BB已經個半月大，我已經好勤力幫BB肚臍索水，沖涼亦會幫佢貼肚臍貼，但BB嘅肚臍仔仍然會出水，正常嗎？有啲擔心呀
有冇返健康院？磅重果時同姑娘講，會安排bb見醫生嘅。
28號先再返健康院
索返乾啲水 無乜大問題嫁
去健康院時再同姑娘講啦:)
希望係小事喇
你用棉花棒浸熟水清潔左個肚臍啲出水先，再用乾棉花棒印到全乾，棉花棒唔好翻用，抹一兩下就換一枝。
我bb甩咗臍帶都有咁嘅情況，姑娘教我咁做，早晚抹一次，等到返健康院再比姑娘檢查下啦。放心，小小出水唔係大問題。
我小朋友個時肚臍頭未甩晒，所以一個月大都仲成日流黃水，之後健康院用繩係肚臍再打個結，等1-2星期個肚臍頭變黑就自然甩咗，之後就無事。
我個女肚臍頭早就甩咗，上個月見姑娘，姑娘仲話佢埋口埋得幾好，但就keep住出水
肚臍貼有咩作用？其實貼住佢疏唔到氣咪一路焗住囉？（未用過，好奇問）
肚臍貼係防沖涼時肚臍濕水
我小朋友嘅肚臍頭都係一早就甩咗，呢度係指啱啱出世時醫院用夾夾住個part臍帶，但過咗1-2星期都係有出水，所以再去健康院問姑娘，姑娘就用繩係肚臍頭打個結紮住大約0.5cm嘅肚臍頭。如果你小朋友肚臍仲係有出水就帶佢去健康院見下醫生或姑娘先。
原來係咁，下星期去健康院同醫生姑娘講講先