可能因為我唔信泵清哩一樣野，同埋我自己又唔受泵，試過埋完身冇耐再泵都得好少2/30ml左右，咁樣搞到自己仲灰，索性唔泵，密密埋身就算，初初我都有補奶粉，企補親奶粉佢都淨係似飲30ml，之後就索性日頭唔補夜晚臨訓先補奶粉。
其實如果你個b訓左嘅話，就唔洗特登嘈醒佢飲，佢餓自然會醒會喊。
你BB明顯埋身食得好先飲咁少補奶，我埋完身個胸只係鬆dd
佢啜半個鐘都仲飲得落80ml補奶，平時淨係餵佢食奶粉就食100ml，即係埋身佢最多只飲到20或更少，我另一邊胸用收集器滴奶得仲多過佢啜⋯⋯
我平時都無咩運動，尤其有左個陣完全係零，無咩肌肉
但去到佢慢慢重，你就會抱到架喇
為母則強～ 亦可以打橫抱個陣用hipseat借一借力
另外訓左就梗係唔好嘈醒佢喇～ 難得大家都可以抖下
放心喇 好快會過去架！加油
1個讚
可以同佢傾計呀
bb聽聽下你講野，好似催眠曲咁
好快訓著
到而家bb三個幾月都好work
1個讚
到時就自然會得架喇! 我都係瘦猛猛 平時零運動嗰d港女，生完個仔到出院嗰日已經抱b抱到手又痛腰又痛，嗰陣都想像唔到幾時抱到大…但眨吓眼咁就抱咗7個幾月…雖然每晚攤落床嗰吓都係覺得成身散晒咁，但其實都習慣咗成日抱住隻肥豬仔~ 真係做咗人呀媽先知自己咁大力(同可以瞓咁少)…所以唔使擔心
1個讚
有安全感，就會訓得好啲，或者係咪日頭訓太多？
我覺得唔關事，我囝囝日頭唔夠訓，夜晚扭得仲犀利
1個讚
NB要訓20個鐘 應該冇分日夜吧 
我仲以為14-17個鐘添 
我個女踏入第二個月，喊得仲勁左，本來夜晚11-2會狂喊同扭，變左全日都咁，上網睇係肚風、特徵就係放下屁咁，我就覺得佢認得我浸味，抱佢 頭係心口，拍佢patpat, 一邊係佢耳邊細聲講野，本來食緊奶，我就暗左佢訓先，佢再醒冷靜左先再食。咁就好啲，因為佢都喊到好癲。
如果佢同時扭同想食奶，我會一路拍patpat，一路比佢食。
1個讚
頭個零月都要抱+拍先訓得著，之後佢越嚟越重，發覺唔得掂。所以諗辦法要佢學自己訓，睡前儀式好緊要，初初我用包被包好佢，拉埋窗簾黑暗環境，跟住手拍到佢瞓著。而家包好佢就知要訓，唔洗再拍。
1個讚
同埋我會堅持佢每次都喺同一個地方瞓覺，因為佢要知道返上BB床就要瞓覺，唔會一時放喺highchair一時放喺大床
1個讚
不過如果你BB未滿月，係比較缺乏安全感，扭抱其實都好正常。呢段時間係辛苦啲，但係慢慢會好啲㗎啦。加油啊
1個讚
喂呀，我仲幻想第二個月會好啲
竟然係喊多左
愈來愈嚴重
我哋都會包實佢，不過佢都係唔肯訓，你通常係拍佢幾耐會訓？因為我個B包實拍佢會keep住喊，唔太鐘意比人摸同拍 只接受抱⋯⋯
開頭佢係會非常之抗拒㗎，因為佢唔知道你拍佢係想佢做啲乜㗎嘛。我試過最短5分鐘就拍到佢瞓覺，最長都試過拍半個鐘都仲未肯瞓。我由兩個半月開始試，兩個星期之後佢就熟習左呢個Routine
1個讚
係呀 話頭個月到第三個月會愈喊愈勁架，好快捱過 
個個bb都唔同架，我個個都唔鐘意比野抱住，鐘意舉高手訓架 要慢慢試下佢最舒服
1個讚
有款包被係套個BB上去再黏上魔術貼就已經包到好實，你可以試下，好好用架。
1個讚
我b頭1個月都係咁要人抱訓，少少聲就紥醒，無安全感，到第二個月開始等佢安全感好d就開始訓練佢係床訓，拍下佢，或俾奶咀，佢真係大喊都會抱返佢，之後又放返落床，之後慢慢佢肯係bb床既時間會多左。到左而家4個月左右，bb食完奶，同佢玩陣，之後入睡袋放bb床，佢就知要訓，好多時會自己訓著
1個讚