hihi 幫你睇睇
按照最理想情況，女女太水天都係白羊，佢會有能勇敢面度適應環境既能力既，月海雙魚，有四海為家既能力。
加上我見到土星九宮，哩個我會最concern。個意思係佢靈魂藍圖中，會被賦予責任/任務去探索相異於原生環境、文化、價值觀既野。有好多唔同形式既顯化既，but最普遍既顯化就真係遠行/移民etc 但因為係土星，佢一定會覺得害怕，有壓力，但土星亦代表不得不面對既心理關口，有d叫命中注定一定會有d具體事件發生，迫使佢嚴肅認真堅忍地去面對體驗哩d「異」既人事物。
就算你宜家唔推佢出去，他日佢都會有其他九宮既事件發生——maybe返工俾人外派啊，工作上要同外國人duel咁樣。
所以媽媽更需要做既係，幫佢點prepare一個認真面對不熟悉人事物既態度，認真負責任地與人交際既協調能力。（土天秤
多謝你解答, 佢好細個我已經訓練佢獨立, 我依幾年會加強佢解難同抗逆力。
你好Moon mama 
可以麻煩你幫我睇嘛？如果嫌太多，可以只睇小朋友嘛？
謝謝你 
hello 唔好意思，遲左回復你
小朋友既星盤可唔可以放大dd 好多字睇唔清楚 感謝您
Hello，幫你睇左女女先，之後有時間有機會我地睇埋你自己 
感覺女女都係一個幾多朋友既人bor。i mean 因爲女女係人前，感覺比較早熟，比較乖，聽話，合作，順從規矩權威既類型，而且應該都好樂於照顧人，所以應該都幾受大家既信賴。
however~ 哩個應該係女女“人前”既形象。相處落，or見到女女真面目既人 which very likely係父母
會見到女女應該其實都幾脾氣“暴躁”，個性心急，直率既一面
而且就算女女係命運推手之下，好似成日接觸人群，but女女暗kan其實應該都係鍾意宅宅的
成個故事穿起，其實係
“出到去就要照顧人，真係好累，人好麻煩，但我不得不面對and得體地照顧，所以其實我寧願自己宅係屋企，反而自在d” 
Btw 女女天海合摩羯bor 應該同我同年紀
多謝你解答！你所講嘅好準，佢脾氣真係幾暴躁同埋都好鐘意宅响屋企
Hello 感覺小朋友，雖然係獅子座，不過性格呈現出黎應該頗爲內斂
上升處女，有機會表現出黎係一個非常humble既形象，不過應該頭腦非常好
轉數非常快，舉一反三類型（水星一宮）
但因爲佢月金都係巨蟹，情緒感受力and與人社交上既敏感度比較高
所以反而有種向內收既感覺。但本性係關心人既，內心應該都係一個非常柔軟既小朋友。
但始終12宮有兩粒星，感覺就算係想對人好，都係會默默對人好完，深藏功與名
你好 Moon mama，可否幫忙睇下我小朋友星盤，謝謝。
Hi, 感覺小朋友係一個好…………霸道總裁+傲嬌既小朋友
第一樣，佢天王白羊入一宮，感覺會俾人第一印象係比較“有個性，爆冲，叛逆，張狂(?)”
但事實上，佢太水金都係巨蟹，係一個好願意關心照顧人，對人既感受好敏銳既小朋友
但因爲落曬4宮，所以外人睇唔到，只有家人睇到（但不免講野應該都有d衝）
而構成哩種個性，感覺亦同火天蠍8宮有關，等於佢不擅長用“溫婉”既行爲去表達
加上月處女，感覺就係
“哼！點解你甘笨，甘小事都做唔到！哼！搞到要麻煩我去照顧你！快D拿好，唔好跌啦！哼！”
好多謝你解答呀
暫時佢仲未識be humble,我同老公都覺得佢表面太自大，但同時佢情緒同社交上真係好敏感，有少少玻璃心，大家相處得唔太順，覺得佢成日都唔開心咁…
謝謝你解答。
準！
性格真係好霸道但只限對屋企人，咩人都要聽佢講，成日扭計。但見佢同其他小朋友一齊相處又無呢樣表現。
人又心急，心急又搞到咩都做得唔好又易放棄。 真係Orz
死啦性格好似無樣好。
hi 見到小朋友d星 高濃度密集係10 11宮
感覺小朋友以後會係一個好投身於社會，同社會、人群有著好大緣分既人。meaning 有種四海之內皆兄弟既感覺
然而，佢好多星都同8宮冥王拉左線
加上上升金牛，有機會表現出一種對事情「超執著」既感覺 冥王一般同靈魂既傷痕有關，哩個可以further參考南北交點睇前世，maybe可以睇到莫名執著既原因
however～ 就算唔知道前世or有咩靈魂自帶傷痕，still 如果將意志力/決意/執著力用於為人群，為社會服務，將會是小朋友今生比較明顯既課題。
啱呀，佢好固執，唔多聽人意見
Hello 幫你睇左自己先
一般起手我會睇太月，但你一宮海土金合相太eye-catching
感覺你有種………… 漂浮在人世間既感覺嗎？
本質上你應該很認同，很願意配合傳統社會價值&規矩
但你天王合上升，感覺總會有種莫名地格格不入既感覺
另外海一，感覺你內心有溫柔浪漫（or甚至不切實際）的地方，但因爲責任同係社會上既教化
感覺你都無法順利流露表達（硬邦邦的表面
唯有係同人深入地交心，面對面相處，或者especially係婚姻之中
你先能夠流露出，你內心對人充滿愛意既關懷同照料（柔軟的內心
但相對就係，係唔需要面對人or照顧某個人既時候，你就好似失去左表達溫柔既理由。變回硬邦邦一樣
嗯… 我是一個很保護自己的人，不太想給人知道內心想法，怕受傷害。表面理性硬正，內心卻已想了很多事情
對親人非常有責任感，總希望留係佢地身邊照顧佢地
麻煩有空可以幫我先生睇埋嗎？
最近有d事令我認真考慮離婚
都不是最近了… 就是不想再拖
Hello，雖然唔係話有甘既placement都一定係甘，但如果你講到需要離婚
甘我假設先生既星體能量，係以負面既方法顯化
見到先生既盤，第一個感覺都可能係一個比較大男人既人？
脾氣行爲可能都比較暴躁，情緒起伏大，講野亦具有攻擊性
而且感覺都控制欲頗強，係婚姻中亦好強，甚至有攻擊性（白羊7宮
（敢問會唔會去到有家暴既程度？
同樣，如果我既説法你認爲係岩既，假設先生亦無打算改進，
我覺得暫時分開都maybe係一個好做法，因爲第一要務當然係要保護你自己先
因爲先生既盤，如果按照最差既顯化
係有機會向住暴力既方向進發
當然啦，所有星盤都只係工具，盤主帶住覺知去運用能量，面對生活
先生既盤其實都會係一個好好既盤
（上述，尤其非占星言論部分僅個人淺薄意見，本人不附上任何責任。
每人均需為自己既人生及抉擇附上責任）
