老婆慘d，經濟壓力同要照顧佢成世
1個讚
我老公30零歲確診糖尿病，應該係遺傳性，而且開始有相關嘅後遺症。
一開始我好怨，
到嗰時佢先講原來佢父母、親戚都有糖尿病，都有好多併發症，比如甩曬成口牙、
仲有個同我哋差唔多年紀嘅堂哥嚴重到要入院幾個月。
我嗰時都成日諗，如果早啲知道佢家族有咁嘅病史，仲要咁後生就病發，我打死都唔嫁俾佢。
從此之後我哋嘅飲食習慣完全改變，除咗好多嘢唔食得、又要買多啲保健品，時刻要留意複診日子、又怕佢糖尿上眼⋯⋯
你同老公得30歲，突然重病情緒肯定波動好大，
而我認為，首先要接受現實嘅唔係你，
係當事人。
一開始我成日同我老公講，
「唔係我唔抵得你食，係個天唔比你食。
如果我有得揀，我都希望你健健康康。
你自己唔接受現實，我係無辦法幫到你。
你唔願意面對現實，
你又點可以期望我同你一齊面對？」
但你自己亦要明白，
所有人，今日唔病，將來都會病，
只係差在好唔好彩個病辛苦啲定無咁辛苦。
另一半生病隨時隨地都要面對，
你離開咗呢一個唔保證下一個就無問題。
如果，你已經完全唔鐘意你老公，
甚至嫌棄佢、乜嘢都睇佢唔順眼、
你直情有想死嘅感覺，
唔好困獸鬥，唔好釀成悲劇，係岩嘅，
但我亦提醒你，
道義上，你絕對有責任再努力啲，
喺精神上身體上，
幫助你自己同你老公提起精神，
希望你問問自己，仲有無多啲方法、方式，
係可以再努力啲、盡力啲，
萬一你最後真係放棄，都總算問心無愧。
加油
45個讚
岩岩諗到 瑜珈好多動作都可以改變坐骨神經痛 樓主可以試試
2個讚
游水都有幫助。
睇多個醫生問下其實個手術是否成功? 是否需再做手術?
2個讚
家家有本難念的經，病人自己辛苦，照顧者亦不好受，唔敢俾意見，加油努力
有冇睇痛症科，可能幫到手。
樓主，你老公面對緊嘅嘢我都經歷過！希望你依家嘅諗法只係一時間轉咗牛角尖，唔係認真…
我依家都係30歲左右，幾年前開始有嚴重嘅坐骨神經痛，曾經入過院，又做針炙又做物理治療，但初初情況一直普通，醫生都話過會好轉但難斷尾，果時日日痛到行又痛、企又痛、坐又痛、甚至瞓覺都痛，日日失眠，工作亦都受影響要停工，唔好話行，煮個飯企多一陣條腰都痛到想死…果陣真係會覺得自己好廢，情緒真係會好受影響，最後搞到有嚴重抑鬱症，真係生不如死…如無身邊人支持，真係會好難捱…
不過，要知道坐骨神經痛雖難斷尾，但都會好轉，只係過程係會漫長但一定有機會，最緊要有耐性！依家我好咗好多了！雖然都仲會有痛，但已由非常難受嘅痛，變到依家係忍受到嘅隱隱作痛; 行路雖然一定冇以前行得咁耐，但都已比初初時耐咗好多; 工作上未能回復到全盛時期，但如係返時間短啲自由啲嘅part time就綽綽有餘！
其實我都預咗最壞情況係一世要同個病共存㗎啦，差在要用咩心態去面對佢，同佢共存！
要改善坐骨神經痛，最重要係由生活入手改善姿勢、唔好揹或拎重嘢、每日勤力做少少拉筋運動、即使係痛都盡量行多啲、運動多啲肌肉先會練返夠力去support個人，咁慢慢痛症先會減輕…
我好清楚做照顧者有幾辛苦…我最差時見老公捱到殘哂，又要返工養家又要照顧我又要陪我周圍去做治療又要煩錢銀，之後我仲要有埋抑鬱症，搞到佢日日怕睇少我一眼都會做傻事，佢真係人都顛⋯⋯其實我個心係好唔舒服、好自責！我好明白做照顧者果種身心俱疲係會令人好沮喪，有情緒都好正常！太攰，可以間中俾自己去抖下氣，但絕不能放棄！除非你唔再愛佢啦⋯⋯
我老公同我一齊捱咗幾年，依家先叫做有返啲希望！經濟上一定無以前公一份婆一份咁充餘可以儲到錢㗎啦，不過只要應付到日常需要，就好足夠！曾經我工作上好有目標想一直向上爬、好多地方都想去想做、我哋兩公婆都曾經有好多長遠嘅家庭計劃： 想儲錢買樓、想年年去旅行、想最少生兩個小朋友⋯⋯⋯但所有planning依家都要擱置！不過我哋都要睇化，因現實就係咁，計劃趕唔上變化啊！有時做人無得expect太多，煮到埋嚟就要食，要珍惜當下，最緊要人無事！
只要夠愛對方，乜方法都盡試，依家最差嘅情況只要捱得過，一定會愈嚟愈好㗎！加油啊！唔好放棄！
32個讚
請問點解會有坐骨神經痛? 係突然間咁一下子病發定慢慢變差?
唔識俾意見。
只知道如果你覺得難捱，你老公會覺得更難捱，佢都唔想咁樣、無人想咁樣
希望佢快d 有改善、好返。
坐骨神經痛好多時都係姿勢唔好，令椎間盤長期受壓影響到神經線，但都有啲例子係意外造成
我都算係慢慢變差嘅！但就係單一事件觸發到咁嚴重
我係日常姿勢唔好，有啲寒背又坐得衰，再加上工作上多行行企企有勞損，搞到脊椎一直過份受壓⋯⋯
初初有少少腰痛諗住搽吓嘢就無事，直到有次姿勢不良咁攞嘢一下拉親，搽極嘢都痛，痛到頂唔順去睇醫生，先發覺係坐骨神經痛，而且已經拖到好嚴重⋯⋯ 
希望你同樓主老公可以完全康復，祝福
1個讚
謝謝回覆
希望你完全康復 
1個讚
咁醫生做完手術後有D咩建議?
每個人都有心情差既時候
希望你可以正面D去面對 (我星期日都面對左人生一次考驗,以為阿媽有認知障外)
但首先, 真係好希望你可以放鬆心情, 搵信得過既親戚朋友傾下先, 睇下有冇人對呢方面有認知
關關難過, 關關過
船到橋頭一定直
你既情緒會影響到你另一半
唔好咁易比另一半情緒影響到
同佢講, 要一齊面對
For ur information。純粹講性生活係可以用一啲唔同體位去幫的。你可以叫佢問醫生。伊利沙伯醫院入面有間社區復康既中心有性復康既服務。
不過你自己要處理既真係唔止係呢個問題。不如試下去社區既家長服務中心。果度有社工。同佢地傾下計睇下幫唔幫到你地財政或心靈?
結婚當日講既說話，講就易，有幾多對係可以守一世，唉
你講呢句就好似我同老婆咁
兩個人相處，無論有無事都好，佢開心我就開心，佢唔開心我就唔開心
我同老婆都經歷過，不過係心理上既問題，結婚前後幾年大家都好大壓力（曾經有生命危險，要打999），太多原因，佢好多時會爆喊，甚至有一次佢提出過分手，但我了解左原因之後，佢因為覺得拖累我，但我係選擇同佢一齊面對，因為我係真係愛佢，如果無我堅持唔會有而家既日子
我同你經驗係唔同，但受既壓力唔會低，希望你睇完可以再諗返你同你老公既關係，係咪你話離婚就解決既問題，定係再試睇其他醫治方法，我覺得係你個心理障礙大d，希望你老公可以好返
4個讚
明白果種未知前路同要照顧既壓力晤細。
我老公有情緒病，我地結婚6年佢失業左兩次，基本上個家咁多年係我一個人撐。因為佢個病，我一啲一般家庭生活都被影響，仲有工作就因為佢主觀感覺既人事關係問題同工作壓力，日日俾面色我睇，宜家傾親搵工佢都發我脾氣，甚至佢會被面色同説話我父母（兩老唔知佢失業，平日幫我照顧小朋友）。
最初我都覺得係要共患難，但當六年都係患難多同平靜生活，如果用love bank既concept ，佢係關係上透支得太多，我都會覺得佢係一個包袱，甚至佢既狀況影響個小朋友升學既選擇，我好想離婚，因為我一直同單身同單親無分別，但實際要做呢步，都有好多地方未處理到，當中我難去處理係佢同佢家人都係痴痴地，會搶小朋友同去我公司搞事，而我娘家唔係太support 離婚。
可能因為我有小朋友，我覺得我要顧住我mental 同physical health ，所以我唯一可以做係當佢透明。如果你試過修補關係都唔得，真係早啲離婚，對你身心健康都會好
14個讚
建議樓主睇定D先！你丈夫有病佢都唔開心，再加上你話要離開佢，更加不敢想像。兩公婆有緣分才一齊，呢D都係彼此考驗，希望你能夠彼此同行，況且又非不治之症！
樓主可嘗試網上找些偏方或自然療法醫治。有時冇其他實際方法就咩都要試
做完手術多久？
搵社工傾下先