今胎想餵人奶，冇餵人奶嘅經驗，好想問點解以前年代嘅人餵到人奶，但而加好多人話人奶好多困難，想知人奶有咩困難要面對？應該咩心態去準備 
1個讚
先睇健康院、醫院派俾你既資料，好有用！唔見左唔緊要，上衛生署個網有得睇返
同最重要既戰友即你老公講，一得閒就講少少你睇到既母乳資料佢聽，一來令你知道自己準備左幾多，二來俾佢知道你既決心，到真係遇到問題時你老公好可能就係提醒返你「去睇下資料丫，你好似有同我講過架」，咁樣可以令你個心更穩定
信自己，信bb，你信以前d 人都係咁樣餵大咁多小朋友、你都做得到
bb 出世頭幾日係醫院捉住姑娘教你埋身埋身埋身，埋身係非常之重要！出院後遇到餵奶問題記得搵健康院母乳姑娘。
加油
1個讚
首先您要相信自己一定餵得飽BB，因為只有多埋身準時泵奶刺激身體去造奶咁就一定唔會無奶。配合埋食物湯水基本上一定餵得飽夠哂營養比BB。
餵人奶嘅困難，初初bb一日要食好多餐因為人奶易消化。有媽媽會教補奶粉但我就覺得咁樣身體會小咗刺激去造奶，久而久之就會愈嚟愈小奶。
不過都唔好勉強自己一定要餵嘅，盡能力囉。餵到就餵 ，餵唔到奶粉都冇問題。BB都係會好健康
加油
堅持最緊要，因為會有無數既聲音叫你放棄
外人自己人同自己都會逼你放棄
要俾自己學放鬆就好值得 
我小朋友被喂到三歲
我以前因唔識及著錯胸圍，所以困難，心態係搵唔啱，乳線差，變石頭胸，痛過生仔，乳線炎，後食奶粉。搵得啱，不用甚麼心態準備，最多唔夠瞓。
以前年代沒胸圍，餵到，但就犧牲全對胸一下垂到肚臍
心態就係隨心，以前嘅人壓力無咁大，都無咁多social media見人地泵幾多餵幾多，因為人奶呢d好個人，有d人唔使追都好多奶，有d點補都係唔夠，我覺得只要bb夠飽食人奶定奶粉都ok。到時多埋身多按摩，通咗乳腺就飲上奶嘢。
1個讚
心態係隨心, 但都可在之前做足預備功夫令到整件事更加順暢, 等於明知自己要去跑馬拉松都要用數月或年計去訓練一樣, 胸一樣要用時間去籌備, 懂得為將來準備籌謀的人餵人奶就更成功, 真正過來人就會深深感受及明白。成功非必然。
以前嘅人冇得揀，唔食母乳冇奶粉代替。
而家嘅人可能有個心態，唔食母乳都可以食奶粉(而且隨處可買)，所以比較容易放棄。
我係一個例子，初生個幾鐘食一次，真係冇覺好訓，又有d人日日問你有冇奶，話你唔夠奶，唔夠營養，咩藉口都聽到架，所以會覺得好辛苦，想放棄，但我好彩嘅，呀仔肥肥白白，之後佢地先冇聲出。
所以一定要相信自己，堅持就可以，只要勤力埋身/定時泵，一定冇問題，加油。
1個讚
我都有問過點解以前既人餵奶無咁多問題
話係因為以前既人無冷氣 唔會飲凍野 血氣運行得好好多 所以一般都唔會無奶 只係會怕太多奶塞奶姐