我都好想知。
入到PGDE係第一步 入唔入到我諗要睇埋你DSE果一科既成績 出左黎可以直接APSM 但多口問句 唔做幼教？
一直都想做小學數學老師，但成續唔夠入左幼教
我想請教, 如果要做小學圖書館理員,有咩資歷要求, 是否要兼教科目?
我覺得可以既 畢竟理論上咩degree都可以報pgde 但你要充足準備 只要入到pdge就冇問題
兼唔兼教就睇學校既校政重唔重視專科專教，你只要係本身老師，再讀埋圖書館果張證書就OK。當然就唔會淨係做圖書館管理員。
絕對有啦 哈哈哈 但大部分五六年級都係黃 只有好個別係藍 我都擔心過黑警D仔女會唔會俾人排斥 但點知連佢地都係黃 聽過佢大叫光復香港0.0
2個讚
咁請問小學會唔會請讀左中學PGDE o既人做老師？
校長話請就請 你冇PGDE都可以請 何況係中學PGDE 一般入左去再補返
但會低2個pt
即係…如果已有中學pgde, 教小學都一定要補返一個小學的pgde?
唔一定 你可以選擇每一年都低人地兩個PT 最終都係會升到上去APSM頂薪 但你就要衡量下值唔值 小數怕長計嘛 同埋你亦都要睇校長有冇強烈要求 PERM左既 而你又唔在乎每年少兩個PT 咁其實係冇人會理你
我識有D朋友覺得小學好似輕鬆D 放棄GM高薪 轉教小學 教左一年發覺好唔岩自己 唔慣照顧咁細既小朋友 又要親力親為好多 於是又去返中學
想請教，呢個疫情做阿媽已經做埋老師果份，但慘在我地真係阿媽，有時識教仔未必識教書，教極個小朋友都唔明自己都忟，有乜辦法好？
絕對明白你既感受，唔知你個仔幾大，但教唔識係正常。如果個個都識教就唔使老師了，所以你並唔孤單。如果你有時間，有心設計一D用玩黎學野既機會係比較好，例如一齊整D字卡，玩潛烏龜都已經可以學生字。我自己就覺得生活處處是學習，唔一定係書本上既野先叫學習既，果D就留返俾老師啦。你既角色俾到更加多老師做唔到既野。
想請教下粵/普教中的問題
其實好多研究都講用母語粵語教係會有助學習興趣，我好想搵間粵教中學校，但無奈心儀的都係普教中為多，其實都係市場導向（好多媽媽都想粵教中），你覺得未來會唔會多返學校轉粵教中？
我覺得會既，據我所知，每年都KEEP住有少量學校轉做粵教中，或者逐步轉向粵教中，包括個別傳統名校，始終專業D講，用落普教中就知完全唔係果一回事。而家好多學校話就話自己行緊普教中，事實上都係一級入面部分班別施行，並非全校性推行，我自己就過左基準，但唔會入普教中學校，都唔會俾小朋友讀普教中既學校，就算撇開政治唔計，從現有師資、高階思維培養、語文能力、未來應用等等，用母語學中文係最適合。當然，香港赤化之後，上面一棍全面普教中打落黎，希望除左我地，家長都可以到時一齊企出黎對抗，就如當年國民教育一樣。
1個讚
市場導向就一半半啦，唔通一班家長會集體向間學校表示希望行粵教中咩，而且普教中有funding（唔知而家仲有冇），有學校係貪funding先推行，理得你。
其實你而家學校家長會唔會好追求要讀普教中班別？ 同埋粵/普教出來學生，你覺得有冇好大唔同？
我就一定俾到我都唔會想入讀普教班
冇 我地標榜粵教中 入普教中唔會揀我地。有研究顯示，同等lv既學生，用唔同語言教，表現係冇咩分別。有同行表示用普教中學生表達同思考會窒礙左，唔容易用高階思維思考同表達，亦會唔識字詞既粵語發音，仲衰既係，連一開始標榜我手寫我口，可以幫助作文，都因為內地近年愈黎愈多口語入文，學生分唔到係咪書面語，結果寫左一大堆唔正統既字詞，例如「杯具」（悲劇）、「小三」，只能好聽少少講，普教中都有好多普教中既問題要解決。