Bb未滿月，平時食完奶掃完風換完片好難訓番，但其實佢係眼訓打哂喊路，係到扭眼瞓又訓唔著，要人抱住佢行黎行去，搖住佢先合埋眼（抱住佢坐定定都唔鐘意！) 抱成十幾廿分鐘，當以為佢熟睡左，點知放落床一分鐘就醒，然後喊⋯⋯
試過用紗巾包實佢、播Youtube啲BB音樂、風筒聲都唔work。
屋企有aprica餐椅，放佢上去(±奶嘴)人手搖就唔喊，但都係眼仔碌碌又打喊路唔肯訓，一停手唔搖就又喊⋯⋯
衣加4kg我已經抱到手痛，第時再重啲我點算⋯⋯隔三四個鐘一餐奶，每餐食完到氹到佢訓已經又就黎下一餐⋯⋯大家究竟係點處理？ 
我以前bb食完奶，同佢傾下計，玩一陣（30分鐘左右）換片，跟住就放佢落床，等佢喊一陣，自己訓。 如喊極都唔訓（唔係濕片冇唔舒服），我會抱起1-2分鐘, 同佢講要自己訓覺啦，再放低等佢自己訓（不斷循環）直至訓着為止。
如到下餐都未訓，照餵下餐，掃完風，坐一陣，就放落床等佢自己訓。
食完奶 完好片，keep住掃風個姿勢坐下(搵野long住無咁攰)同佢傾下計，然後同佢講要瞓覺啦，媽咪都會係你隔離同你一齊瞓覺，比個奶咀佢食
呢家講返好似好簡單咁
但果陣無經驗 搞咗好耐先搞得掂
而家先係開始
我呀仔4個月7.5kg都係要抱
普遍都係行同埋搖，同你一樣… 另外有時佢飲奶飲到milk drunk直接訓著
如果見到佢手掌腳掌都放鬆哂，咁佢先係真係訓著左架… 如果未就係淺睡狀態，一擺低就會喊架喇
加油呀，到左3個月就好好多，又唔洗掃風就會易湊番啲架喇！
哩樣我有經驗啊
阿b初初原本都可以放得落床仔訓嘅，但唔知係咪有次婆婆上黎探我地，婆婆叫我訓教抖下，跟住佢就全程抱住阿b訓，大大話話都好似抱左2～3個鐘，之前嘅日子，bb就唔可以再放落床仔訓啦，一訓落床仔就喊，唔係就谷到自己口鼻都噴奶。
果次之後就要日日都抱住佢訓，好在有6299幫手，我食飯沖涼就交俾佢地抱，講緊係要一路抱住，佢訓左先可以坐低咋。夜晚我就抱住佢訓，抱抱下慢慢sir落床輕輕咁擺佢落隔離。
係啊，我係好唔安全咁同bb一齊訓大床，我老公要訓廳，之後先買多張床佢訓第二間房我地直到今日都仲係我同阿b訓，老公訓第二間房。
果陣時日日都好難捱，捱下捱下3個月，捱下捱下100日，捱下捱下依家4個月多啲，依家好湊好多，日頭餵完奶拍完嗝玩一陣就行一兩分鐘哄佢訓，然後佢訓著就繼續抱住佢，我就可以禁下電話ipad咁，夜晚好啲，餵到佢訓著然後可以慢慢放佢落床。
我試過去廁所都要抱住佢去
日子係好難捱，但係我唔忍心bb佢係咁喊係咁喊，我諗佢應該係好冇安全感嘅bb所以要一路抱住俾好多好多安全感佢。
好在我全埋身，唔洗洗奶樽泵奶，食飯就去6299到食，家務就老公收工返黎做。
所以趁佢未咁慣真係要狠心啲，放佢落床，如果唔係就會好似我咁，差唔多24小時冇離過身咁滯。
我果時要抱住行來行去先瞓
抱到成四個月大
佢開始識反身，日日玩到攰就易啲自己瞓著
我真係未聽過好似你呢個case咁辛苦 我完全想像到有幾攰… 我諗真係你bb需要好多好多安全感，或者你可以試下搵手巾包住俾佢訓，或者包被包到實一實，令佢有安全感啲
咁樣你都唔洗咁辛苦
包巾都唔得啊，因為初初阿b出世返到屋企我都一路有用包巾包住佢。
其實我個b真係好怪架，我特登買埋啲音樂遊玩地墊俾佢，佢訓一陣即刻喊要人抱，所有玩具對佢黎講都係唔吸引，淨係要人抱
不過依家好湊好多啦，摸熟左佢啲性格。
抱到而家7個月 成廿磅 都仲係要抱要行先瞓得著
頭一兩個月 晚晚抱成粒鐘先瞓著…之後愈嚟愈快 而家抱5-10分鐘左右就可以放低…不過半夜仲係醒好多次 又要起身抱一抱佢先瞓得返
Search過好多sleep training嘅資料…試過一晚…但都係唔忍心佢喊到癲哂咁
聽住佢喊 我自己都係咁喊 結果好快就放棄咗 有時會諗 唔緊要啦 bb好快就大，遲d我想抱 佢都唔比我抱架喇
我都係咁樣諗，實在係唔忍心佢係咁喊係咁喊，喊到聲都沙，眼又腫咁。佢一喊我成個人都會好心煩
係呀 真係好可憐咁 咁細個人仔點解要佢喊到咁慘 開頭都會諗 train係為佢好，但試過先知原來自己聽佢喊一晚都頂唔順…仲要唔知要train幾多晚先成功喎…好彩就幾晚 唔好彩一兩個月都唔得…我都係抱返佢算喇 雖然晚晚抱住廿磅行嚟行去係好攰，但而家慣咗，有時望住佢伏喺我身上面瞓到豬咁樣 都係一種幸福嚟
初初出世頭3個月都係焗住抱到瞓
快就30min 耐既多過1個鐘先瞓著
果陣都抱到手斷
直到全人奶就有好轉
啜啜下就瞓著
有時想佢瞓 就算唔餓都啜下
順便幫自己清下
我個BB未識同我玩，甚至可以話佢係勁唔鐘意人搞佢，除非佢要你服侍換片餵奶同抱訓，就算你抱住佢嗰時，另一隻手掂下佢就會fing開你打走你或大喊趕走你隻手⋯⋯
你意思係咪指NB嗰陣已經同佢講嘢？
我見陪月會同BB講嘢⋯⋯不過以我觀察，隻B淨係會在意你有冇處理佢嘅需要
我自問冇乜氣力，平日都唔多做運動，4kg已經係一包米，你係點樣抱起7.5kg⋯⋯ 
Btw 如果食奶食到訓左，你係咪會由得佢訓？有時好辛苦先氹到佢訓但又到下一餐奶，真係唔想叫醒佢！好似要將自己嘅努力一下打碎咁⋯⋯
你有得全埋身都係一件幸福事，我兩個胸經常插住對奶泵，試過抱佢係大脾坐幫佢掃風，佢一陏就成個頭撞落我個泵到⋯⋯
我生之前都以為自己可以忍受到BB喊，但見到佢喊到叫救命咁款，臉又紅哂，眼淚又出哂，點可能唔理。同埋我會覺得BB喊一定係有需求，有唔舒服，佢哋亦好需要睡眠，所以寧願自己又攰又急尿都唔敢放低佢⋯⋯
但BB衣加先十幾日，每日抱住咁多粒鐘，以後點算⋯⋯
阿媽仲叫我坐月唔好行咁多唔好拎重野，我抱住佢行真係秒秒都犯禁
陪月都有教我包巾，但唔係次次work⋯⋯
我係拎唔起一袋8kg米，所以想像唔到當BB 廿磅嘅時候我可以點抱起佢⋯⋯ 
想知道你係3個月嘅奶量先追到佢嘅食量嗎？
我個B懶懶地，啜人奶要出力佢就啜得好hea，我啲奶完全唔夠佢食 啜到攰佢又未飽就會大喊⋯⋯然後補奶⋯⋯咁其實係咪惡性循環？我都好想做到全人奶，衣加就算有人幫手看夜餵夜奶，但我自己都要晚晚起2次身泵奶，都冇得好訓，懶唔想起都會谷到痛醒，日頭訓番幾多都係咁攰！
我唔洗試一晚，聽到佢大喊5分鐘我已經頂唔順⋯⋯我生之前都冇諗過自己會咁心軟，但見佢喊到成面紅哂真係有少少驚佢喊得太激烈會透唔到氣缺氧⋯⋯