好奇可以睇到d咩
感謝樓主
想睇下個女係點， 麻煩晒樓主啦
明白既,我呢幾日都係睇大選睇到好緊張 
你有時間先慢慢幫我地睇啦,大家都保重
1個讚
Hello。繼續"怠工後緩慢復工"系列。
感覺你本身既個性其實有d難以展現。
你上升天蠍，比人感覺其實應該好壓抑自己，好多野收收埋埋好多秘密甘，d人對你第一印象應該係覺得你好神秘。哩樣對你自己黎講可能覺得好奇怪，我明明係太陽雙子，好多占星書都話雙子好花fit，好長袖善舞，點解人地唔係甘覺得？
-
你太陽雙子同天王星射手對分：第一樣想confirm，係咪爸爸同你關係唔算太親近甚至有d抽離，可能你爸爸成日出差或者遠行果類，又或者爸爸性格都有d極端，突然之間就暴走果類？哩樣有d導致你不安，導致到你難以確定自己既價值係邊度，從而有d將生活重心，擺係人我關係上面，有d靠他人，或者more specifically靠老公，去穩定返自己既自我價值認同。但係父母既影響，都有機會影響到你他人擇偶，所以你如果結左婚，先生可能脾氣都有d似。
-
水星入金牛，仲要土星天蠍對分左，等於天蠍果種對人既不信任，對於向他人揭露自己内心軟弱一面既恐懼，限制左你言語表達能力，加上金牛既思維，同表達方式都係穩而慢，所以可能反而令你更加唔似"雙子座"。
僅供參考。若不符合，請權作娛樂。
謝謝樓主 我都好中意占星架 樓主唔嫌棄我係業業業餘既話不妨交流下
我都係業餘自學無上堂 
，不過真係多謝BD哩度好多朋友仔既支持同埋信任，願意做白老鼠比我都嘗試下解盤。
唔介意既話，都邀請你一齊幫貼左出生圖既朋友仔解盤，相信大家唔會介意多一個人睇多一份觀點 
多d唔同角度先可以進步！！！
2個讚
先多謝樓主的時間同精力! 
俾返個feedback先。
“比人感覺其實應該好壓抑自己…d人對你第一印象應該係覺得你好神秘” --> 無錯!!!再中肯啲講應該係其他人話我成日西面，unapproachable。
“係咪爸爸同你關係唔算太親近甚至有d抽離，可能你爸爸成日出差或者遠行果類” -->都係嘅，同爸爸嘅關係唔太close la, 傳統男人都係日日出去搵錢養家，細個無時間bonding，而家人大咗好少少，但做唔到交心，generation gap太大。
“有d靠他人…去穩定返自己既自我價值認同。” -->又啱喇! 成日都好介意人地點睇，理智上知道唔需要理會其他人意見，我表現出黎都好似活得好自我，但暗地裏都總會諗住人地點睇自己。另外擇偶方面，呢幾年先發現父母的影響力係好深遠…
“等於天蠍果種對人既不信任…同表達方式都係穩而慢” 啱啱啱，不過與其話不信任人，我不如話自己係怕同人建立關係，同埋我極度內向同慢熱，真係要花好長時間先可以同人做朋友。
無錯，我一啲都唔雙子 
題外話，其實我都有上過靈性課程，但真係冇乜慧根，自己嘗試玩塔蘿牌抽牌個時都完全無"感覺"，學過數字學，我嘅生命數係冇乜靈性，所以係另一個post你幫我抽牌反而好準
Thanks so much for your time and effort again!!!
1個讚
先感謝樓主的時間心機！
我都想知呀～麻煩你了～
狀態更新：解盤比較燒腦，所以更新速度或者比隔離塔羅帖慢， 望周知
3個讚
Hello，一眼掃睇，感覺係第一個非"因爲我不足所以需要揾人互補型"既夫妻盤，而係"我地有共同理念一齊合作奮鬥吧"型。可能你地會無其他互補型父親甘co-dependecy feel，你地可能會似Comrades多d
不過都係集中睇你自己先。
你上升摩羯，感覺你比人第一印象可能比較……路人，其他人對你既印象都係普通啦一般啦甘既feel，基本上可能你無非常明顯既個人特質。而同時你既上升又同三宮既金星四分相左，等於係你中學lv時及之前既同學，或者你既兄弟姐妹之中，或者會出現特別耀眼，特別吸引人注意同喜愛既人，從而further導致到你覺得自己唔顯眼，或者叫有d自卑。
跟住亦可能反映係你既月亮天蠍10宮到，仲有土星入返10宮，你會渴望透過提升社會地位，追求事業，黎得到認同同埋安全感（因爲早期既自我價值低落，等同于你會自我懷疑自己係哩個世界既競爭力同生存機率），你亦可以非常堅忍有耐心地去達成哩樣野，本質上應該早期好辛苦，但係越到到後期越進入豐收期，所以你應該係年紀越大，個情緒越穩定越有自信。
僅供參考。
我太陽白羊 上升天秤 月亮雙魚呀 
利申出生時間係大約 
首先多謝你！
呢個真呀，我同佢係都對家庭有共同理念，所以一拍即合⋯⋯ 其實有好有唔好，鍾意嘅嘢大家都鍾意（例如宅喺屋企），唔鍾意嘅大家都唔鍾意（例如洗碗），但係為咗共同理念（例如個屋企要舒服）就會大家一齊努力做晒啲嘢佢。
至於我自己，與其話有人outshine我，倒不如話由細我都係被教育「槍打出頭鳥」同「人怕出名豬怕肥」先係真理，所以好多野就算識都要話唔識。到做嘢嘅時候，開始都係咁，慢慢上手，再加上有一年有一個伯樂俾咗好多機會俾我，先至會再想shine out自己再爭取多啲機會。可惜呢個只維持左一年，我又去返嗰個性別歧視、親疏有別嘅工作環境。到依家係自己知自己識做，不過唔想同班友爭，反正做與唔做，做得好懷，喺佢哋面前我都係「無用嘅負資產」，咁不如自己做自己嘢就算。
1個讚
Hello Hello。多謝你既reflect。十分inspiring
我自己解上升好慣手就從外表解，宜家睇完你反饋，提醒咗我要解翻 “一個人approach哩個世界既方式”。
你話“槍打出頭鳥”的確好符合上升魔羯既感覺。的確魔羯都係講謹慎，壓縮自己，prefer實力＞花san野，同埋睇完你講，仲有種睇電視主角逃難特登攞d泥搽汙糟自己塊面咁feel超級正
好多謝你既reflect，真係幫到我反思自己解讀上既不足
1個讚
呢個真係very me…
我討厭擦鞋到連啲細嘅擦我鞋我會打冷震
仲有做嘢成日都會諗點樣先「滴水不漏」
可能因為俾人跣過⋯⋯
1個讚
Hello.僅供參考。
首先第一眼見到係，你土星水瓶入2宮對分木星獅子入8宮。感覺你可能自己靠自己一手一脚賺錢相對黎講比較辛苦。似係，可能你好努力甘去做野，但係所得到既價值回報都好少甘，相反可能因爲你同他人既關係好，所以反而導致到人地願意將自己既錢交比你去處理，或者話願意投資係你身上甘，甚至有d人地好想塞錢比你甘(?)，因爲木星月亮都7獅子，基本上有種好明星既feel。
跟住另外一點係，你上升射手，仲有天海合相入左一宮，感覺你本身對哩個世界其實都好樂觀，同埋個思維比好多人都無疆界，覺得咩都有可能發生，亦好樂意迎接變化，就算所有野拆曬都無所謂，都覺得一切都有希望既感覺。所以可能好多人或者第一印象會覺得你係一個比較離地同虛幻d既人。感覺你成個盤既energy都好輕盈，基本上完全無固定星座既能量甘。等於你本身對於穩定無乜太大既attachment。
僅供參考。
1個讚
我都好想問吓兩個仔
感謝樓主, 辛苦哂
MOON 媽媽你MISS左我呀><
不過唔緊要我會慢慢等的.
(可以問問如果私下問的$$嗎? 謝謝)
1個讚
Sorry，唔好意思啊。你前一位朋友仔張圖重新貼，跟住我直接跳左 。唔好意思，即刻補返比你。
喂喂喂，第一眼睇就見到你一宮獅子，金星入一宮，仲要同海王星三分相。
感覺你比人第一印象應該都好明星feel，同埋本身個個人魅力應該好勁，甚至有種天然地就會迷惑到人，令人情不自禁好中意你既feel。 （睇見就嬲
跟住你三宮天秤又有冥土，水星又同月亮四分相，哩幾樣加埋，感覺都suggest緊你，可能言語表達上面會難少少。但係上面講到你好容易就令人中意你，可能變相就係，你唔係靠言語好aggressive甘去charm人地，反而可能係你本身既氣質同埋果種好海王星（海王星入5宮），有d軟綿綿but比人感覺好善良好dreamy既氣質，令人情不自禁甘中意你。同埋感覺你拍拖果陣可能都好電影劇情。
僅供參考。