就足月好緊張 好想知宜家醫院既情況
想知
瑪嘉烈好少人講
我7月PMH生，冇探病冇陪產
好似9月21日起有返陪產 不過隨時變
入面啲護士同姨姨會唔會好惡？每日巡房係實習醫生定正式醫生？
我幾個月前喺呢度另一個post分享過，而家share多次
：
今年1月尾喺瑪嘉烈順產，非常滿意! 我凌晨3點穿水入院直入產房，當時完全未有陣痛，都有得繼續留喺產房，到朝早7am已經幫我人手完全穿水 落藥催生，跟住都keep住有姑娘入嚟睇下我點，見我開始痛到面容扭曲 都主動問我使唔使試唔同嘅止痛方法…開頭用電流止痛機…再痛d轉笑氣…最後打埋止痛針…之後晏晝4點幾就已經生左，生嗰陣D姑娘都好好 一直鼓勵我 教我點用力 讚我做得好咁，縫針時仲好friendly 一路同我傾閒計
搞掂仲主動比左杯水我 有埋飲管比我唔使坐起身都飲到
之後住兩晚院都算唔錯，咁當然係大房 就實係嘈到冇得瞓架喇，不過d姑娘同姐姐都一流，好主動幫手，好多次我試緊餵人奶，佢地路過 都主動走埋嚟問我 點呀 餵唔餵到呀，係咁教我 執我d姿勢咁，而家諗返都真係好多謝佢地…其實我諗好睇嗰陣佢地忙唔忙，忙到飛起比我都黑哂面啦…所以我諗我都算好好彩，除左因為强國肺炎搞到老公冇得陪產同探病之外，我個生產過程都算幾順利同愉快(公立嚟講 算係咁啦)
巡房好似都係正式醫生呀…
見你咁講都安心啲，我上胎係另一間生，同你一樣穿水但無紅無痛，但我等左差唔多24小時先有人理我，生果陣啲姑娘淨係間唔時行入房望下我叫加油，止痛藥未到就落針縫針縫左我成粒幾鐘，啲姨姨同護士淨係識得話我而面色好差面都青哂，我話我血色素偏低要輸血先去check我排版call抽血員驗血，巡房得實習搞到我退唔到高燒
好好奇係邊間
咁又真係好差嘅經歷喎
希望你今次喺pmh會好d!!
威爾斯
由產前病房到產後啲醫生都好唔掂，希望我今胎係pmh會好運啲
我上胎PMH生丫。產後房啲姑娘好nice。唔使擔心 
題外話。個走佬袋list寫要用扣嘅孕婦衛生巾。但可以唔使理。直接買貼嘅就ok。上胎工友姐姐都無開我包扣。直接開貼果包用。同埋貼嘅方便好多