假期揸車真係煩架,已經習慣去商場買野,排Free parking
好日唔上山頂,但都係等車位
假期揸車真係煩架,已經習慣去商場買野,排Free parking
好日唔上山頂,但都係等車位
好明
我自私地諗,係佢負責養車的話,尤佢
我繼續帶小朋友去沙灘玩先,始終去沙灘都係為咗小朋友
有時為咗free parking同排隊泊車去死一個商場食飯,但我對食無要求,無乜所謂
有時搭巴士仲平過停車場費,但呢個係另一種生活,渣得車都唔好比較支出同金錢,係香港搭交通工具唔會比渣車慢,但尤其疫情,更加寧願渣車都唔搭mtr
總結,養車一定比搭車貴,但有另一種生活,計唔盡咁多,如果出油尖旺都會搭交通工具
照計揸左咁多年車會好清楚邊度易泊位,邊個位邊個鐘數少抄牌,就算抄牌當買個方便囉
我地兩公婆都有車牌
但基本上都係老公揸
一般都會搵到停車場位,收費停車場一般都有位
其實自己揸得車,都應該算係錢銀鬆動先會養車。
出去一家人食餐飯,如果有埋小朋友,最多都係比2個鐘停車費,真係唔爭在嗰一百幾十,又唔係日日都咁泊
你老公自己係車內hea,可能係享受自己一個ME time,並唔關揸車事
利申:平時活動範圍係港島多
我覺得呢個好病態
揸車求慳時間同舒適度
如果要慳錢,根本唔應該考慮養車
早d去就可以解決呢個問題
我老公都成日以等車位為名,叫我地落車玩住先或者等位先,起初都嬲嬲地,但其實要明白揸車都好倦,佢想借機會留係架車hae下都係人之常情,唯有大家盡量配合。
我因為你所講的問題, 好耐之前已經賣左架車. 而且我覺得出街泊車太貴, 不如慳返啲錢食餐好.
有時真係時間都慳唔到
係一家大細舒服啲唔洗逼架咋
同意,搭uber仲平過養車
但男人對車有情意結,尊重佢,小心渣車就好
同埋唔准車第二啲女人囉
我同老公都有車牌,揸車係要識得享受架車,但相對要付出金錢,如果只求方便其實call uber好過.
我同老公都諗緊買唔買車
雖然想帶埋毛孩去郊外玩
都係覺得養車太貴同香港太多人好唔方便
偶然出去玩call車可能仲好
我朋友通常係call van仔帶毛孩去西貢玩,佢話好多狗友都係咁
我都有車,老公揸多
去唔熟嘅地方,我哋會揾定路線同泊車點先。有啲地方唔熟但易去都會揸去,好似元朗、大埔,基本上大多數係高速,加上新界多迴旋處,行錯都好易掉返轉,所以都ok。但有啲地方,好似尖沙咀、旺角呢啲,多小街,多車多人,又難揾地去泊,一定唔會揸去。寧願生地鐵,你有小朋友就可以考慮uber
老公睇車都有,但絕少,通常係因為喺果個位比人抄過。如果係去玩,要逗留一輪果d,睇車嘅話就好無癮。比我寧願請假閒日去,都唔會想無咗家庭樂嘅意義
不過你都要理解,做司機果個係會有壓力,特別係方向感差嘅人,要當機立斷行邊條線,要認得點兜返出嚟,係幾大壓力。建議一係你幫佢預備路線,一路行一路幫佢睇牌。
我同老公都有車牌,兩個都會揸
自問出街真係會諗咗泊邊先,一來唔想食牛肉乾,二來有時想去啲地方真係少泊位,附近又無商場,咁就會放棄揸車,搭的士算
另外帶小朋友去玩嗰啲,一係盡量早去,如果唔係都係老公留喺車度等泊位,我自己帶曬啲細路去玩先,大家都只係想俾多啲時間小朋友玩,當然見到勁多人、預咗有排都等唔到,多數會即時轉地點。如果早唔到,一係搵啲無咁熱門嘅地方,公園/草地好多地方都有,你講嗰幾個地方我一早已放棄等位等到太辛苦喇!