囝囝差不多1.5歲, 超級怕陌生人同環境, 去到邊都只會攬實我, 放落地即刻爆喊要抱番上身 (連公園同toyrus都唔得), 疫情之下無得周圍去, 我已經盡量揀少人時間同佢去公園仔坐下行下(但佢唔肯落地行), 請問有無前輩指點下可以點做? 好苦惱…
我未試過有呢個問題，不過比佢帶住鍾意嘅公仔佢陪住壯膽得唔得？
歲半都仲細既！
無冇辦法，日日帶佢出公園見人！
特別係小朋友！同輩影響好大，不過唔係一朝一夕！
試下唔好放佢落地，抱住佢一齊「mou」係地，講下垃圾（「嘩睇下個到」個啲呢）
慢慢唔覺唔覺sir佢落地！
如果佢喊唔好呵佢，「哦，要抱之嘛？可以啊」輕輕帶過！
佢無喜歡嘅公仔… 如果公園有其他小朋友, 佢會好少少…
我而家都係咁做, mou低攬住佢, 等佢感到安心下觀察周圍, 但佢都係會想我抱番上身, 希望慢慢好D啦… 
個個小朋友唔同既，攬住媽媽就最安心
慢慢啦，急唔黎！
最重要唔好嚇親佢，唔好搞到佢怕左出街！
有冇試過係超市放低佢？（係糖區域
）
話俾佢揀一樣！
加油！
我個仔都係咁，由11個月開始，連屋企門口都會癲咗咁喊要人抱，咁一直都比安全感佢，照拖照行，到上個月佢16m，我終於頂唔順，叫佢老豆唔好抱，我接手跟住我話唔拖，點知佢勁嬲自己轉身跑咗去，自個日我就真係捉馬騮。比耐性比時間，唔好去太空曠地方，試下由出門口個時已經慢慢拖佢行出去，可以的話等少人時間去playhouse，有d嘢比佢玩同扶下會好d。
我仔都就歲半,疫情下出街次數10隻手指數得完~之前仲細,出街都冇野,仲好開心四圍行。3個月前開始,一出門放落地就喊到癲,唔肯行捉實人…抱住先唔瑊。今個月仲癲,開門咋,佢都未離開屋企已經喊唔肯郁…實在太嚴重,要訓練下佢 
咁就慢慢由門口出面條走廊開始,頭幾次抱出去行個圈,下次再放落地,再下次去附近超市,佢開頭都喊,想要人抱,但慢慢拖下佢,佢去到超市就好開心,四圍八卦,見到小朋友仲好想一齊玩~最近帶佢去附近公園,開頭都係喊,喊左10分鐘左右,之後又唔喊,仲四圍走,又有小朋友同佢玩,好開心唔想返屋企添~呢幾日有雨就冇出街,今日係走廊抱住行咋(地下濕就唔落地行了),一話要出去,佢已經指住要戴口罩,好期待~
試下慢慢逐少短距離行下先,再逐漸去遠D,慢慢就唔驚~或者比D野佢拎住行,有野係手會有安全感~上次去超巿,佢拎住個膠袋已經唔喊~ 
1個讚
超市直情係禁地, 佢一入門口就喊, 我都唔好意思入去打擾人
好, 等我鼓勵下佢自己踏出門口先
我仔同你仔個情況一模一樣呀, 今朝又帶佢去公園訓練, 咁啱有其他小朋友, 佢終於肯落地, 同輩影響真係好大, 希望慢慢會好D啦 
1個讚
好好呀,有進步 
加油~
1個讚
歲半其實仲好細，大大下會好啲。我囡3歲前都係咁，出街唔肯同其他人玩，陌生人撩佢即喊，喺屋企係開龍雀，出到街一粒聲都唔出，連去playgroup/唱遊班都全程攬實我唔放，完全唔出聲。一直都有帶佢見朋友的小朋友，有報好多活動，想佢習慣同其他人相處。到返N班果陣直情喊足一個學期，最後喊到退學。但3歲之後唔知點解突然開竅，K1轉左學校之後，勁鍾意返學，完全冇喊過，仲日日同新朋友玩。
盡力做你可以做嘅嘢，多啲俾佢接觸唔同嘅人(爸爸/長老/親戚都好)，慢慢俾佢習慣同媽媽以外的人相處，就會好啲架喇，不過都唔係一時三刻會見到效果，要俾啲耐性
多謝你分享經驗 
我仔上playgroup又係喊到上唔到, 而家唯有一放假就帶佢周圍去, 周圍睇, 希望佢最終克服到
1個讚