我已經咁樣講左
唔想再同佢有什麼瓜割
我亦相信佢無能力每個月俾到我膳養費
2個讚
唔係佢話唔比就唔比，唔比上庭見
媽媽要加油
決定左就好好plan下之後條路同小心自己安全
3個讚
最緊要得到對仔女支持呀!
我父母兩人關係一路都唔好, 直到我中四五果陣開始鬧離婚 (我仲有細佬妹), 日日見到佢地吵吵鬧鬧, 小小事都嘈一餐, 有時嘈到拎哂刀, 作為仔女, 真心覺得好煩好討厭同好唔開心, 自己都會成日喊, 會好想搬走
到佢地真係分左開, 見到媽媽心情好左好多, 爸爸脾氣都冇咁臭, 我就覺得離婚都唔係D咩大問題, 分開左反而父母同仔女之間關係好左TIM!
仔女都會想見到自己父母開心積極咁過生活, 而唔係日日以淚洗面, 屈住屈住, 會屈到病架! 你仲有好多時間陪伴佢地! 最緊要你調整好自己心態, 唔好覺得離婚係唔見得人, 心態好重要! 同埋多D同仔女講下大家感受, 多D溝通, 都可以增進你地感情
家依然都係一個家呢! 加油呀
6個讚
如果一個人搞掂哂全屋家務同一對仔女，仲辛苦過返任何職位嘅工作，你仲要有份工添，點會無貢獻？你結婚咁耐有無試過離開屋企幾日，去旅行或者探親咁？個老婆唔響屋企一個禮拜佢就知味道。
2個讚
樓主，你好堅強，為母則剛，小朋友完全明白你的付出，會好錫你一齊重建美好的生活。
多個錢就算唔係俾自己都留俾仔女，與其俾個賭仔拎去填海，我會建議你爭取得幾多得幾多，唔駛同佢客氣，係佢不仁不義在先。
講個真人真事你聽，我夫家情況同你一模一樣，99在鄉下同62結婚，生了一對仔女， 62在鄉下已經好花fit似住自已有少少靚仔，玩女人，用"其乸"的毒汁俾我99食，令我99成世都有皮膚病，又屈佢通姦生咗我老公。
62之後落香港做嘢， 萬不情願申請99到香港後，對99非常差，曾經話要毒死當年仍小學的仔女，要斬死我99， 99只可以搵清潔工作，賺錢唔多，就成日俾62陰D陰D拎去貼女仔/買禮物俾佢地，我奶奶35年前拎住$5去買全家一日的餸。 62在仔女面前話99不守婦道，62攪女人攬到女人老公嘈到上門，62對屋企人惡對外人庵春咁。
幾十年了，99依家8x 歲，62就9X歲，99著新衫/新鞋，62就會話99發姣，成日問99攞錢，一齊旅行要99俾晒。 佢地一齊去跳舞，62總不會99跳，走去撩其他女人。 99賠不時哭嫁錯郎，我老公/姑奶好早都勸99離婚，但99係好傳統，唔想俾親戚閒言，就算仔女都出身，都忍，但每次呻，老公同佢出頭，99又唔開心老公話得唔62太狠。
呢個遵環一直loop 到依家，我地只可以講，99真係前世欠落，所以今世還…
好彩仔女都生性，好顧家無不良嗜好。
4個讚
做父母就算各自有人生態度，但有咗仔女就要負起責任，以佢哋利益為依歸，如果唔係學乜人生仔。你先生好似個細路咁，唔滿意、大壓力、唔夠錢（竟然比咗家用都問你攞返轉頭
）就發脾氣，仲要響仔女面前發癲，唔好話做爸爸，作為成年人都唔合格。
唔好話你係在職媽媽，就算全職又點？一個家庭係各有崗位各司其職架啦，唔係佢邊度嚟有仔女陪，返屋企有飯食，返工有乾淨衫著？唔識互相尊重真係婚姻嘅死穴。
當大家目標睇法同步伐不一致，而雙方又唔能夠調整步伐，分開都唔係壞事。好在你仔女都大唔洗貼身照顧，而且佢哋又明事理，相信一定可以支持你行落去，過更好生活。加油
3個讚
好慘，唔離婚都可以分居架姐，佢地關係大家都知，怕咩俾親戚講姐 
賭仔永遠都係死症 
帶住仔女單親排公屋應該好快? 搞到住屋就好多野都好辦, 樓主加油!
1個讚
男人之家咁小氣，叫佢買份保險寫自己阿媽名囉
1個讚
加油呀,明天會更好!
1個讚
你老公送都唔要，早走早著，支持你
2個讚
嘩你老公真係好痴線…
但佢肯唔肯離婚?
樓主記得樓要分佢一半, 所有野要攞到盡, 當係為左小朋友!
2個讚
我見到一個大男人，為面子老婆+仔女都唔要
頭家散就係因為呢種性格
話你知，呢類男人當佢活得潦倒時會再搵返你
到時你千祈唔好心軟
4個讚
大家都明，爛賭借錢只有一條末路，離婚啦，仔女都大個，佢地明就可以，而家返學放學又唔駛湊佢地
但最初你同佢一齊已經係借錢？定發生過咩事令到大變？
1個讚
所以話係99前世欠落真係無錯，99對62好似神咁拜，幾衰都唔離開佢，因為62由99鄉下果陣一直打擊佢自專心同埋令佢身邊無晒朋友，又識得各方位凶99， 佢好清楚99好緊張仔女，所以有乜事都會為頭家先…
今時今日，62就呻屋企無人尊敬佢…
我地個個都唔抵得佢咁對99， 一個乜都就晒佢又俾佢當妹仔咁駛的好女人。
樓主，你要加油，唔好回頭，呢個男人無樣好，生活幾辛苦都捱得過，你值得擁有更好。
2個讚
其實現今世界離婚係好平常的事, 合則來不合則去, 唔好難為自己, 人生好短, 盡快離開痛苦. 財務上自己唸掂就得.
1個讚
樓主加油
我老豆同你老公有九成似，我老豆仲衰埋上大6玩女人，我哋三個仔女由中學開始已經叫佢地離婚，直到十年前媽咪好勇敢真係離，之後申請公屋，而家每日都好開心！
我媽咪成日話好後悔咁遲先離開一個唔珍惜佢嘅人⋯⋯我地身為仔囡都為佢高興
3個讚
既然同仔女都有共識，一定會愈來愈好大家互相照顧，生活簡單唔緊要，最重要係開心，好快佢地就大、到時你都可以放鬆d
樓主加油！等阿女升埋中學，你就全情投入工作搵銀 plan 好往後日子，排公屋。為仔女，離婚點都要齒開半份身家。如果佢浪子回頭，千其唔好心軟，你值得更好！
1個讚
樓上咁多人話要分樓，頭先要攪清楚業權係邊個先，
如果間屋係結婚前已經係男方全資持有，e種情況無得分。如果男方單名，佢內部轉讓俾佢家人先，離婚，一樣係無資產分。
另外，即使係聯名持有，如果男方夠賤，改唔到名買賣唔緊要，直接去借財仔二按，draw左錢，唔還，到時財仔一樣可以要求 拍賣物業償債，償項係整體的。如果分權持有，仲簡單，低價賣走自己果份，離婚後，反claim女方果份。
玩法有好多種，睇下男方醒唔醒水。贍養費方面，都唔好諗幾多，如果男方份工唔係公務員果類，又唔係高收入果類，分分鐘辭工，零收入，法庭都吹佢唔脹
3個讚