做咗3個月,我無試過請工人,所以無得比較,同埋我都唔識管.
佢去過鬼佬，香港人同印度人屋企度做,唔係好識廣東話但英文ok.
佢湊bb感覺係ok同有愛心嘅,因為佢係Facebook度講明想湊newborn(好少會咁講)。同埋佢係比較醒個批,就係因為佢比較醒,所以你比instruction 佢時,會問點解. 我會有耐性解釋比佢聽,但老一輩唔識英文,再加上佢哋上年紀可能比較中意服從(好似我奶奶咁),就未必alright.
同埋Sri Lankan 喜歡用手食飯,雖然我工人姐姐都會用差同巾,但有幾下都會忍唔住用手,好細微嘅嘅衞生上可能差啲,(我有個兜仔用嚟裝水濕綿花抹換尿片時抹patpat,佢換尿片隻手high到便便走去洗下隻手,之後又唔洗返個兜;碗就好間唔中有飯粒等)
我係好睇得出佢係好錫我個仔嘅.同埋佢哋唔似印賓中意放假約埋一大班人,中意兩三個知己就算，始終香港少Sri lankan.
佢哋大多數都係佛教徒，但乜都會食.
好多人都話點解我夠膽請Sri lankan, 因為我以前有兩個老細個工人都係Sri lankan, 一個英國一個法國。
聽工人姐姐講本地印度人都中意請Sri lankan.
而Sri lankan 亦都中意嚟香港,因為香港乜都自由方便,佢哋要俾一筆錢俾agent 先過到嚟香港,佢哋通常都係Dubai 打過工,佢哋亦都唔中意個度，因為Dubai 一生生好多個,只係請一個工人,間屋又大,又多私家車,最慘係冇WiFi(佢話呢點認真),同好少交通工具(好似美國咁,去邊度都要私家車),香港對佢哋嚟講係天堂.
我個工人係精d同做得耐,所以比較懶.
有次佢7:26am先起身(佢嚟到我本身無set rules),為咗唔令佢覺得我無所謂，我都有同佢講我希望佢可以7點起身,佢亦都之後改返.
工人相處仲磨合緊,無太大問題亦都唔係無問題
7個讚
咁so far so good喎！算係咁
不過我覺得有啲野最好講明先，先小人後君子！特別係醒醒地呢啲！
係呀,因為我無請工人經驗同管人經驗(工作上),所以係輸sit d. 下次就唔會
1個讚
聽落唔錯喎！不過我係agent 真係好少見有斯里蘭卡姐姐