感謝你抽時間幫我睇盤呀～
終於…
聽落都幾新鮮，因為我本身份人比較內向，但搞先鋒個啲工作既人通常都比較熱情有衝勁@@ 唔太似我
火星天秤好中，我成日都因為咁而好猶豫…
但我唔係好明 入8宮所以唔太公開 意思係?
Anyway thank you 
多謝你既feedback。
其實天頂白羊，除咗先鋒工作，都可以代表運動型，武力型工作。同埋一d越競爭越好既行業同工種。不過因為你個盤好重水瓶，水瓶同白羊既common ground就係創新，所以我買創新機會大d.
入八宮，即係你本性上想玩創新，但係因為落8宮，會天然地想壓抑，慌死俾人知，收收埋埋自己，甚至會“驚，恐懼”，而選擇忽視切斷自己哩種本性。
但係八宮其實都代表隱藏既財富，所以其實如果你敢於embrace，係好適合搞哩d嘢。
你講起呢樣，我曾經有諗過做女保鏢、拳擊個類工作，不過都只係諗下。原來天頂白羊係咁。
呢個真係好中，好多時真係好驚同怯去做想做既野，可能冇自信
，「驚死比人知」呢句你真係形容得好貼真係唔知點解會咁，可能冇信心同冇膽。其實身邊既人都好鼓勵我去做想做既事，不過最後我都係冇膽，就揀返啲實在既野去做，可能我怕輸驚受傷…
感謝你，辛苦你幫我解盤 謝謝你
1個讚
女保鏢？！ 
甘我覺得都fit到水瓶既"跳出social norms"同白羊既Pioneering" bor，起碼我係一聼到會覺得好驚奇既工黎
如果係甘，證明哩個的確係一個你既Hidden treasure黎，甘其實真係值得你去試下開發同embra測。
By the way,再次多謝你去feedback返比我，非常有趣啊
你開曬所有相位太亂 净係 三分四分對分合相就夠 完全睇唔到
@cancermoonmama 而家ok ma?
OK架啦，麻煩你。
僅供參考。
首先，第一眼見到你有金木合相係第一宮白羊座。
所以其實會見到，就算你係上昇雙魚，俾人第一印象好似傻下傻下，一舊雲咁，但係其實你有一種好直率熱情嘅魅力，有一種好小朋友既純真，而呢樣野係令大家不期然好鍾意你既。
你過去亦一直用黎一種方式——我鍾意啲乜嘢就去爭取既性格同行事方式，亦令你好順利甘得到你想要既野｡但係哩種從想要乜就得到乜嘅能量，唯一難以顯化嘅地方，應該就係事業上面。
因為你這金木合相，被10宮嘅摩羯海王四分相牽引住。
所以感覺職場上嘅混亂，同埋好多制度上嘅一啲含糊不清嘅位置，反而令你難以爭取你想要既野｡相反當你進入太陽年紀（大概25-30），你可能會慢慢發展出太陽金牛既性格，更加傾向採取太陽金牛沉穩實在耐心咁去處理問題嘅態度，去處理問題。
哩一樣反而會幫到你係事業上的發展，金牛座嘅土元素亦都同摩羯座嘅土元素吻合，當你好用心去經營你嘅物質生活嘅時候，你就會更加有意識去適應哩啲制度上既所謂不公或者潛規則，令到你更加喺事業上如魚得水。相反你過去果種直來直往，我想要就要，好似小朋友咁純真，主動積極爭取嘅態度去到職場上就會開始受挫，但係係其他生活上應該仍然不變。
樓主，多謝你既分析。好準確。由其係職場方面，我係受到好多制肘。 我會採用你既建議，希望能夠係事業有突破
1個讚
多謝你既feedback 
Hello,僅供參考。
其實第一眼最eye-catching係你月亮摩羯入1宮，同埋海王摩羯入12宮。
跟住你火金處女，金星同海王有3分相。
感覺你其實都係一個好入世既人，meaning你好傾向enforce自己去suit哩個大社會大環境對你既限制同要求。所以月亮摩羯代表本質上對於自己情緒同感受既壓抑同掌控，火金處女容易成爲强迫症人士 
要求所有野都well-organized，所有野已井然有序為一種美感。
不過因爲你海王入摩羯，又三分金星，所以感覺，其實你係哩種"他人好替你感到辛苦"既强迫症之中，其實你會覺得"哩種唔係病態！哩種係一種藝術！！！係一種美感既呈現！甚至係哩種極度精細化既過程中，有一種療愈既感覺！（海王）"
加上你既火星3分上升摩羯，其實都認證，你因爲習慣沉穩處理問題，不慌不忙不急躁，所以其實處理哩d極端精細管理既野，對你黎講都可以輕而易舉甘處理到。而且你somehow仲幾享受
有種d人鍾意用超級mini版本lego去砌一個巨型物件既概念？或者砌上萬粒骨牌既爽皮度
我想講你真係超準呀
我由細好多時都覺得無論身處何地都同周圍嘅人格格不入，為咗覺得自己正常啲，要睇同聽佢哋鍾意嘅嘢，少講自己真正諗法，大咗先明白其實有啲位置留白係最好，唔駛100%同人要完全一致
強迫症就…朋友同家人都話我有
例如摺衫有自己摺法，我老公或女好心幫我摺，我會半夜等佢哋瞓曬再摺過，襪同underwear都有一定摺法，左右次序調轉都唔得
另外出去都會諗定路線圖嗰啲人，會預計點行同幾點到，不過呢啲控制慾都係對內多，我有好努力唔干涉人哋點做㗎～
超準我係100%enjoy咁做
第一份工作都同呢類特質有啲關係，都係要處理啲好details嘅嘢，但行內人先會睇到我有做過同無做過的分別
最近我正想買純白地獄嗰幅砌圖
礙於屋企用牆紙，無地方掛到所以仲未買
好多謝你的分析，每一個字都中
cls 純白地獄真係處女energy既極緻
多謝你既feedback，一路睇一路覺得好正好好笑 同埋第一次睇到有盤主，本身係enjoy哩種"强迫症"，好多人自己會覺得好辛苦，但係你無哩種feel，ho jeng
1個讚
我都黎排隊慢慢等呀。
謝謝你呀～
dnd_smmri_tgno1
thank you
狀態update一下各位。
因爲最近有新project要搞，所以好長時間都無機會上黎幫大家解星盤同塔羅。之後預期都未必有時間可以解到甘多既盤同開牌。
所以打算想stop左哩個星盤post同塔羅post先啦
為左大家既隱私問題，我鼓勵建議大家del左自己既星盤圖同埋文字描述。如果你唔介意，或者我回復左你，你想自己留個記錄唔del都可以，無所謂既，自己衡量啦。
感謝各位朋友既諒解。更要多謝各位一直以來既支持同信任。
你地既無條件既愛同支持，令到我係占星同塔羅方面都有好大既成長，亦可以同各位成爲好朋友，哩個係我莫大既榮幸。
日後有機會，或者我會開d快閃post，再幫大家免費占卜同解星盤。
我仍然會係BD游蕩架
2個讚
參不多到
，不過專重你的決定。