BB 個幾月大
日頭埋身餵已經每次餵大半個鐘
之後瞓得嗰十五分鐘又叫人陪玩
每兩個鐘頭餵一次
次次想泵奶一開機佢就要陪玩
洗衫煮飯瞓晏覺全部唔使諗
雖然佢夜晚我補埋奶粉佢可以瞓到四個鐘我都覺得安慰
但我都唔知同佢玩咩好⋯⋯ 又攰，又有好多其他屋企嘢想做⋯⋯
無工人，亦唔信得過工人
奶奶嚟到同佢傾一個下晝佢唔瞓仲衰，黃昏就會扭眼瞓變人狼
點樣可以俾佢日頭都瞓下？又唔怕瞓完夜晚唔瞓呢？
同埋佢成日都係叫人玩（一陪佢，佢就好開心笑），唔陪佢好似好衰，但我真係好攰⋯⋯
放棄做家務，我果時係咁，我會放佢喺梳化瞓喺我旁邊，再開電視有啲聲，我齋坐陪玩，埋身食人奶。滿月後唔夠奶就直接換奶粉
Bb好想人陪伴，夜晚我老公返到屋企一叫bb時，bb會立即擰頭去爸爸果邊笑架，都幾肯定佢根本睇唔清爸爸，未滿月
忘了說，果時我要每小時都餵，係瞓得半小時左右就醒架
1個讚
可以嘗試同佢建立時間表，每日定時定候做同一樣嘢，慢慢bb就會到時到候想訓覺，宜家仲細，大啲唔特登同佢做，佢都會識定時定候就要訓啦
初生都算好，我bb宜家8個月大有情緒，唔陪就又喊又叫，更加一刻都行唔開
家務嗰啲睇開啲，盡量搵人幫，無人幫就搵鐘點做家務，自己照顧bb
1個讚
食都暫時未做到時間表
通常每餐一至兩個鐘
去到黃昏就變餓狼，一定要補奶粉
一補奶粉瞓嘅時間就唔定，由一個鐘到三、四個鐘都有
有時係我谷奶醒咗（因為太攰暈咗 
），自己去泵，泵完佢就醒 
成日都掙扎緊
佢越食越耐
仲要係食一邊ok
另一邊就扭扭擰擰⋯⋯
其實餵奶粉好好多架
我bb食得多，要奶粉先夠飽肚，夜晚可以隔一兩小時先餵奶，但人奶就每小時都喊
餵奶粉休息都多啲，唔止大人要休息，bb都可以瞓耐少少
1個讚
有冇用包被俾佢瞓？BB床仔有冇床頭轉下轉下D公仔？或者買D布書搖鈴公仔俾佢玩下？好多野都可以同佢玩下，如果BB床可以推出廳或者有high chair床放BB係自己附近就可以一邊做家務一邊陪住BB，試吓咁work唔work。我BB仲細時仲會一邊泵奶一邊陪BB玩，買個bra可以放個泵入去，兩隻手free出來就可以做下其他嘢架啦。
我BB 2個月大之前都係極需要安全感（？）BB，日頭大部分時間都要抱住，好間中放到落床訓1-2個鐘開心到好似中六合彩
之後朋友介紹睇哩本書https://www.cp1897.com.hk/product_info.php?BookId=9789861365282
入面有講EASY 育嬰方式，即Eat。Activity。 Sleep。Your time
我先發現原來BB一早已有類似哩個cycle，係我唔識去配合佢（例如食完奶急住想抱到佢瞓，唔俾時間佢”activity”）
現在佢兩個半月，日頭大部份時間都可以自己重複哩個cycle，就差黃昏時間有一轉做唔到，但我哋都已經好開心！
相信初頭試嘅時候會辛苦啲，可能要俾啲耐性，慢慢佢會出到嚟。
希望幫到你！
p.s. post以上資訊如有犯規請告知
1個讚
有呀，仲同佢講埋「嗱，媽咪去洗衫煮飯，你自己玩一陣呀」
5分鐘之後開始叫人，叫咗你唔理佢就喊 
佢唔一定要抱，自己喺床仔但又你同佢玩/傾偈
你同佢講咩都開心
行開就 Eh 你
老公或者陪月喺度就有人輪流陪傾偈同玩
唔係就得我自己⋯⋯
但佢唔瞓去到黃昏又係扭眼瞓
如果係咁，佢喊時你可以去陪佢一陣，之後同佢講媽媽行開陣，隔10分鐘又行去陪佢一陣，中途如果佢喊你都唔好理佢唔好抱佢，最多望下佢有冇事，不斷重複咁，等BB知道你係身邊就ok。因為BB而家知道佢喊你就會出現，所以佢只係會用呢個方法叫你，當佢知道你隔一陣就會出現陪佢，佢自然就會少D喊，但一開始真係要恨心D由得佢喊一陣先。
2個讚
都係嘅⋯⋯
bb咁細食+瞓最重要
呢個時期唔係陪玩
成日醒應該係未夠飽, 我果陣都係放題式咁餵奶, 後來餵奶時間越來越密, 先知佢唔夠飽, 補奶粉後就瞓得好D了, 至於陪玩, 佢對你笑都未必係扭玩, 咁細個都未係好識玩, 純粹可能見到你 = 有嘢食所以笑, 家務就隨緣, 我都無工人無長輩幫手, 戒夜奶前真係無理D家務, 或者等老公返嚟幫手, 始終照顧好自己同BB緊要D, 加油