hi 見到你個盤覺得幾搞笑
首先你月雙子對分海射手
感覺你既心情，充滿了變換。
心情常變就算，連背後支持你既信念aka「我所信既嘢」都可以flexible出黎。
唔係話你「牆頭草」果種變來變去
but你每一個觀念信念都可以接受
所以就會顯得「無信念」
但如果用高階顯化既方式解讀係：
你知道每一個信念都有正有負，都有優點都有盲點，無一個信念是「最正確」，每一個都只係另一個既變化版
所以你可以係各個信念中游走
亦與此同時，俾人一種變來變去既感覺
包括你既心情心理想法
但哩樣嘢 可能都係你會自責既位？
首先謝謝你。我同意你話我易多變，因為我係一個好難做決定嘅人。但對於信念，我係好堅持及固執的，身邊嘅人個個都話我硬頸
hi 感謝你既feedback
你日金木金牛11宮，所以朋友覺得你硬頸
how about⋯⋯ 同事/下屬？
純粹好奇想clarify下，因為我想八卦一下你海王射手六宮會係點樣顯化？
因為日金更多係你意識上傾向金牛式固執，固執令你舒服。however，海王係射手代表信念既消融，顯化於6宮，所以希望你可以分享一下係職場哩種固執度會唔會變得有彈性d？
唔好意思啊，暫時都係睇單人為主
however，婚姻感情睇個人盤其實都睇到
可以集中幫你cc 
hi 見到你太水火處女係11宮
月白羊對分冥天秤
感覺你儘管可能成日混圈子
但我感覺你係有小心翼翼既感覺
有種我盡量保持完美，humble地面對人（最安全）既感覺
儘管你月白羊 係家人身邊or有安全感情況下應該都係爆爆豬
but因為冥王天秤對分，所以感覺你對於社交係有壓力的 有種如果社交得唔好 就會招惹一d人性黑暗既嘢來 既感覺
所以我感覺你會用「咁我盡善盡美啦，讓你無位入我」既感覺？
無論職場上、個人上我都要求好高，一係唔做，一做會做到最好，唔拖嘢。在職場上，上司及客戶喜歡我嘅比例上比下屬多，因跟我工作要爽快，鐘意學嘢嘅下屬會好鍾意我，我好均真，好有堅持，唔鐘意人 hea 我
感謝你既分享 
非常充分既學習機會
Hi。
首先小朋友應該係天蠍座？（落位唔清楚，確定一下）
但感覺小朋友表現出黎唔會係好典型既天蠍人。
因爲佢水火射手，木天合入一宮
感覺佢會比一般天蠍小朋友多左一種“樂觀”“大而化之”既感覺
maybe成日跌跌碰碰，大手大腳，做野打爛野果d……
儘管佢應該應該都擅長觀言察色，擅長讀大人之間既空氣（上升雙魚）
但佢既行爲舉止會睇落唔似一個好敏感細膩既小朋友。
尤其是月金牛，有機會你塞野比佢食就安撫到，更加"顯得"佢不細膩
（but事實上佢係敏感細膩的）
天啊 
水射手，甘細個就鍾意講經mode
我老公就係水射手……剛拍拖第一個星期，就開始語重心長lecture我人生大道理（阿媽係女人既人生大道理 
）（射手：老師、人生導師、哲學家），但自己日常生活d野一鍋粥就睇唔見 求証
可能都有返一定歲數，開始識得用"幻化僞裝" 去面對世界（上升雙魚）背後應該有種「不表態就最安全，最有選擇餘地」既感覺？
演出一個樂觀（木星）冷漠（天王）既面具去隱藏自己。
學業已經屬於追問題，post規矩上可能就要打住了
不過感覺你都feel到小朋友係有心求學問
唔洗太擔心啦
hi 首先見到明顯既係你日水金冥落摩羯，水冥近天底，土冥入四宮
感覺你人生中有好多同原生家庭有關既議題。
原生家庭既氣氛可能係壓抑的，責任爲上的（which導致情感交流少）亦有機會係曾經經歷過大起大落（冥王）但儘管你原生家庭既"令你不舒服"或者對你有要求，你反而堅持要繼續照顧家人（or more specific 兄弟姐妹）並以此為驕傲。
當然你月射手，不免會感到好想掙脫枷鎖，自由自在去建立屬於自己既價值，去更看見哩個世界，而非一直同家人説不斷、理還亂。
樓主, 我想講, 好準. 雖然我未至於PROUD OF 照顧家人, 我覺得係責任…
我可以多問DD? 睇唔睇到感情或是一生架?! 我成日好擔心臨老出問題…
謝謝!
hi，我應該未睇到你個盤 可能你睇錯左其他朋友仔既回覆
不過，吹水時間，占星當然可以睇到感情。
不過唔係傳統術數睇你幾時結婚，幾時生仔果d
而係對你自己更加了解，eg你有咩吸引人既優點，點樣發揮，點樣選擇一個對象，要進入關係你要克服乜嘢自身問題，有咩人特別吸引你，點解，背後代表你有咩自身匱乏，點樣令d長期loop既問題不再出現，點解一段關係keep唔長，係缺乏左d乜嘢，點樣去補足etc
不過俾返心理準備你，因為哩d只係免費post，都係大家賞臉一起玩，吹水向為主，如果真係認真想知道，就可能要另外認真收費睇，因為好多野深入睇係真係大工程的
hi 按照規矩，都係以你自己本人既盤為主，老公盤八卦用
首先，見到你係太陽獅子，but落8宮
另外上升摩羯，月木土落處女，感覺你應該都唔似典型獅子座
相反，我會覺得「渴望發光，渴望風風光光地proud of自己」係你自己心底一個無法被接納的慾望，進一步講，類似係一個傷痕咁？
過去甚至會唔會有過d經歷，係只好你一「嶄露頭角」就被人打槍，被人批鬥太驕傲之類？哩段好奇問既
所以你會更仰賴於摩羯既務實，處女座既humble同完美主義
我乜都做足100分，我對自己既能力貢獻有信心
我睇你班契弟仲點插我既feel？
你老公的話⋯⋯佢應該有種對於人際關係上超然既感覺，令你羨慕？
hi
首先你太金天蠍九宮，但月火落獅子7宮
感覺你自己本身係一個好對於人事物都有好深刻感受既人
對於人生既意義，道德，哲學哩d形而上既概念道理，你會非常花時間去反思鑽研，meaning你自我意識上，無辦法接受片面既野，覺得所有野都要經歷過推敲，確定真實先可以接受
然而你月亮火星獅子，等於情緒上你卻很吃「讚賞」or一d好誇張化既嘢
eg 好dramatic的示愛，好浪漫既燭光晚餐，因為你既月亮感覺「我是獨特的，我被愛戴」覺得好開心爽皮
however，感覺哩個時候，你既天蠍就會跳出黎：「假的假的都是假的！睇下d嘢誇張到！我見過哩個場面，係邊度邊度抄返黎！你真係咁愛我？願意為我去死？我唔信，我都想信，但世界上邊有人會願意為另一個只係愛慕既對象去死？做老豆老母都未必會為仔女死，何況只係追求對象？！吹水唔好吹咁大啦（翻白眼」
獅子此時：「啊，真香」
好啱呀，我成日覺得自己似處女座多啲；但係我又冇處女座嗰種拘泥（？），有獅子座嗰種大將之風（自以為）
唔好意思我唔係好識講形容，不過呢個我成日都覺得自己奇怪嘅地方
所以我喺公司啲角色都係比較務實實幹型，而且大部份時間都強迫症上身。
真，每一次都係，所以唔妄想爬太高，但又好想爬高啲，好矛盾
