我個女36w5出世
一開始係醫院醫生話佢有黃疸 加上佢早產 身體無咁強壯 吸啜能力比較弱 所以叫我補奶粉比佢
自此就返唔到轉頭 到佢出院已經食緊30ml但我只係擠到10 ml
出左院係屋企我會埋6-8次身 外加半夜泵兩次奶 (bb同陪月訓) 但始終都要補粉先夠… (埋完身補 & 半夜兩餐)
湯湯水水每日都飲好多 坊間話幫助上奶發奶既野我都試過曬咁濟但都無乜效 催乳師都請左三次 仲因爲聽人講要通奶眼先出到奶而拎針黎挑自己個乳頭… 結果都係無用
我已經因為唔夠奶而係半夜喊好多次
99成日笑我無奶 因為佢係富媽 佢話正常女人都有奶唔明點解我無… 令我壓力好大
而家Bb岩岩滿月 飲緊一餐120ml… 但我每次泵都係得50-60ml, 試過狠心唔補粉比佢諗住密密餵 結果bb喊得好犀利仲完全訓唔到 堅持左1.5日就頂唔順放棄
真係好不知所措 每次見到媽媽group 啲媽媽分享全母乳就覺得好羨慕同內疚 成日問係咪自己做得唔夠好… 好自責
唔好咁灰心
我自己經驗係開頭因為開刀再加傷口發炎
埋唔到身餵奶 靠揼都得好少貨仔
頭3個月都係補奶粉
直到傷口好返先密密埋身
之後全人奶到14個月
bb自然離乳先飲奶粉
認真要上奶最好靠bb
其次飲多d炒米茶都有幫助
再其次要自己有足夠休息
放鬆d 唔好俾咁大壓力自己
有需要可以致電 母乳熱線
我果陣有疑問都有打去問
好快就想通了
媽媽加油！
我都唔夠奶，食奶粉無問題
我都係唔夠奶，隔餐餵奶粉，有啲嘢勉強唔嚟！
我都唔夠吖
每3-4 hour先得嗰3安
邊度夠
不用自責喎
補奶粉咪得囉
唔好俾啲好keen全人奶嘅人影響
我個人認為奶真係唔係人人夠
而小朋友一路長大仲有更多煩事
人奶真係小事一樁已唔記得
睇開啲
岩岩生左兩個星期，都係窮媽，我阿媽係富媽，成日話係我問題，佢又想我餵人奶，話我冇奶要補奶粉搞到佢個孫熱氣有眼屎，係咁比說話我聽，我每次聽到嬲就會凶佢『你再嘈！信唔信我餵佢食全奶粉呀拿！』
我係醫院個時個胸係完全林嘅，番屋企成個星期日日比陪月幫我又敷薑水又推胸先上到dd奶，推乳過程痛到甩肺⋯⋯
我個B好大力，但好有性格，個嘴食奶係嘟到勁細又唔肯出力勁懶，得開頭幾下係認真含得好又大力啜，之後就好似敷衍我咁啜得又慢又細力個嘴又變番細⋯⋯頂佢唔順！
佢每次埋身30分鐘就會自動放口然後大喊，因為怕佢黃所以補奶粉，或泵人奶比佢補。
我都係隔餐先有人奶比佢咋，同埋我又訓得唔好，已經狂飲水飲湯！都係唔夠佢食⋯⋯
泵奶都好辛苦，又多嘢洗，每次都泵足一個鐘要個人坐直直冇得斜躺休息，泵到個胸都酸哂，陪月叫我隔2個鐘泵一次，我真係做唔到⋯⋯因為個胸根本feel到冇奶，泵足一個鐘個瓶都可以吉嘅。我大概4-5個鐘先feel到有得谷，咁就會泵到不足一餐比B食。
陪月話如果BB肯啜就一早上左奶，唉，咁唔通有得怪隻B咩⋯⋯我阿媽又會話「你啲奶得咁少，BB梗係唔肯啜啦！」頂佢個制 
唔好俾咁大壓力自己，都會搞到奶好少。
我果時都好大壓力，又訓得唔好，搞到成日要補奶粉，但諗通左補奶粉都唔係錯既事，個人放鬆左，飲返多啲炒米茶同奶，奶量返返黎，仲唔駛再補奶粉。
想請教，BB食開奶樽真係會可以轉番全人奶？
我對住自己個B係絕絕地望，唔覺得佢會有一日肯用力認真啜我一餐 
真係好想有一日唔洗補奶粉，唔洗泵奶，可以全埋身⋯⋯
我99都係咁! 有次見到bb唔肯埋身就係隔離話我無奶所以bb唔肯啜
而家又泵又埋身 休息時間得好少好少
真係身心俱疲!
你都加油呀!
我bb愈黎愈唔肯埋身… 就算埋身都唔太想啜 母乳姑娘話佢有乳頭混淆所以咁…
多謝你呀! 三個月都追得返全人奶好利害
Bb而家唔太肯埋身 就算埋都好懶啜
唯有密密泵奶希望奶量可以多啲
我阿b住咗14日醫院，醫院都係用奶樽喂，但係佢返到黎又肯埋身，暫時返黎呢個星期我都全埋身，係老公想喂，我先比佢用奶樽喂過兩次。
但係我最灰心嘅係，阿b明明餐餐食飽訓，但係聽到6299話我d奶冇營養，奶粉營養最多最均衡，話我喂唔飽阿b，所以先至兩個鐘要食一次，（醫院人奶+奶粉3個鐘食一次），要我喂奶粉，我今日嬲到係廁所崩潰爆喊。老公先發現問題嚴重。
食飽訓同有濕片即係夠飽!
媽媽你好勁呀
聽姑娘講人奶因為易吸收所以bb會快啲肚餓 係好事黎咖
頭一個月餵12次一日好正常 仲幫到你刺激乳房 上奶都易啲!
我自己係產假完。返工無咁大照顧壓力先多返奶變全人奶。所以我支持心情係會影響的。
其實我自己覺得。全唔全人奶又有乜大不了。我小朋友咪又係會病。我覺得我地愛賜佢地。比呢啲更重要。我身邊10個有9個媽媽都唔係全人奶，咪又係好可愛。
我睇到你已經好盡力為佐小朋友。呢個心已經係好重要。
我頭幾日冇乜奶,BB餓左幾日都唔知 
出左院後第二日BB因為黃疸高+體重跌好多,住左醫院幾日先再返屋企,果幾日我每日去1、2次醫院探佢先埋到身,係屋企都有泵,但真係超少奶…頭一個月我最多奶果次係因為去左醫院冇泵8個鐘奶,先有100ml…平時泵都係得50ml左右,我食乜都冇用,都係得咁少奶…每餐都會比BB埋身再補奶粉,其實補奶粉都冇乜野,我都想全人奶,但真係得咁少奶都冇法,補奶粉咪補奶粉,BB一樣咁健康~
滿月過後,我D奶越來越少,埋身到5個幾月,佢開始出牙就唔肯埋身,但我都照泵,即使超少奶都要泵!直到一滴奶都冇為止!(依家都仲有泵,但一日一次)因為我到依家一年半D奶加埋應該唔夠一個全人奶初生B食2個月…所以有幾多就比幾多,盡比!
如果乜方法都冇用,唔好自責,人奶唔係全部,你對BB嘅愛先重要~
其實真係好睇BB肯唔肯啜自己。
我初頭驚乳頭混淆頭一個星期用杯仔餵，佢唔肯啜我，第二個星期因為杯餵太高難度(覺得反正佢都係唔肯埋身架啦) 就放棄左轉做奶樽，反而慢慢佢又肯啜我。
佢食奶樽最細孔都食得好快，但啜我就好慢好淺好hea⋯⋯
我媽都係咁
然後仲要話「我唔係唔支持你餵母乳呀，我係心痛個細架咋！」
簡直想鬧人，有冇人心痛下媽媽嘅苦心？
我都係窮媽媽,開頭好沮喪,仲搞到BB食唔飽要入院住咗兩日
後來接受咗補奶粉,6個月之後奶奶變咗輔助就慢慢冇再補
最後親餵到19個月佢自己戒
試下食多啲飯，夠氣容啲上奶
休息多啲，可以的話，bb訓你就訓！
日日木瓜魚湯，加通草！
通草好有效！加多啲！
一日至少中午同夜晚都飲一大湯碗！
平時就炒米水！
加油！唔夠咪加少少奶粉！
互補不足姐