腦細話，部門之間可以唔洗打電話唔洗用email溝通，應該直接行埋去人地個位度講。
腦細又話，部門溝通要有email support先得。
腦細再話，email有時唔係成日check，依家有whatsapp可以whatsapp傾。
腦細仲話，whatsapp唔係正式既公文，唔可以做supporting，要email先得。
我條team 3個人加埋隔離team 3個人，每人每個project跟足佢指示咁做，首先準備好email唔send住，whatsapp佢幾時幾分會call佢，call佢之後話佢知幾點會去佢個位度同佢傾，夠鐘時佢個位之前send左個email，whatsapp佢email已經send左提佢check，再call佢同佢講email左野俾佢依家行過黎，兜口兜面傾完即刻再整個minutes email俾佢，之後whatsapp話佢知minutes send出左，跟住call佢問佢有無收到minutes。
兩條team lunch hour唔同，就係咁樣玩到佢飯都無時間食，唔夠一個星期，佢個mailbox超過3k unread，whatsapp個個group都有綠燈，電話不停響。
之後佢自己頂唔順叫我地要識得work life balance，唔好放左工半夜三更都whatsapp佢又打俾佢問野 
1個讚
講明先,仆街老闆們,如果你哋上嚟睇,就唔關我 L 事架!你哋無咁衰,邊鬼有人咒你哋鬧你哋?鬼得閒老吹你哋咩?係咪? 
當然啦!如有類同,實屬巧合啫 
1個讚
我舊老闆，一時一樣，乜都冇教我叫我做，做錯就鬧！（其實點會做岩呢？都唔知咩係岩）
唔鍾意個個人，佢企同行都係錯！鍾意既，做錯咩都睇唔到！平時同老婆唔岩就搵我哋黎出氣！早上話A，下午就鬧「點解係A啊，係人都知係B啦」大家都…下？
我辭職個日，同事放假，得我一個！
我跟佢做緊野，咁岩又有電話！
已經一「喂」完就請對方留電話再覆佢，電話留到一半，佢好似癲狗咁衝過黎話「我叫你即刻過黎啊！」
我o哂咀，拎住電話跟佢去，繼續留埋另一半（個4個數字），電話入去既對方都呆左「啊，啊係，1234」
原來佢叫我即刻過去係因為佢整唔到，但我既工作其實都只係可以望住佢整！
最好笑係收工，我同佢講辭職，佢竟然點我問解！真係笑左！
一般人做左兩星期就會辭職，有新人頂我位，一樣2星期辭咗，佢老婆嗌人返黎做，但同我哋講「佢想試多次」
我做左8個月，因為我係新入行，做到一半出面冇人請，點都要學識啲先走，所以先忍佢咁耐！
講起呢條癲雞女老闆,就勁長篇!
我未報到前,原來已經出事,事後有同事話返比我聽!
話說我個排要返夜,但啱啱升緊,硬食!(其實本人唔太只在升與唔升,衰啲講,返工旨在過時日…唔係我口氣大)
同事話我知,我呢位癲雞都係新嚟,佢好怪!有日(我未到步架),癲雞走去同我同事講,話嚟呢度仲乜?又要返夜,又有屋企,咁搏仲乜?比我就唔升!
之後,有次一齊出去做野,閒聊間,癲雞問我你幾時走?我覺奇,啱啱先返工,仲未放工
於是我問同事,同事先爆呢件事我知,明晒!
第2次一齊做野,癲雞數佢最鐘意邊3個同事,數極頭3位都係男人,仲問我係唔係,我一句頂佢,你覺係咪係囉!下次佢搵我做野,我頂返癲雞,點解唔搵xxx做?你話佢做到喎!掂喎!你至愛!佢先死死話xx唔係跟佢!又話佢都鐘意男仔跟佢!正死發姣癲雞!
癲雞又鐘意充大頭鬼!
一齊做野,又問我住邊,買定租?我答完問返佢,佢話乜租而家要咁貴架!
好嘞!通街同事唱佢好富貴有樓係手…
半年後,公司加人工,我話老闆加人工呀!佢計一計話加咁少!我話加少少當幫補下,供下樓或者比小朋友交學費都好!一心諗住打圓場,唔想同佢繼續傾!
點知癲雞一句爆响口,話邊有樓供?我話你唔係買左樓咩?癲雞話啲樓咁貴,衫樓就有!
原來佢成日講大話充大頭鬼…
終於走了
癲雞約我返去寫野,撩2筆,ok
我去到,佢話我唔聽佢電話,我話你朝早11點幾打比我喎
癲雞啲戲好掂!佢一口咬定話,12點喎!
我話我有電話紀錄,你要唔要睇!我返緊工,約左你12點打嚟,你就11點打嚟!
癲雞死死氣唔敢再出聲拗!
跟住就話驚我無野做,怕無聊,所以佢做我老闆期間,成日要搵野比我做!又潤我返工唔旨在錢,買花戴!..
我心諗我點做關你x事?!我返工又無偷懶,你都搵得野比我做,我又做到,証明我都掂啦!我有糧出做返基本野,唔得架?!求其拎完封 ref letter 走人,88癲雞
雙面人，表面上幫你關心你 背地裏搵你做箭把，寬己嚴人。
呢條癲雞,新年年初3又返工,父親節又返工,乜大時大節,好似無屋企咁!返都算,有乜問題仲要打比你!大佬!你唔放假,我要放假嘛!明明佢自己把口又話唔搏,實際搏到出面,仲抓其他老闆野做,但最賤佢自己唔做,卸晒比我做!正冚街!
女上司真係好煩 
試過有個女上司 自稱除咗自己專業嘅知識外咩都唔識 屋企有工人 煮飯洗衫洗碗等全部唔識 連同個仔出街公司出trip都係佢老公幫佢執袋
同樣佢喺公司都係咁 我只係下屬 唔係秘書 但連食飯claim錢book機票酒店都要我做埋 公司除咗director grade以上同事有秘書跟之外 個個都係自己做返 佢就不斷話唔識 教咗佢又話難又話自己唔識中文睇唔明個system點用
有intern嚟做2個月 佢就好醒咁叫我平時有咩唔想做就快啲畀intern做 我心諗 平時佢咪咁對我囉 仲有人哋intern嚟學嘢 唔係做阿四 用人唔係咁用。。。
好幼稚架 佢可以話畀人聽有人幫佢做哂所有野 職業女性嘅典範喎
好奇一問係唔係細/中資公司多好多仆街野？
我做幾間大公司好少呢d問題
話說有次要出去跟客,20分鐘路程,癲雞就每幾分鐘打一轉電話嚟,問我到左未?!
我話比 d 時間啦!行緊啦!佢話大老闆成日問,大老闆催佢,佢催我!
我心諗:吊!你唔識應付大老闆架?佢催你,你催我!出咁多糧比你,剩係請你做傳聲筒架?服侍大老闆係我責任咩?咁不如大老闆直接搵我啦!要你嚟把 L 托呀?聽完火都嚟 
仲有1轉,我個人勁唔舒服,發住燒發冷照返工.
lunch hour 食完飯,係同事張枱恰着左,遲左10分鐘醒,我電話即爆機!
我覆返癲雞,佢係電話係咁吊我,話我唔聽佢電話,咁樣係溝通有問題,要我解決!
我講左 sorry 同對唔住一定超過3次,佢唔接受唔聽!
最後我發火話你可以過嚟 check 我架?點解要打比我?佢就話叫佢點信我?我話唔駛信,眼見為實!!!
到我真係冧檔無返工,佢就 what 我話驚我係街暈左,其實好關心我架! 
做過一次中資真係有陰影
每日都充斥住荒謬同無奈
生存之道係擦鞋
講起男老闆,都係一件 xo 極品
呢位男老闆好識擦大老闆鞋,佢日頭唔做野,成日同周圍人吹水,臨收工6點前就扮做野
有次,同事走嚟同我講,話燉我唔抵!話條男人老狗原來日日趁我日頭做野,佢周圍同人吹水唱我唔 ot!!!
我話我日頭做晒要 o 乜t?佢自己日頭吹水做唔曬,要 ot 扮勤力,又等埋佢女友 ot 放工!但又要人陪佢 ot,想叫埋我 ot…我唔係時間 zip 石人囉!!!
而家比例要改返,賤老闆,女:男=4:2
而好老闆比例,女:男=2:5
