你咁講我直覺覺得佢未有目標
所以唔想離開父母，自己無信心自己生活
試吓幫一幫佢理清方向再搵多少少資料比佢決定
1個讚
日本高中我就唔知， 但去讀大學一定要有中學畢業証書同夠18歲， 如果現去讀高中插班仲要考日本入大學試， 我諗用日文考吾係咁易囉
係，倚賴慣左，不得不承認
唉，我又達到每天發言上限了
要幾耐先冇限制架？
我只可以利用編輯更新內容
上面jm 講佢未搵到目標講得好岩，中晒
佢同同學訴苦都話去到生活唔到，會唔出聲
聽日，你join左24小時就無上限架啦
另外，你有冇了解佢有冇同學朋友會去外國讀書
一齊去佢應該可以適應到嘅。
1個讚
畀我搵到個日本仔去 UK boarding school 嘅 youtube channel：
佢應該都係上年先去，同你仔應該差唔多大，可以有共鳴，不過人地講曬全日文冇字幕。
呢個香港女仔上年拍片 14 歲，得兩條片，佢應該係去左 Roedean 讀
亞洲高中好少會拍片，鬼妹鬼佬多啲。
2個讚
要去都唔係去日本啦，嗰度太排外，如果諗住讀完書留底做嘢，唔覺得日本係首選
2個讚
如果佢好抗拒，又真係比較難搞，夾硬迫佢去可能有反效果，只好盡量搵多啲資料，同佢分析多D。我仔13歲嗰年都去咗德國，因為佢有目標，自己好想去，所以即使佢當年係完全唔識德文，過到去都適應得好好。
1個讚
我都一心打算送女出國，講左都成年，某日，佢好可憐咁同我講，可唔可以唔好掉我去外國。。
如果我夾硬黎係可以的，但算啦，佢都咁大個人，勉強無幸福，唯有安慰自己，兒孫自有兒孫福。
1個讚
由上年開始，我亦與子女說不如出國留學，但可能遲咗計劃，及他們亦認為暫時在香港讀都可以，所以冇走到。
不過，已提出讀完大學後，必走。
所以我好珍惜呢幾年在一起嘅時間，要加倍愛他們，怕將來大家各處世界的一角，只能靠視像見面。
2個讚
德國好呀
我都諗住遲啲小學比個仔學德文，德國係其中一個留學嘅好地方
我都說服阿仔去外國讀書，講咗一年有多，最近佢接受咗。我個仔都好鍾意日本，有學日文，不過玩同生活係兩回事，我地諗住就算喺日本讀書，都會返香港做嘢。我會盡力說服個仔，即係佢願意，先比佢出去讀，我唔想佢將來有咩唔開心，都話係阿媽逼我去外國。建議比多 d 外國讀書資料佢，可以嘅，最好交流吓，佢發現外國讀書係咁正就無咁抗拒。我個仔都好倚賴，一直都話唔想離開 Daddy Mummy，我話佢遲早要獨立，Daddy Mummy 唔會一直陪住佢，佢都接受唔到㗎！不過當佢自己想出去讀，就接受咗生活無人照顧，而家未有學校收，佢已經有心理準備。
1個讚
其實大家唔需要為子女計劃將來。我阿媽幫我行到中學，已經好夠我已經好多謝佢。
未來條路自己行出嚟。
外地讀書並不一定留喺當地做嘢。
時機到，機會總會出現。
大家回想中學嘅時候，條路同而家一定同而家好大分別。
其實又唔係幫佢計劃將來，只係俾個機會佢有多個選擇。大部分細路可能冇咁快知道自己想點，但有機會的話，安排佢出去外面見識下，一定有得著。
1個讚
有能力幫佢出國讀書，對仔女其實已經足夠。之後點，唔需要再諗。
啱，但係呢個時勢父母幫到佢將來條路行少d冤枉路就盡做
以前係父母幫手比首期，而家係父母分析鼓勵去外國…
長遠計一定唔會揀日本，將來佢自己揀一件事，作為父母唔會一開始就restrict 咗佢將來出路
日本生活太太太大壓力，老人數字愈來愈高，又有地震。最大問題係同國際唔接軌，仲衰過大陸（政治問題唔講住），將來想去第二度發展會好難
唔好為走而走，要走一定要揾個啱嘅出路，就算唔啱都會容易跳返出嚟
去外國讀書，年青人一定會唔慣，但呢啲大決定都要父母説服佢。我睇法係去就一定去，最多比佢揀幾時。
3個讚
所以父母可以做嘅就係送佢哋去外國讀書（樓主嘅情況就係離開香港），邊度都好。我哋自己未來都會送個女離開日本讀書。可能係高中，可能係大學。
一定要佢離開父母身邊，自己睇吓尼個世界。
到時候，讀唔讀到書就靠自己。
讀唔到書，攞唔到大學畢業，未必冇出路。但係你睇嘅嘢已經唔同晒。
我可以保證尼一樣野。
2個讚
絶對同意，我仔參加外國嘅 summer course 之前，目標只是放在香港，參加完之後，佢嘅眼光同目標就由香港伸延到世界。雖然佢唔會讀大學（起碼未來二十年都唔會讀住），但我從來唔擔心佢冇出路。
我由細到大都係一個裙腳仔。
第一次去美國夏令營，大約七歲。本來一個月，喊道我阿媽兩個星期之後來接我。
第二年再去，因為第一年已經俾咗一個月嘅錢。
今次開始唔捨得走。
呢個係第一次嘗試到自由嘅滋味。
所以做咗14歲離開香港，唔捨得，又不安，但係唔會反抗。因為八歲嘅時候我嘅視野已經廣闊左。
1個讚
我既發言限制終於畢業了, 以後可以暢所欲言勒~
睇到大家既意見及分享, 很多謝大家, 我都有所領悟， 我會再跟先生和阿仔好好傾下,
哩度真係好好, 搵返十幾年前既BABY感覺~
3個讚