BB仲喺醫院唔喺身邊 
已經第三日啦，淨係覺得少少脹
有某啲地方有啲啲硬
係咁捽都無嘢出
出埋電泵都無用
炒米茶已經當水飲
仲有無啲好方法可以介紹下？
阿女要留醫打針我已經好心痛
好想為佢做啲嘢⋯⋯
先感謝大家嘅任何意見 
2個讚
唔識，但為你打打氣，加油媽媽同BB
1個讚
有冇摙住個乳頭試吓？
BB唔喺身邊又真係爭啲，而家你都點都要試吓定期刺激個乳頭，等個身體以為係BB喺度啜緊，加油
1個讚
放鬆心情
唔好太緊張！想當年我都係第五日先有奶，抱B比佢啜下最能夠刺激造奶，BB唔係身邊唯有多啲下睇相諗吓佢個樣！加油唔使急於一時，通左就長餵長有！
1個讚
呢個時勢有無得搵健康院姑娘? 佢地好PRO.
1個讚
阿B未出院
出咗先有得約
除咗炒米茶之外,再飲多啲上奶湯水 節瓜章魚 眉豆 湯， 如果冇傷口就木瓜煲魚
1個讚
之前係醫院啲姑娘話未出奶之前唔好用電泵住，好似話好易傷定唔知點。
好似未有奶之前都唔好咁快飲啲上奶湯水，因為好易會塞定唔知點。
以上唔好意思，我唔太記得啲姑娘講過啲乜啦。
你有冇學點樣手擠奶啊？按摩多啲同埋試多啲手擠奶，放鬆心情，唔洗咁心急，初期未有奶住咪補奶粉囉。唔需要太在意一定要飲人奶先係好
1個讚
下身會陰傷口算唔算？聽醫生講係個好細嘅傷口
有呀，一直都擠緊
但陪月話我唔係好脹，懷疑我無奶 
有奶冇奶唔係咁早下定論嘅，我記得我初初開始有奶果時係會feel到成個胸谷到實曬好似石頭咁，又硬又脹又痛，之後就冇再谷過，一路都淋之之都餵到阿b有vv有pp
1個讚
因為我原本驚你係剖腹產飲魚湯個傷口會有肉芽， 如果你順產嘅話其實唔怕，飲多啲魚湯會幫助修復個傷口
睇下醫院問下姑娘可唔可以有個電泵畀你泵奶呀， 盡量keep住刺激個乳頭等佢個身體做多啲奶
1個讚
多飲暖水，用熱毛巾敷下乳房先、然後按摩下再試手擠奶（唔識可以上網搵片學），擠通乳腺
起初因為初乳較黏同少，唔易擠，多擠會俾身體知道「需要造多d 奶」，多擠多飲水多食飯，爭取時間休息，我當年唔係擠奶就係食飯訓覺（bb 唔係身邊），當擠通乳腺會好好多，加油
1個讚
未上奶，同埋乳腺未通
千祈唔好飲谷奶野住，因為乳腺未通但又谷奶，好容易石頭胸乳腺炎
醫院有母乳姑娘的，叫佢地教你按摩方法同學手擠奶，按鬆左乳腺先（會有少少痛，但按鬆左出到奶就唔再痛）
2個讚
我一開頭都係咁
如果可以埋身就盡量埋身
唔可以既就泵 但係唔好咁大力 一陣可能泵傷
同埋唔好即刻飲上奶湯 我驚你乳腺未通 一陣上奶 你會谷到發炎呀
我個陣以為自己唔夠奶，結果一飲上奶湯，就塞到癲左
飲多啲炒米茶，好好休息，唔好迫自己…
我個陣都係大概5-7日先出奶～而家個仔4個月喇，肥肥白白，你都要加油呀！
1個讚
多謝大家！我會繼續努力！
除咗多飲水份之外，足夠嘅睡眠都好緊要，就算瞓一陣都好，瞓完我都會谷奶多啲
上左奶先好用泵，唔係會傷。飲炒米茶，魚湯。試用手擠，用hot pack/水樽裝熱水熱敷完先試擠，手勢唔岩都好難出。如果bb唔係身邊，除左定時自己擠，如果老公唔介意，叫佢幫幫手啜
1個讚
一定唔會無奶啦，生完仔一定有，係未上奶/塞左啫。我個胸仲平過我老公都餵到全人奶，不過我果陣都第6日先有第一滴奶，仲痛到要搵姑娘教我按鬆個胸先出到奶。試下定時定候(每2~3個鐘)自己按下個胸，試下自己用手擠奶，唔好咁快用泵住。
1個讚
飲通草，藥材舖有售，我果時又係三日都未上奶，一飲就通咗。
通咗乳再飲魚湯，d奶會ba ba聲咁上。
2個讚