啱呀，我就係咁諗
想仔女條路容易啲行，當然就 N 班開始諗。例如如果想阿女讀聖保祿唔愁升小升中，咁當然係一開始報 SPK/SPN 呢啲。如果住北區、大埔、將軍澳，要搬出去搏抽獎，遲啲先再搬返入去。我親戚住元朗，但個仔一入 K，即刻搬出去九龍住，順利抽入一線學校。
呢啲未算吖，部份神校同部份國際學校，出世就要部署架喇。想入大勝算入聖保羅男女、男女拔就要入 CCKG，要入 CCKG 就一定係入 ITT，一出世就要排隊仲要有返咁上下財力權力先有機會入讀。想入國際學校如 GSIS，都係要出世就部署。揀小學都係諗將來中學。咁想入間靚小學，間幼稚園就好重要。例如上面聖保祿咁，唔係 SPK/SPN 學生，外來生幾乎係零。
所以你 N 班諗升中，係正常。
2個讚
塊引用[quote=“Kyo, post:3, topic:35327”]
SAME HERE，但我無諗咁多。K1就K1，小學讀咩到時再算。
[/quote]
神校就唔諗喇，一嚟大壓力，二嚟父母都要好勤力谷到盡配合，放工已經好攰問心做唔到咁勤力同咁好心機，我願望都是讀區內band 1咁啦，入咗中學靠佢自己了。我細佬當年都係靜山小學入band1英中，咁會考一般無得原校升，就去咗區內band2 校風都幾好嘅學校讀中六，去到識咗好多其他band1 學校過嚟嘅fd，保一，協和etc 最估唔到男拔同喇沙都有，咁大家咪又係同band2 原校升上嚟班朋友一齊咁讀咁入U, 所以上咗中學，讀成點就靠自己，睇佢自己做化了
神校只係個例子，證明要鋪路，真係一出世就已經諗緊。
身邊幾個例子，2 歲已經鋪好路，研究曬啲學校，最後都畀佢哋考到神校一條龍，唔洗煩大抽獎同升中。另外嗰個係操掂筆試叩入龍校（上面 shevachevy 嗰間），佢個區分唔靚，所以一早諗定谷讀書。呢啲唔係 1、2 年可以做到，真係需要父母入讀幼稚園之前已經諗緊。但有心唔怕遲，直私都照玩，玩到有 offer 就當然開心，冇就隨緣入返聖十架，當係一種體驗，呢啲體驗最多玩兩次。真係有唔少人以為唔可能有 offer，最後居然有，甚至係臨開學前幾日 waiting call 到，急急腳買書同校服。
多謝指點迷津所以即係而家都唔可以太happy 因為到時始終要試其他龍校
坦白講, 我個目標看似係最基本, 最平凡, 但係香港讀書真係唔容易(依家就更甚), 家長一定唔可以用hea去對待, 最多就係盡咗力, 平常心接受, 回望過去, 最辛苦一定一定係小學, 尤其係呈分個兩年… 升上中一至中三就怕青春期反叛, 學壞, 升到上中四, 小朋友開始有自己嘅方向… 我就開始放手, 阿女開口問意見我先出聲… 做阿媽確實係難, 諗多步又好似好癲, 諗少D又怕萬一有咩事無兩手準備… 各位媽媽, 辛苦晒, 加油… 
係呀，香港教育點容許父母hea 唯有盡力做啦，見你回覆小朋友都已高中了？羨慕ing
大學啦… 依家我是一位自由人… 
十多年後就輪到你被人羨慕架啦… 加油…
正呀，可以多啲上來分享下心得同指點下我呢啲新手迷途父母
做阿媽最緊要係有心有力有愛…你咁有心開個post問定點為小朋友揀學校去舖路,你呢位媽媽一定會好稱職, 你位小朋友將來條路一定比人順暢…
多謝鼓勵
有排挑戰