好好彩L2同而家U3本地班主任都好好，超有耐性，而且仲會有時都幾嚴，所以我小朋友都即刻知衰唔敢再頑皮。我小朋友而家返學校拎功課都一定要見下L2同U3班主任至走

小朋友由N1開始日日都好期待返學，係開心，同埋英文真係幾洗腦:grinning:

2.行政：的確係亂，N1註冊時已經講左轉地址，但後來我係家長谷得知開資料，但我係無收到，打返學校問原來無updated address。仲有校車，問完幾次都係無回覆，幾亂

  1. 樣樣都係錢：
    呢個係事實，但可以自由選擇，我見我班都有部份同學唔要學校茶點，自己帶，可以慳返$2640一個學期。
    雜費都係自己揀要唔要，我當時揀錯物品，所以粉彩無買到，老師都叫我出去買唔好經學校買，會平d​:grin:。
    佢有course可以報，基本上我都無報，但出面要既Stanford Maths 10，starters / movers，gapsk，trinity GESE都可以報考，好處係試場係學校，環境係好d。我只係報左學校GESE，其餘自己出去報讀同考，又平dd，地點都方便我多d。
    不過佢旅行就係貴，要相就$50，成年人去$3xx，一家三口去旅行會用過千，都有人唔去既，都係自己決定

  2. 升小：
    York咁多分校，多人入到神校唔出奇，但真係有人百無，每間學校都係咁。今年我都有朋友話佢LH朋友連音小都唔收，升小某程度上係講緣份同運氣。我有朋友佢遇到唔好的老師面見，結果收rejected，但佢係班上頭三份子，尤其今年多拍片，好多時都係要靠家長自身。
    我小朋友今年升小結果唔算特別標青，因為我暫時只有兩間私校收左，其中一間係三私，仲有2間直資等2nd in。
    如果要講我小朋友升小輸邊度，我諗最主要係show and tell弱，學校似乎呢方面資源較少，我上zoom見到就係覺得少train呢樣。後來問返老師，學校有另外course係story telling，呢樣就覺得麻麻，最好就好似starters, movers咁，將部份內容融合埋平時課程入面，起碼都有根底。

總結：我小朋友係超細b，暫時都仲係覺得好多小學似乎都係鍾意大b，當然我小朋友能力方面都有不足既地方。但如果以佢本身過左2歲都未識講野，屋企又無英文語境，到而家oral方面都流暢，reading能力都算強，我地都好滿意，而家有三私offer簡直係bonus。York到而家為止都仲係好多人心目中既後備都唔出奇，佢名氣係有，但唔係LH, KV, SC既level。例如今年sfa拍完片收左好多KV，呢點都算係KV有D特質係啱佢地要求。
我覺得York唔係最好，但一定唔係出面所講到咁差，佢地對超細b都好寛容，起碼小朋友入到去都唔係alone​:sweat_smile:

4個讚
49

恭喜你仔仔先:+1:t3::+1:t3:
希望佢黎緊小學新生活開開心心，盡展所長:heart::heart:
有真用家蒲頭:+1:t3:大家多個reference!

50

我老公去過元朗分校簡介會, 佢無覺得hard sell, 拎左本catalogue回來, 都係講返catalogue D野, 講介有咩活動玩, 年尾又有christmas ball, 小朋友會請女仔跳舞: Shall we dance?
呢D我覺得幾有趣

元朗個校長唔知同九龍塘一唔一樣~ 佢都有話另一分校萊茵都係佢地既, 唔夠位會分配去個度讀。
半日制, 九龍塘分校好似係2 HR, 其他分校好似係3HR, 唔知點解少1HR
同埋York學術係強既, 快樂學習地谷學術。快樂學習好緊要, 同埋今次疫情, 見人分享佢地轉zoom轉得好快, zoom課程都有趣, 感覺無其他幼園咁白交學費。

同埋佢咩B都收, 呢樣我覺得係好過淨係收大B的學校。收大B的學校揀哂D易教既學生, 咩B都收的學校反而係有心機教。都好少聽話york讀會追唔上
但LH 如果細B聽過係追得辛苦。

如果你決定讀, 到時分享下

2個讚
51

HELLO , 我小朋友下個月番K1， 剛剛睇哂你的留言，請問你這一年作為用家，有用後感嗎？
囡囡黎緊番學，我都好Concern老師有無愛心同開唔開心，
亦好贊成你講既York的活動真係好似以前外國讀書時的活動。