假設bb出生第1-3個月
一日係要餵幾多次奶？
7-8次喇 3個鐘一次呀
初生時，一日食起碼10-12次，因為佢個胃細、要少食多餐。無時間表、無話隔幾多個鐘，總之佢想食就俾
除住佢長大、個胃都會大，就慢慢拖長時間，咁就會隔得耐d。都係俾bb 話事，想食就俾，無限住一日食幾多餐、要隔幾耐先餵。
我個B準時到爆 夠鐘就喊，個胸都會變得好準時 夠鐘就feel到想滴奶⋯⋯同Bb係自動同步的。
睇你夠唔夠奶， 你唔夠可能佢一個鐘喊一次！
如果你夠好快可以好似奶粉咁3 至4 個鐘一餐！
我個b 初生時12次左右，到3個月8-10次，佢想食咪比佢食 
餵人奶預第一個月最少8次，加油
一開頭好亂，後來會掌握到個節奏，每3小時一次。如果不埋身餵，都係每3-4小時泵奶出來。
不是“3個鐘”
寶寶吃母乳是否足夠，可由幾方面觀察：
吸吮時有沒有停頓及吞嚥的動作和吞奶的聲音（可留意耳下腮骨的動作幅度）。在吃完母乳後表現滿足的樣子，能睡上1-3小時（但首週餵哺時，每1-2小時餵一次是正常的）。出生約1-2週後，寶寶的體重會逐漸增加，達到生長標準。全母乳的嬰兒每週平均可增磅125克，每月可增長0.5-1公斤。足夠的大便和小便（請參考下表）。
資料來源：香港母乳育嬰協會
http://www.breastfeeding.org.hk/faq#t16n82
去佢網頁睇，有好多知識。
加油，各位奶媽。
1個讚
如果ftm就可以feed on demand。不過如果準備返工既家庭就定時。照顧者會湊得易啲。因為冇可能叫照顧者鐘意就餵1安。鐘意就餵3安。所以如果有心餵，到接近工時。就要開始定時泵奶。同埋定時餵奶。
1個讚
要預BB大約要幾耐時間適應？
因為佢依家埋身又好，補奶粉又好，食量都好唔定，一時餓過鬼，埋完要再勁補奶粉，一時埋10分鐘就瞓咗兩個鐘⋯⋯
我覺得睇你產假長短?我自己係前4後6。所以我一有奶就會儲下冰奶以備不時之需。因為冰奶可以放耐啲。但係有啲bb係唔鐘意食冰奶 咁就靠雪奶。因為雪奶其實keep得幾日，都唔可以太早儲。
我奶量一直都唔多夠，未有耐可以夠儲到冰奶 
開頭食得好亂，我都係feed on demand