好同情你，最後大家點樣解決？有冇小朋友呀？
同意… 現實就係現實… 我唔會話樓主錯, 如果換轉係我…都可能有咁嘅想法…仲要係咁後生…
你好慘,係咪成日要受佢氣? 
佢應該一早坦白講你知俾你考慮 
我有朋友個老公都係有病,我朋友一早知考慮完都係同佢結婚生仔
2個讚
面色呢家野食足咁多年。成日話我有份人工高穩定工又多朋友，仲怨乜。我心諗我付出努力係工作上先有回報，朋友都係用心建立關係。
不過我最火係其實好大機會係佢屋企啲gene有問題，所以佢有生育問題。全個做人工授孕既過程，佢無好好調理身體，但我一個好努力，大肚一直流啡到生，佢只係一味話我多活動。但屋企粗重野從來無share 。
所以點解我之前分享佢love bank 係不斷OD
6個讚
我都係拖字，因為無娘家blessing 離婚。
佢同我奶奶一定會搶小朋友。我都唔想潑婦罵街數曬佢同佢屋企啲野出嚟
1個讚
但都要prepare for the worst…
2個讚
係啊！所以我安排呢幾年要裝備自己，隨時帶個小朋友離開香港
4個讚
加油
1個讚
角色調轉，你老公想同你離婚，你係咪成全佢？
夫妻唔可以共患難。。。。我係女人都覺得你自私。
你老公同奶奶咁癲,你要部署下,唔為自己都要為小朋友諗~
記得要打好親子關係呀,男家太情緒化,如果係奶奶湊,唔知會唔會教壞小朋友 
2個讚
知道。我宜家覺得最緊要係要身心健康，長命百歲照顧個小朋友
1個讚
樓主雖然不同人可能對你既問題有不同睇法，我覺得最緊要係安靜落嚟再決定啦。無話絕對岩同錯既決定，因為得你本人先會知自己盛載能力。無謂因為一個人令你身心疲累到爆煲。努力
Hugs,支持你
只要你想改變現狀既心不變，一定明天會更好！
1個讚
請問你去邊度做瑜伽？定睇咩youtube channel?
我去過幾度做，你可以pm我，我pm唔到你啊
你的睇法另我想起張達明，佢有cancer之後和太太離婚。不太明白點解要行到呢一步。
林梓博就陪伴走到最後。
每對夫婦到有自己考慮和感受，
但希望不要在苦難中增加傷害。
明白樓主的感受，多D入來傾訴，祝早日康復，一同度過難關之後你們的感情會更好。
1個讚
我之後research 左呢. 據我所知坐骨神經痛係病徵, 而不是一種醫學診斷. 咁其實佢係咩病?
如果係椎間盤突出, 其實都有得醫ga wor. 要做手術同埋物理治療.
當然如果佢真係刻意隱瞞, 咁都唔抵幫.
3個讚
依家先看到, 怪錯咗樓主
如果係咁樓主老公都幾衰，諗住早啲呃個女人番屋企照顧發病後嘅自己？婚姻如果存在詐騙，咁離婚都係抵個男人死啦！
我都同意一早知另一半有遺傳病而會令自己生活不能治理我係唔會嫁，但如果唔係一早知嘅病，係後來先有嘅意料之外，我會照顧我老公！
即使我衣加先得廿幾歲仲有大把世界，但結婚前已經一早諗定呢啲情況先會講結婚誓言，婚前幫老公買齊保險，有咩意外就算佢一世番唔到工甚至要坐輪椅生活，我都會盡量協助佢搵到人生意義，例如淨係負責照顧小朋友功課～佢想寫書就幫佢成事，性方面亦會幫佢維持，唔會令佢覺得自己病左就冇哂尊嚴咁。
不過我同老公都互相有共識，如果大家真係出咩意外差到變成植物人嗰類長期訓醫院連呼吸都要儀器幫手，就一定唔好急救，比我死左去算，用得嘅器官就捐哂佢。
5個讚