因為黎緊要返工 想幫bb戒夜奶 所以有控制食奶時間 bb兩個幾月 幫佢set左4個鐘食一次奶 一直都好配合 準時就會喊要食 近依排bb都開始四圍望好奇 自己訓係度依依呀呀 醒既時間多左 無再好似以前咁只得食同訓 甚至好似可以分到日夜 有幾日唔洗飲夜奶 但係唔知係咪日頭醒既時間多左 好易就會感到肚餓 2-3hrs已經好想食 只係氹佢訓拖時間 佢由出世開始都唔係好願訓既bb 好易醒 變相無得拖到四個鐘 大喊一樣要比 咁樣搞到固定唔到食奶時間 會唔會令到bb戒唔到夜奶？
會唔會係每餐奶份量唔夠頂唔到4個鐘？
1個讚
對，之前我個仔都係咁，後來發現原來佢一餐已經食得落150ml但我比得100ml
所以佢好快肚餓。後來慢慢每餐加多咗份量就可以拉長啲每餐之間嘅時間
1個讚
唔應該規定bb飲奶時間同份量，應該由bb自己控制。你bb可能猛長期，會突然飲好多奶，成日都食唔飽咁。你試吓一餐比多啲奶，bb喊就要餵，等過咗猛長期又會正常返。
佢呢排有啲反常 有時又食唔晒 有時太快嗌 我諗可能都要多少少時間再觀察
即係話BB唔會因為我餵得多就會習慣咗食得多？
bb係跟據佢哋身體發展而食幾多奶，唔好夾硬塞佢食，亦都唔好唔比佢食。我bb 3個月果時猛長期，每日食1100ml奶，但係去到6個月每日只係食800ml。姑娘話冇問題，最緊要係睇生長線正唔正常。
總之bb餓就會喊，飽就自然會唔食，唔係佢習慣你嘅模式，係你去習慣佢。
我有，3個鐘一次！
不過要份量足夠，而且其實早半個鐘/20分鐘都ok既！盡量唔會推遲！
其實出院前，係醫院都有固定時間！
不過睇情況，可以彈性啲既，始終咁細既人仔！的確有時會食多食少！咁就 就返下餐時間！