我b依家5星期大
佢未到38周出世
個時因為嘔得多奶 明明已經掃咗好耐風但放底隔一陣可能會嘔
咁就唯有抱耐啲
依家嘔少咗 但訓著又好未訓著又好
依家一放佢落床個背脊一掂到張床就喊
即係要抱住先訓
有咩辦法可以放底佢？
我個女除咗熟睡先至放低, 冇辦法可以放喺床上邊瞓. 去到邊都要孭住佢. 直至兩歲幾.
起初覺得好煩, 但係孭下孭下，習慣咗。唔捨得放低。
而家攬多兩下，都話我熱…唉
抱到兩歲幾
咁你地平時點訓覺？同床？
但我熟睡都放唔底。。。
我個囡八歳半，重系同床。咁多年一樣…
唉。。我唔想咁。。
我個囡十八歳，重系同床。咁多年一樣…
1個讚
我bb果時都係擺唔到落床，未掂到床⋯只係離身諗住放低，都已經喊同半開眼，落到床之後就直情開眼，最後抱住訓幾個鐘，訓到好淋就好啲，放到落床喊兩聲就收
到佢3個月大，穩定啲既時候先至放落bb床，播音樂俾佢試下自己訓，而家就黎4個月大，好多時夜晚都自己喺bb床訓，好少日子要同床
我個女果時要抱到四個月先可以自己喺床瞓
咁可能我真係太早放佢落床 仲需要安全感
咁你地個時放底佢有冇技巧？
咪就係超慢超慢咁，放左落床都未縮手，之後再1cm1cm咁慢慢伸出來，每移動一次隔一兩秒咁再郁
1個讚
我會patpat掂床先
隻手會仲俾佢枕住，唔好一次過抽走隻手，要慢慢抽出黎，每次郁都等佢習慣左，無咩「異樣」先慢慢縮手
我果時會包實BB先放落床
等佢唔覺唔覺咁訓左落床
我個年代，陪月整了個米袋比 bb, 放牀時先用一隻手輕按 bb 心口，等佢 feel 到有野包住咁，然後將米袋換上
如唔用米袋，細張被仔，毛公仔都可，總之不讓佢有空蕩蕩感覺 
等佢深度睡眠果陣再放，表現為全身放鬆，郁下冇驚跳反應
用包被包實佢！
打側佢，用攬枕/捲成條形既毛巾前後夾住佢（三文治
）
當然要低過條頸既位置。
好 試下包實先放 因為之前我係放底先包 再用毛巾夾住佢先
回覆各位
我原來唔記得有朋友送咗張包被俾我 咁我就用黎抱到佢實一實 再學你地話齋 訓到冧哂先放 慢慢放 又打側放咁
第一次就成功啦！
今日試咗3次 全部都成功冇掂床即喊！
第一次訓咗45分鐘倒我就叫醒咗佢食奶
第二次訓咗20分鐘自己醒 不過本身傍晚時份佢都好醒訓既
第三次夜奶食完 依家係床訓咗半個鐘左右 未醒！如果聽朝先醒就真係大成功啦！
2個讚
加油呀，慢慢會改善到
再想問下大家 午睡會唔會都用包被？
我個仔初生都六個月都有個習慣係要側睡，訓訓下仰睡會喊，打側返佢就無事。六個月後就無所謂了。BB鍾意窄摵摵，買啲攬枕逼住佢會訓得好啲，但注意空氣流通。