嚟緊會搵私家開刀，我有兩粒子宮肌瘤,大概2至4cm. 想問通常醫生會唔會幫手割埋㗎? Thanks
我之前聽fd講，唔會係開刀割㗎wor。好似會大出血，不如您問下醫生啦
不如問吓醫生使唔使割
因為聽過醫生講，有啲子宮肌瘤係生完之後會縮細，唔需要割
我都有個7cm 肌瘤 , 醫生唔建議開刀時拎埋出黎，因為開刀會充血及易大量出血，隨非阻住左BB 出黎
不過我最後BB順產到 
下次見醫生會問,不過想搜集下資料通常有無人咁要求先
我試左呀，個肌瘤由懷孕初0.5cm 變到最後大約6. 8cm…期間有試過red degeneration, 痛到幾日落唔床。
我政府/私家兩邊都有睇。
政府話，一定唔會順便割埋，因為懷孕時子宮blood supply 豐富，出血機會高。
私家都有話唔洗割，好似樓上咁講，生完會縮返。
但係我次次去產檢都問，因為我好唔想下一胎又重滔覆轍
。 最後個私家醫生都有係安全既情況之下幫我割埋。
等我下次產檢試下問下佢起安全程況下可唔可以幫我割埋先.
我孕初期睇過兩個醫生，醫生1話可以割埋而且可以到時拆單扣返保險。醫生2話佢唔會賺呢啲錢，佢話如果有醫生肯擔保割埋唔會大量出血，咁你就去搵果個醫生！佢話生完會自己縮返細，而且割好大風險有咩事分分鐘成個子宮要割埋⋯明明生一次仔攪到要割埋個子宮，負唔起呢個責任！最後我無再睇醫生1只睇醫生2
1個讚
你有道理。
係咪纖維瘤？生之前醫生都話唔割，開刀時幫我割埋，應該睇情況，我話冇買保險，佢仲冇收我割既錢。
我係子宮肌瘤呀。等我問下醫生意見先
我諗起樣嘢⋯你個瘤唔過5cm其實唔駛理佢
其實你割完好大機會會覆發，我2013年割過8cm係一個女醫生做⋯當時話爭啲做唔到微創而且有講有機會覆發！
早幾年我每日返工都用豆奶黎沖麥片⋯早幾年又翻發左兩粒，好似由2cm咁大到5cm醫生2都話生完會縮返細⋯當然有啲鐘意賺錢既醫生會係唔係都叫你割左去！
我上年係中環睇一個女醫生，好多人鐘意搵佢生仔⋯佢收得都好貴，但我覺得佢態度唔係太好唔太願俾時間人講嘢⋯生一生仔單胎都十幾廿萬⋯佢2cm都叫我割左去，所以我覺得係啲鐘意賺錢既醫生先會係咪都叫人割左去
我都有呢個感覺
我睇開兩個產科醫生，一個叫我陀緊仔都割得，另一個話生完唔會有事
叫我割果個出名好多
但我最後都揀左另一個醫生接生，覺得名氣大果個成日想賺錢，感覺唔多良好
其實我醫生2都好出名⋯佢成日上報紙雜誌，啲一問婦女嘢啲人都係訪問佢！
醫生1係法國醫院啲註院醫生，生仔比較平
中環果個女醫生，可能我主觀覺得佢唔好！其實佢可能成日都好冷淡無表情⋯講多兩句唔願聽⋯就叫上床除褲！我睇過佢幾次，大概一年一次⋯成鬼日都叫我照pap smear其實連續驗過幾年之後係唔駛每年都再驗⋯但佢就好鐘意叫我驗，又叫我切瘤！我見過baby condom有個曬命女人搵佢接生，養和私家房講返條數先知佢係好貴！
我fd都係，割完又生返。醫生話再割都會生，佢決定唔再割，同佢共存。
1個讚
我就係之前有個10cm肌瘤割左,我知道會容易翻發,所以唸住開刀生仔順便割埋，如果真係會縮細返就好啦,但我最驚唔係咁,之後又大到10cm又捱多刀.
我朋友都係咁！但唔會割埋架！