佢有牙刷牙膏 有防水墊 佢有條毛巾仔俾你
我冇整污糟過所以唔知係一張定係無限量提供
入院嘅時候佢又比一條網褲
自己要帶衛生巾
我係開刀 開完刀嗰日一定要着網褲 因為姐姐幫你換 我第二日開始係着安睡褲
自己帶睡衣 第二日落得床就換自己睡衣
如果你諗住沖涼 生之前都可以用佢嘅沖涼 生之後我就帶咗薑嘅沖涼洗頭 如果你諗住沖涼就記得帶風筒 有啲人唔用生水洗手就屋企人煲埋薑水帶過嚟
如果你諗住喺房餵人奶 而又會有人嚟探你 你可以考慮帶條餵奶巾
自己帶拖鞋 洗面嗰啲試用裝
如果你諗住焗炒米茶 就帶個暖杯
我就求其擺落佢啲杯加熱水就算
BB要用既野係米唔洗帶入院架？例如尿片，濕紙巾，奶樽，奶泵，紗巾果啲
紗巾如果你想可以帶一兩條
我自己就冇用過
每一次餵奶佢會比包濕紙巾一包兩張
如果佢屙咗屎 都係俾返姑娘換
奶泵要去泵奶房 姑娘就會set俾你
係出院嗰日先至帶套衫比BB
同埋我朋友喺其他醫院有face shield 買
BB太細好難帶防疫帽
我見Carosell都有得買faceshield
想問沖涼毛巾係咪可以問佢地拎？
毛巾我自己帶嘅 唔sure佢有冇得拎
Thanks!
剛check 到有左 住港島 想了解下養和順產價位 有冇人可以share下
我搵尹鎮偉開刀$40000醫生費
開刀同順產就一樣價錢醫生費
普通房住咗五日四夜
$96000 埋單
順產應該平少少 因為住少二日
你個傷口而家點呀？會唔會好明顯？仲有冇痛？
個傷口其實一直都冇乜痛
第二日落床就行動自如
去到第四五日連止痛藥都冇食
第五日就拆埋線
尹醫生手勢真係好好
我見好多經驗淺嘅醫生都收30k以上，相比之下，佢性價比好高！
係呀如果以手術費黎講真係超值
但係產檢佢收費係貴過出面嘅
每一次要2600
但係如果冇乜特別佢都唔會成日要求你返去檢查
同埋如果你同佢講你有去政府產檢
可以喺政府做嘅嘢佢都會叫你喺政府做
然後佢喺醫健通睇返
所以都慳返做糖水測試 咩鏈球菌 嘅錢
佢介紹個兒科醫生都好抵
$6000醫生費 但係一日嚟睇BB兩次
陳仕文醫生仲好細心 有咩事叫我哋打電話問咗先
唔好係咪都帶BB去診所
錢都其次，大小平安最緊要
咁尹醫生經驗真係豐富 都係朋友介紹佢比我
朋友兩胎都係搵佢