同埋好多人會講要供30年blablabla 
個班通常都係月光族…
其實供款固定, 人工keep住升, 只會愈供愈輕鬆…
2008我都係仲讀緊書
你地靠自己儲首期+供樓，真係好叻
同埋大家都係度話唔食唔住n年先得
但係我無咁做 應洗得洗 唔浪費 有計劃
係非常重要
1個讚
係睇私人樓之前,我有抽過馬頭圍既港人首置盤
當然啦,呢d地理位置好又有折既十分搶手
抽唔到都好正常
事隔一年半之後,有日我睇左一個台灣blogger既blog
本身同6299住得好地地既佢都話岩岩買左預售屋(即係香港既樓花)
我見佢既情況都同我有d相似
1.依家有地方住,唔急於搬
2.想將來有真正屬於自己既地方
3.儲左一筆錢但係又買唔起市區
所以我就即刻同我老公講,不如放假去睇下示範單位
同時叫朋友介紹黃既agent(很重要!!!)比我地
2個讚
我都係80後, 我之前都有出去睇樓想買, 但我係想換樓, 自己層樓未放得出都無得買
最近真係好多放賣
換樓比買樓好似更難咁 加油加油
我諗呢個時勢啲人覺得唔應該買嘅原因係將會有好多樓放出嚟，會好多有得揀，所以唔使太急
其實都係好事，多d選擇
我最近都心思思想賣盤搬屋，不過就唔急，慢慢黎
睇示範單位純粹係一個形式
其實好多時佢show出黎既單位都唔係賣緊既單位
所以拎完張價單就可以返屋企計數
建議想買樓既朋友仔都dl一個叫"美x按揭計算機"既app
佢可以計到買幾錢既樓需要幾多錢
同埋要收多收入先過到壓力測試
當然,app只供參考
我地都有去獅子銀行搵職員做預審,唔洗錢
職員計完之後話我地岩岩好過到壓力測試
跟住我就叫我agent幫我入票抽
本住抽到就買抽唔到就算既心態
竟然比第一次抽新樓既我抽到好前既籌
順利簡到唯一一個可以買得起既單位(亦即係果日發售單位最平果個)
由於只有現樓先可以用林鄭plan九成按揭
所以我選擇建期付款
就係咁 由睇到買 只係用左一星期
快過買菜…
2個讚
廚房的交樓標準
但係睇完先知唔係我買果個單位
所以我到而家都唔知間屋都點
只能靠睇樓書平面圖然後加啲想像力
歡迎街坊
1個讚
hi~~你已經住左好耐定準備搬入去?
租+買都住咗成五六年到，好彩你等到商場
我買之前唔知原來裡面除左樓之外咩都無ga 
入票前我請左日假去睇下環境
因為從來都未去過康城
諗住入到去先食飯啦,點知得大家樂仲要人山人海
d野食差不多賣曬XD
好彩依家睇到新聞話商場開緊
希望到我收樓果陣設施更完善啦
無麥記我老公生存唔到…
唔好意思，我唔係好明呢個邏輯：全球QE->港元貶值->樓價唔跌
港元貶值，香港唔會出現通縮咩？通縮之下，樓價又點會唔跌？
如果無限QE，全世界經濟差，點解香港樓會唔跌？
港元貶值，咁你層樓都係用港元買賣，又點會唔一齊貶值？
所以有言樓會抗貶值，應該係假設當經濟好，通漲嚴重，樓價大升，現金追唔上通漲，所以買樓保值。經濟差抗貶值，應該買金。
不過，都係果句：自住唔怕。AA都有講，依家低水呀、香港存在剛性需求等等，幾時都有買樓理由。好似我個frd，6月買樓，幾個月就跌左2%，但冇所謂架，老人家話：只有買貴樓唔會買錯樓。按揭搞得掂，其餘自己中意就得。
港元貶值意思係指"HKD"價值降低, 而不是產物價值降低。
其實本身美國都一直控制住每年要維持通漲X%, 逼D人買股買債劵,
所以點解美國長牛市,
而現在更加全球狂印銀紙, 令港元加快貶值,
即是現在一支可樂面值$5, 1年後面值$6 先對換倒依支可樂既價值。
可能短期會因為銷售弱而通縮少少, 但是全球印銀紙, 之後一定會通漲。
所以好多人講樓市會跌, 基本上無咩可能…
如果你覺得買金好,咁就買金
從來無人迫我去買樓
我純粹係想要兩房,唔想成世租,所以買
至於經濟分析,我都係聽朋友講
正如我以前大學一個prof
佢都唔建議人買樓ga
不過佢炒股好叻,一樣搵到錢
條條大路通羅馬,最緊要簡條岩自己走既路
1個讚
你誤會喇，我係話你買得啱，買到心頭好，只要自己搞得掂，幾時買，幾錢買都冇所謂。冇人有水晶球，唔知樓價升定跌，自住升跌都冇所謂
1個讚
知唔知自己幾時收樓呀？
我有兩個朋友都係幾個月前收樓，
商場開緊但未開曬，但起碼有超市
我估計嚟緊一定唔會升，但跌就大約兩成
長遠住香港可以買，始終租樓唔太長遠
2個讚