有冇人第一胎催生開刀，第二胎順產？
你地第二胎順產嗰時，係幾多週穿水/見紅/陣痛？
我第一胎淨係穿羊水，唔痛無見紅，要催生
第二胎都會一樣？我唔想再催生啊，超痛
我第一胎全餐，今胎醫生話遲D幫我排開刀期，未知佢排38定39週比我。
我想知第一胎催生都唔出，第二胎會唔會38週前就出黎。定係都係會遲D先出。
第一胎是因過期（接近42週）而催生。第二胎順產，但好似是41週，由見紅到生出來，用左12個鐘
我可唔可以理解為，第一胎如果要催生同遲到，第二胎應該都唔會早到？
定係胎胎唔同呢？
我覺得胎胎唔同
1個讚
第一胎催生，38周，因為係孖
第二胎39周見紅第二日就生
仲以為孖既會早過38週生添。孖係開刀定順產呀？
我第一胎見紅,出血多,所以催生,37weeks
第二胎陣痛,唔使催,就生先穿水,38weeks
你催生開刀定順產呀？
兩胎都順產,仲要好快,幾個鐘生完 
咁你都好好彩~
我好驚佢開刀前自己走出黎呀 
我都聽過呢啲case. 如果係都冇辦法,命水嚟
1個讚
要催生就挭係順產啦 
我上胎就係催生都生唔到要開刀囉。。。
咁生唔到要開刀就係另一件事
我第一胎過了40周後仍未出世，但一吃綠豆沙後，當晚立即穿水，之後在醫院催生，痛了24小時都未出到就開刀生
第二胎37周入院開刀生，開刀前一日需入院預備，點知當天下午開始肚痛（以為自己吃錯野，因入院前一日吃了大排檔）之後晚上越來越痛（終於知道是陣痛）凌晨突然穿水，等不到本已安排，早上8:00開刀，而禁食時間未夠，未能立即開刀，我也痛到不行，所以最後決定用最快的方法，順產
我就係驚咁樣。。。 
所以我當時成日都話，細仔如果遲幾小時出世，媽媽開刀生就無咁辛苦
不過順產對我來說都是感恩事，當時大仔2.5歲，喜歡撲埋我身上抱抱，而他又剛剛上幼兒班，我也想給他多些安全感，所以不想拒絕。如果第二胎是開刀，傷口都有機會爆開
1個讚