我估當停經後，一定會放得開同睇得開。
你小朋友幾大呀？小朋友再大啲，你見到你小朋友有佢自己既朋友圈子有佢自己既興趣忙住佢既學業，就應該會無左呢個諗法。
1個讚
你有一個都好啦, 想有但努力極既都冇人何以自處.
我啱啱生完一個月，決定唔會要第二個B，將所有資源俾晒我個女，而且入產房真係好恐怖
一個有一個好處呀！可以專心一意教佢同佢玩！
早兩年我老公仲想生多個，但我唔想再生，於是我地探討過領養小朋友。但唔知係好事定唔好事，原來響香港搵一個健全小朋友領養唔係咁易，保良局依家待領養既小朋友都有唔同程度問題，需要特別照顧或支援，唔能夠提供額外資源既家庭唔適合領養佢地。
一個健康既小寶寶真係上天既恩賜，所以JM你應該感恩其實自己都係幸運既，喜愛小朋友既你起碼有一個小寶寶。當客觀事實不能改變，我哋唯有改變主觀心情，望返自己已擁有既嘢。祝福你。
2個讚
我都係差唔多情況，個時生到要叫老公出產房，要拿拿聲生，雖然醫生話如果要再生就同佢地傾，但係老公好唔想，佢唔想因為想生多個陪個仔而無咗個媽媽。
對小朋友嚟講媽媽先係最緊要，無多一個就多d比佢去同其他小朋友玩，d資源可以集中d。同埋生多個都唔一定陪到佢，我識人都有呀哥日日想整到個細佬仆到口腫面腫。有好多嘢係緣份嚟，強求仲可能有反效果。覺得唔開心都好大部分係因為唔係自己選擇，而係焗住，集中留意而家嘅幸福家庭啦
Plan A唔得咪Plan B
1個讚
認同。我同老公因為身體原因，所以唔會生了。
雖然都想有，但其實有同無，我地相信我地既人生同婚姻都可以好好，
只係形式唔一樣。
我知道人生總有啲野係會耿耿於懷，好難放開，
著眼多啲係已有嘅野上面，又或者俾自己嘅人生有多啲唔同嘅興趣，
希望樓主可以慢慢放下 
2個讚
人生總有或缺, 你有一個健康快樂嘅小寶貝其實好感恩啦… 有D女人努力好耐都無自己嘅寶貝… 所以唔好再諗啦…
都係咖, 有時無得比較, 自己就唔會失落, 但一有比較, 難免會諗點解人哋咁美滿但自己總有個遺憾~
當然理性上係明白要珍惜已有既嘢, 明白好多人為生育問題比我更苦惱… 但有時候, 好難咁理性, 總有d情況係盡力叫自己睇開d, 但就始終都有條刺。而且一提起就忍唔住喊, 我已好努力都控制唔到~ 
多謝妳 
比D時間自己，等心入面既傷口復原 
1個讚
一個有一個好﹐
我本來都想生多個﹐
但個女真係好難湊﹐
有親友話生多一個佢就會唔同架喇﹐
咁如果無唔同﹐
你幫我湊嗎?
我又覺得唔駛諗得咁缺憾﹐
無親兄弟姊妹佢自會有朋友﹐
你咪等佢返學時識D可以平時一齊玩的朋友仔﹐
係… 二個好似有伴D﹐
但亦都好多親兄弟姊妹不相往來﹐
無人講過有親兄弟姊妹一定好﹐
投放多D心機湊好過吧。
1個讚
多謝妳~ 無錯, 重點就係"好難放開" …
我都唔明自己點解咁耿耿於懷, 就好似好多人話"大把人一個都無啦", 諸如此類, 其實我都常常咁同自己講, 我真係有好努力, 同人傾訴、專注面前既嗰個小朋友… 等等。但都總係放唔低, 我都好苦惱。 
1個讚
我有了解過類似資料、但呢傢我個小朋友有學習障礙、教佢一個已經好花氣力…
同老公傾過比自己生出嚟果個、激死都心甘命抵、比唔係自己生嘅激…我哋呢刻都冇信心做到同親生嘅不分彼此…所以都係過兩年先再諗
1個讚
可能係因為我由細到大同弟妹感情好好, 嗰時家庭問題、父母離婚, 弟妹既陪伴對我好重要, 好多事情可以分享分擔。
到前幾年我重病, 弟妹俾我好多精神、時間上的support, 所以我往往會諗, 如果有個伴, 小朋友成長會有個手足一直支持。
或者都如你所講, 親兄弟姊妹唔一定代表好。 我都希望我小朋友將來大個d識多d朋友, 唔會咁孤獨。 
1個讚
您小朋友有冇啲表兄弟姊妹啊？雖然唔係一齊住，但一都可以搵機會比佢哋見多啲，聯絡下感情。大個咗都可以有同年紀嘅親人傾到偈
雖然我只選擇生一個
但好明白、你選擇生一個、同比人話你冇得再生、係兩件事
1個讚
我係獨女，我老公係細仔，但我比我老公outgoing同樂觀好多，人際關係都係～
我細細個我媽因為驚我悶所以帶我去學好多野；唔係宜家啲小朋友要18般武藝嗰種（廿幾年前未興），雖然都係運動樂器畫畫乜都有，但目的係真係去打發下時間，順手睇下我對咩有興趣，我嘅童年好快樂，有好多唔同背景嘅朋友
我自己都係生左一個，唔打算生第二個
我覺得小朋友嘅性格雖然會關後天環境事，但有冇兄弟姊妹陪伴只係其中一個環境因素，唔係全部
如果你會因為咁唔開心，或者試下分散下自己注意力，諗下即使屋企冇另一個小朋友陪伴，可以點樣去搵到其他小朋友陪佢
再者另一個小朋友嘅出生都唔應該係為左去陪第一個小朋友啦，係咪？所以唔需要自責，小朋友係緣分
5個讚
我仔都係一個、我唔覺佢社交能力比有兄弟姊妹差。反而有時因為屋企有兄弟姊妹、所以留意唔到小朋友對外社交有問題…
1個讚
你有一個都好 我試左成年幾 蛋都未有…