想知多啲威爾斯順產資料
1個讚
想知D乜？我係2017年威院順產，見紅同開始陣痛就去到產前房等，開到夠到數先可以轉去另一間房，呢間房張床都係普通病床，但側邊有笑氣可以吸或者要求打止痛針，老公可以陪住，但護士做檢查時都會叫老公迴避下。到差不多生時就會再推去產房，產房係獨立房，張床可升高同有腳踏可以踩住借力，有需要會係到剪，BB出世會掛手帶腳帶，仲會放係媽媽心口一陣同老公影相，之後就抱走去洗白白，爸爸離開產房之後就會開始縫針，縫完針就推落產後房，隔一陣BB就會放係媽媽身邊個BB床到。
唔該你，好詳細
想問而家喺咪無陪產，同埋無痛分娩？
疫情下好似冇陪產。
無痛分娩好似冇，就算有都要等好耐，等到有人黎打針可能已經開夠到數。
我9月初順產，無笑氣，無陪產，唔知而家恢復番未
提供的止痛方法：分娩球，暖包，按摩，按摩電療，香薰，止痛針，無痛分娩
產前病房，姑娘好鼓勵你坐波/行多D , 產前病房係可以用電話/食野，如果開夠八度就有得即落產房
我要求打止痛針，但當時只開左2-3度，所以就安排我去對面的侯產病房，但會收哂你d 隨身行李/禁食，只可以個人過去
去到侯產病房，我都係坐波/睇講解生產的video/簽文件/check 宮縮，有個姑娘好好的幫我按摩腰， 好快已經開到6-7度，所以無打止痛針，痛下痛下開到7度就準備落產房,姑娘會借個電話你打比老公
生完會安排同BB送去產後病房，我老公在產房外等，所以我們總算影左全家幅
希望解答到你，祝生產順利
我上年4月威院生，但係係催生，所以係產前住咗2日就過待產房人手穿水，當時係老公可以陪入去但係唔可以出塊布嘅area，因為有其他媽媽都等緊生，唔知係咪因為裝修待產房無笑氣個d，我聽到另一個媽媽嘈話要聞笑氣，最後發現係推落產房可以聞，因為我開好多個鐘都開唔到我都話要去聞笑氣，姑娘好唔情願咁話幫我安排下，有位先有得落，落到產房個時我心口太唔舒服，姑娘問係咪聞笑氣，我話有無得打無痛，佢說咗我幾嘢見我好肯定就搵人黎幫我打無痛，個時好似係夜晚11點幾，打完對腳會無咩力，不過最後我要緊急生，乜力都用齊生咗
你打去威院有得問有無得陪產，因為前排見人話陪得產但係無得探，應該睇疫情點去決定
產後病房有人奶姑娘，有餵奶問題可以問佢地
想問, 威爾斯如果選左餵人奶但唔夠奶, 可以補水奶嗎？
如果選左餵奶粉可以搵人奶姑娘教餵人奶嗎？
啱啱9月中係威爾斯生完， 如果你揀咗人奶， 姑娘係唔會特別俾你補水奶， 會係咁叫你埋身同教你埋身， 除非bb真係食得好差先會叫你補水奶
請問威記有冇要求學過用分娩球先可以用架? 聽過有啲醫院知你未學過就唔俾用
(可能係驚唔識坐穩失平衡之類?)
你用之前佢會循例問你識唔識
你話唔識佢會俾個圖文並茂嘅教學俾你
而且一有人坐上去啲姑娘或者姐姐就會𥄫住，扶少一下佢哋都會提你
1個讚
我分享我既經歷，但24，5年前既事，我仔都係威記順產，由於第一胎都冇經驗，只你聽姑娘話見紅穿水就馬上入院，有晚我去完小解，見到護墊有小小粉紅色血水，冇肚痛，就立刻攞走佬依去威記，仲同幾個產婦跟姑娘去參觀手術室同bb 緊急通道（即係如果Bb 出黎果該有咩事，要經果條通道去兒科急救）點知好耐我都冇動靜，醫生要我出院返家，我唔想，姑娘話你第一胎有排開（子宮頸），咁冇辦法可能床位緊張。一返到家就開始肚痛，痛到我震哂，忍下忍下都係頂唔順，再返去原來開左3度，就推我去產房等開10度，我主動問姑娘攞笑氣，但冇用，吸完呆呆地，但都係堅痛，我本身唔忍得痛所以要直呻吟，係咁被姑娘駡叫我忍下唔好嘈到其他人，佢哋會係肚到捆綁一個測bb 心跳既機，突然個仔心跳下降，姑娘好緊張咁去叫醫生，醫生係我陰道唔知做咩，我問醫生咩事，可能醫生覺得好緊張，發脾氣話我：做嘢駛唔駛同你交代，當時的好痛都病乜心情嬲佢，一直佢地都冇講發生咩事，又痛又擔心會唔會bb 胎死腹中，之後又冇事咁，不過去到，8-10度就好急好急好急大便咁既感覺，但姑娘話千其唔好痾，痾爆子宮大出血就死，當時忍得好辛苦，最痛係腰骨，好似想同斷咁，咁到左10度姑娘剪會陰，就生得啦，痾左個仔出黎，即刻舒服晒，點知聯針係好痛架
你就好！我8月生 果陣推我去產房都冇比我打電話 生完先打 搞到老公嚟唔切生完見一面 傷心死我 仲要比姑娘話我有排都未生叫左我老公返屋企 唔係都可以見到
疫情下生真係好唔開心 又要戴住口罩 自己一個痛住等生 又冇陪產又冇探病