我而家個仔得幾個月 我已經響度plan會唔會其實擔心得太多
都係到時睇佢性格再算
當佢係一個成年人
Kind but firm 好難拿捏，而且需要你個人 EQ 好高，無論小朋友扭幾耐、尖叫，你都要保持到冷靜。呢樣真係 90% 家長都做唔到，見到小朋友唔合作，好多家長都立即變曬獅子老虎。
除左 kind but firm，有兩點係專家教我：
- 必須兌現承諾。你一次失約，小朋友就唔再信你。e.g 你講過星期六帶佢去海洋公園，就一定要帶佢去。
- 對住幼兒，唔好下下講 “no/唔好”，要畀清晰解釋同指令你想佢做咩。e.g 唔想佢搞櫃桶驚夾到手指，要講「會夾到手指吖，過返黎」instead of 「唔好搞櫃桶」
1個讚
呢樣真係好難 要做到佛系心憑咁
以生命影響生命（以身作則）
2個讚
嗰d 文來來去去都係嗰幾樣，又要溫柔又要有威嚴，我諗大部分細路隻耳仔都接受唔到阿媽溫柔時嘅聲音，一變暴龍先會去做。
其實要點kind 法？
試吓喺條街個仔大叫大喊3分鐘你仍然唔制止佢，即刻俾人話你唔控制個小朋友騷擾其他人。
其實我贊成獎罰分明多d，做錯嘢俾人鬧係正常，呢個年代已經唔打喇，連鬧幾句都唔得？
到佢大個出嚟社會邊個會對佢kind？
4個讚
個專家（讀過教育 PhD 又做過 Band 3 校長），佢話佢從來都唔鬧，因為冇必要咁做。佢用班房例子講，佢上堂前會約法三章，上堂唔可以喧嘩，如果犯戒就要去角落企，企到個學生認為自己能夠唔傾計就可以舉手返埋位，如果再犯就要再企。我問咁佢玩野係咁阻人上堂點算？佢話「咁你覺得點解佢要咁玩？而佢又玩得幾多次？10 次、20 次？只要你冷靜遵守約法，將守法主導權交返畀佢就得。」如果係個仔街上大喊 3 分鐘呢個情況，即係代表出街前你要同佢約法三章，如果佢係街到發脾氣自己大喊，你就要遵守約法帶佢返屋企/去廁所，直到佢自己認為自己已經冷靜可以出返黎行，而唔係由佢街到喊。
佢講嗰隻 kind 唔係善良溫柔 tum 小朋友，而係冷靜寬容，將規則主導權交畀孩子，畀孩子去謹守自己約法。鬧只會令你自己辛苦、心痛，你會覺得「點解我鬧完，轉頭又再犯？」，咁樣孩子同家長一樣辛苦。
佢呢個係同 Super nanny 呢個節目所講嘅野係好相似，個主持人 Jo 都唔鼓勵鬧，都係 kind but firm 呢種做法。Jo 仲多一步，每次處理完都會要父母解釋點解罰同埋攬仔女，保持親子關係。
3個讚
企硬，咪出手幫佢地。
自己的事自己做。
先要條件係個學生肯企喺corner/小朋友跟你返屋企或廁所前唔同你通街拉扯，返到屋企又肯企定定喺到直到冷靜
呢d 理論我無睇過百次都近百
愛而不縱。
咁品學兼麻麻嘅 Band 3 仔都做到，小朋友肯定冇問題，睇你毅力喇～
呢個題目有d難度…
一句：培養學習/閱讀興趣
第二句比較易迷失：因材施教
我有兩個仔，曾經係yahoo blogger ，早教媽媽，鍾情蒙特梭利教學法，呢兩個仔大不同，性格不同、能力不同，其實管教上都會有分別：
大仔有亞氏特質，無得強硬，因為佢一定比你強硬 stubborn
好多人講要公平，我就同佢兩個講：你兩個係獨立個體，喜好不同，我硬要一視同仁，咁就公平？
我自己係會對佢兩個要求略有唔同，唔係偏心，而係睇佢地嘅性格同能力而作出不同嘅要求
1個讚
或者捉住少少野發大黎講，xx大學研究指出xxxx，大大增加小朋友老年患心血管疾病風險
push and follow
如果係兒童心理學專家，可讀性都高嘅。
但其實更頂唔順係明明只係父母自己個人經驗，但寫到成功心法咁，而家好似愈來愈多呢啲分享。其實每個小朋友都唔同，教仔又係一世人嘅事，純分享當然係好，但覺得自己一套係定律、係必然就會反感。
勿忘初心
3個讚
我想個小朋友係點, 首先自己要係點… 身教最重要…
呢個好有趣，可唔可以講多少少？
的確會好易因為其他人影響到
好似我身邊朋友講某一啲谷既名幼好好
但其實我心底又會想小朋友有快樂學習
（雖然名幼都可以快樂…）
真係好難平衡