走得好呀！仲有幾耐last day？
謝謝你，扣埋假期返多3日工就走得，遞左信信人透氣順左，一直心情有點差，身體又有毛病唔舒服，所以覺得心口壓住透唔到氣咁，我知道係情緒上影響左，以前有試過
2個讚
做得唔開心，影響身體就要走啊。當年我份工做咗1年零5個月，影響身體而有慢性病，最終頂唔順走了。遲職仲要有好大勇氣先做到，因為要兩個月通知，而呢兩個月係最辛苦，因個老闆會玩D遲職既員工。而家我都要定期去醫院覆診及長期食藥啊。
所以…做得唔開心就走…唔好影響身體健康! 努力!加油!
1個讚
返工唔係要受D無謂人既氣，你決定走是件好事！再揾過工啦，總會揾到啱你嘅工！加油
1個讚
祝搵到份好工, 加油!
1個讚
對，5年前試過，另一份做得長嘅工，攪到唔知自己患左情緒病，祝你身體健康，大家加油
1個讚
唔緊要, 日後慢慢揾份好工.
我初初出來做野就因唔理解辦公室文化有情緒病,自我價值懷疑, 無曬自信.(都差唔多係二十年前的事), 直頭無做野2年. 心情一直係差.
果時唔興叫情緒病, 我好怕自己係有精神病, 所以無睇醫生.
之後迫自己要重新再試多次. 初初做返野,都上司針對, 日日鬧…但老闆之後轉左我去第二組後做多一年幾, 之後KEEP 住做野. 雖然我現在仍會缺乏自信, 都會驚, 怕自己做得唔好, 所以更盡力去做.
這二十年的經歷比我知道,相信自己能力, 其實自己比自己想像中更好, 要更有自信. 共勉之!
加油!
2個讚
成日覺得好仔不如好新抱呢句嘢好啱，套用職場，我係好人工不如好老闆好同事
1個讚
感覺好抑鬱，因為我年紀大，加上呢家既經濟，仲難搵野做，而且我個人比較軟弱兼成日比人蝦既，抗壓能力係好低，本身多過一位家人有精神科問題，我已被醫生同社工斷左50%機會有患情緒病，因為係遺傳既，我係高危一族。我唔係想俾自己藉口要人苛護，我真係做每一樣野都盡力做。希望唔好犯錯或者少啲，但係每次去一間新公司返工，更係被人做發洩對象就係因為好恰，無論聲線高度都係俾錯覺人好恰，好人既就會對我好啲，但職場上惡人衰人多，專選擇我呢類黎恰，其實心好累，攪到我好驚恐，每次返工我個心不由自主地跳得好快好緊張
咁多年我好少遇到好同事，大部份都恰我，因為我人細粒陰聲細氣，太有禮貌
唔好灰心. 真係唔知原來有遺傳, 我父親係有精神病, 但康復了.
試下每天寫下日記, 記錄一下自己成功做左咩事, 慢慢建立返自信. 要相信自己的能力, 如唔識, 咪將勤補拙.
做下運動都唔錯, 可以減壓.
1個讚
遲職後所謂上司想留我，我說壓力大不留了，之後就每日都發脾氣，雖然冇駡我，但常掉東西大力關門，還有最癲就係成日啤住我，我覺得佢有精神問題，明天先係last day , 我好驚恐，我個心跳得好利害
加油
其實可否請SICK LEAVE
1個讚
你要堅強呀，其實佢地最多情緒bully 你，實際做唔到咩。你諗下最worse 既scenarios ，然後預備解決方法，再唔係叫定朋友、家人係門口接你走。
3個讚
謝謝你，你講得岩，佢係特登用情緒黎嚇人，我而家盡力放鬆自己，同自己講好快我就唔駛再對住佢。剩番明天一啫，最多唔望佢當聽唔到任何聲音。我會努力
2個讚
我唔敢呀，雖然我勁想，但佢好惡，佢會用粗口駡人。正如我之前提及，佢情緒好有問題架，似癲佬會打人果種，我個人係好弱小又怕事
1個讚
做得唔開心一定要走，我試過比老細話幫唔到佢手（佢成日心情唔好就會粗口話人），搞到自己有少少抑鬱咁，以為無嘢啦，比人話咪再努力改善，通宵都幫公司做嘢。
後來搞到我壓力好大，成面暗瘡，之後就決定resign，無後悔過！暗瘡resign後睇醫生大半年先好返。
2個讚
個處境同你以前一樣，不過個主管係針對我黎發洩，以為遲左職冇咩大不了，大家又冇爭吵過，但佢竟然報復性好強，日日返工都怒目而視我，想打我咁既樣，好似我殺左佢老豆咁款
主管好變態, 佢有無家庭和仔女的?
呢層唔係幾清楚，佢個人係好古怪，成日係房開住喇叭聽音樂，一朝早飲紅酒定白酒。成日情緒化，小小事都好勞氣，凡外面公司機構打電話搵佢，佢就會好嬲咁問候人地，問人哋搵佢仲乜，人地打黎追找數仲惡，問候人地阿媽，滿房粗口，隨即come 電話掉keyboard ，遇著佢心情唔好又煩到佢，就怒目而視閙你，有時係佢錯都要我道歉
1個讚