我都好想好似你咁，但我老細唔俾我減人工早退（明明冇咩野做），我都想搵份近屋企新工，為小朋友努力中
咁衰！佢都無損失…
我都係在職媽媽, 我諗好多媽媽都係好似你咁安排!! 無計啦, 唯有放假陪多啲囉!!
我就係咁安排既
7:00: 返到屋企, 我有姐姐, 一早就同佢食完飯, 我自己同老公食飯既時候, 阿仔就睇一陣電視
7:30: 我哋食完就開始睇功課, 其實有時多功課要改, 做得黎都8:30, 其實都無咩時間可以玩!!
因為疫情關係, 我都一定會沖左涼先陪佢瞓覺, 沖涼無半個鐘, 確實真係一齊玩既時間得半個鐘, 佢最遲9:30 上床瞓…
在職媽媽一定要爭取時間，而且訓練自己小朋友自律做下練習、溫書（唔好要求多，有做已經很好），請個導師放學時間搞溫書、做功課等等，自己返到屋企就略略教下，就享受親子時間。
識人都係返工好遠，搭車都超過 1 個鐘。佢就係請導師上門同 Skype 導師幫兩個小朋友溫書。阿大高小，學識自己出題畀自己同個細做。前日先攞返卷，幾乎滿分開心到佢爆炸。佢都係今年疫情先開始識幫自己同阿細出題咋。對父母有時候 9 點都未返到屋企，但佢哋一有時間就親子玩樂，好少見面就講功課。識另兩個家庭都係類似做法，一樣成功。
呢個方法係最幫到你同小朋友，只係要洗嘅錢就多左，但如果洗錢就可以買到親子時間，我覺得值。
2個讚
個仔出世就決意搵份近屋企的工, 人工係少咗但就多咗時間.
個仔番下晝班, 工人姐姐揍. 朝早番工前可以同個仔食早餐同唱下兒歌
放工番到去阿仔放咗學瞓醒晏覺, 姐姐煮飯, 我就可以有成4個鐘左右陪仔
雙職父母係咁, 平日冇時間唯有星期六日放假多啲陪仔.
2個讚
最唔開心係跟功課, 放工返到屋企, 咩都急急趕趕咁, 佢有時寫字寫得唔好, 要擦佢D功課, 佢就好沮喪, 越寫越衰, 晚晚大家都抱住唔開心嘅心情瞓教…
搵補習跟佢功課默書，你返嚟之後唔駛再勞氣跟果啲嘢，齋玩/講故事/開心輕鬆嘢，大家都唔會話exhausted 關係自然和諧，小朋友見到你只聯想到美好嘅活動
BB未滿一歲，9點就要訓
每晚返黎陪得佢一個鐘都冇
我成日都因為覺得陪得少而唔開心
呢個post已經咁耐
Update下我已轉行做返ftm, 多謝先生支持
都係希望多啲時間陪小朋友，而家每日放學後都出去玩，出去睇多啲野，可以多啲時間親自教佢功課，唔洗每日趕馬咁
小朋友每日見到我來接放學都好興奮
2個讚
最重要自己管教返規舉，唔洗見到99
覺得小朋友長大左好多，係可以教佢自我控制，唔需要俾老人家靠食零食來哄佢縱壞曬
1個讚