佢係咪訓著左架先？有冇試過佢啜完唔補奶，隔幾多個鐘先喊肚餓？
我個仔都會係咁，好多時其實係佢啜啜下訓著左，有時我會由佢繼續啜，有時咪等佢啜到咁上下就用手指幫佢甩返個乳頭出黎。
其實你可以留意返，佢初初開始啜嘅力道同佢啜完咁上下嘅力道係唔同架。
埋身唔知佢啜到幾多夠唔夠飽，最緊要係留意佢夠唔夠重身小便。俾多啲信心自己
利申：全埋身冇泵過奶，bb依家4個半月跟到生長 線
題外話：個人黎講唔建議係又泵唔係又泵，埋完身其實唔洗話咩再泵清佢，你咁樣反而令到個身體有種錯覺係個bb唔夠食而制造更多嘅奶，多左嘅奶你擺落雪櫃到最尾咪又係曬左。
跟返bb個節奏啦，夜晚佢醒咪餵囉，半夜定死左2個鐘餵一次，唔洗抖咩，你都需要休息架，唔休息多啲邊有奶喔
好同意呀
我都係追緊奶嘅朋友
感覺食咩都無瞓覺咁上奶
有時啜勁耐跟住放開佢 佢就會食手個口又搵nipple咁 但過10分鐘就冇乜野好安靜 但過多陣又搵nipple 好似係餓同唔餓之間
我淨係夜晚揼兩次因為戒咗夜奶咁我先揼出黎咋 我試過一次學人啜完揼 得幾滴 咁我就冇再揼過啦
追奶其實幾耐先有上升？我其實都係密密啜同開始夜晚揼一個星期 可能太早未見效？
可能係口腔期想搵野啜下姐，其實佢五個星期大就戒左夜奶好叻叻架啦。
我頭果一兩個月我個仔都仲要2個鐘餵一次，係3個月打後先叫做好啲可以3個鐘餵。俾啲信心自己
唔洗追奶梗係唔洗泵啦，要增奶要追奶初頭就要下苦功架啦。奶泵只係輔助架啫，到追到奶或者唔洗補奶粉，咪泵少D囉！咁當然唔係要你每次都攞個泵出黎，日又泵夜又泵啦。自己都要爭取時間休息，每個人習慣都唔同，好難就咁講就可以跟住做，自己要安排自己schedule。
留起嘅奶亦唔係無用，到追到奶/B已經食得好咗，自己有時想出下街/扮下靚，要搵人睇住幾個鐘，都有後備奶喺度，儲奶從來都唔係壞事。
富媽就話唔知儲黎做乜啫，夠奶媽儲黎都係以備不時之需啫。
唉～因爲我個仔已經離唔開我，連我沖個涼都喪喊。
我真係見太多媽媽泵奶泵到over pump左，又易塞，儲埋儲埋儲爆個雪櫃其實冇意思，有新鮮奶就梗係俾新鮮奶bb飲，唔通下下都飲冰奶咩？
咁我個case係岩啲全埋身媽嘅～
我仔嗰陣都係咁，我老公要抱住佢入廁所，望住我沖涼
諗返起都攞命。不過，阿B埋身係攞安全感，大下大下(大約歲幾2歲)就會好好多。
我對奶雖然榮休咗，但都可以繼續做你地同路人。
加油啦！各位人奶媽