同你一樣，但捱咗6年之後開始想有個工人／鐘點幫手做家務。
想有多d時間每晚陪下仔
平日都唔係好做家務咖啦, 簡單洗下衫吸下塵就算
放假先做家務, 指揮埋阿女人做幫手, 我覺得咁樣幾好, 識做家務嘅人長大有條理D
我無你咁好彩，我屋企兩條king，都係我服侍
爸爸會幫手沖涼，我都做少樣嘅
可能我手腳慢，做家務同自己沖涼每天共花兩小時，我覺得好浪費。
其實幫手做家務應該不分男女, 仔都應該幫手做
我只係降低衛生要求, 隻眼開隻眼閉, 得過且過
細個嫲嫲湊，小學工人，中學就同姑媽住（呀媽呀爸收夜唔放心我一個人係屋企），呀媽呀爸成日話揾食，一見面呀媽就叫去讀書，呀爸好啲啲小學會帶我去玩。由細到大想要嘅野都有嘅，但我同呀媽關係好差，我有問呀媽點解細個唔湊我，佢只係話要揾食，由細到大我知道佢地工作忙，但到大個都唔理解點解咩都要我自己一個搞掂（最憎親子功課/學校拎家庭照因為無！），我唔係想要好多物質（雖則好多人話我已經好幸福），我係想要父母關心多啲姐。
真係唔贊成。
好多都係小學考級頭之後到中學就跌晒成績。我中學同學小學考第一，中學考試唔合格，會考得十幾分。不過而家都做咗專業人士。佢屋企都係充滿愛㗎
我識果個呀媽勁衰,個仔讀K3就搶返自己湊(堅係搶,完全唔理99),以前仔係BB時咩都唔理,尿片都旨意99換,而家個仔識野,就唔俾人提以前99幫手湊仔既事 
我宜家都有咁嘅掙扎
工作加家務已霸咗我大半日時間
我仔呢排好似影子咁跟住我去廚房，甚至廁所，等我做完家務陪佢，佢一個人好悶
但我其實做完家務仲要篤佢做功課
我媽咪係女強人，仲要照顧高堂，我細個同我仔一樣好少霸到媽咪，所以我好同情我仔
雖然人人都話全職媽咪唔好做，但如果我有得揀我會想做…
1個讚
我而家係工人姐姐加上我呀媽會一個星期黎3日照顧下
而我又同老爺一齊住，佢都有幫下手陪佢玩下
另外最近可以wfh，變左一個星期可能只係番1、2日office，所以基本上我自己都會落手落腳湊～ 我老公就星期六日先可以陪佢玩
真係大爺咁，咁多個人照顧佢一個
PS 識兩對couples都係星期六日先拎番屋企照顧，父母當然舒服，但小左時間陪小朋友，不過人人選擇唔同既～
一個人做家事，一個人同小朋友玩，理論上輪轉下就應付到，不過就變作完全無自己時間。如果想解放自己，工人加長老至少兩人先至夠
工人主力湊，兩公婆要番工搵錢無計，有錢既都想自己湊番，
番工成日要睇cctv𥄫實，放工要買晒餸同日用品番去，因為工人湊住呀囡又落唔到街，所以唔輕鬆好辛苦，夜晚盡量教呀女睇書陪番佢
在職mon會比全職mon辛苦
1個讚
有朋友細個親戚湊大，佢唔開心呀媽細個唔陪佢，但佢呀媽爸挨到層樓比佢，佢生活洗錢都比人鬆手
Exactly. 返工個心一半都響屋企。話就話教育父母兩個都有責任，但事實上大部份都係媽咪主導同上心D. 又要安排活動又要兼顧學業，夜晚仲要爭取時間陪佢睇書、溫書或親子玩樂下，真係身兼多職
聽過最特別、本身一個大既、婆婆湊無工人、之後生左孖胎、男女家各幫手湊一個、冇一邊可以頂哂。
見到我仔有同學都係咁，每次放學婆婆嫲嫲接一個各自回家，家姐媽媽接，個媽媽成日都搵學校老師傾計傾到喊
有錢咁又點，童年一去不復返，我都驚我仔會怨我細時唔陪佢…
或者你轉份比較輕鬆既工？我公司收5pm, 平時我未到6點就番到屋企陪佢地，感情so far 都好好，佢地好痴我
我份工好輕鬆，重點係屋企無工人，事無大小都要自己做
我自己小朋友之前係長老照顧但一齊住日日都見到,上到K3我就轉左做FREELANCE 自己照顧多小小時間其實都係想長老唔好太辛苦. 老公工作好忙好小見到,但佢地關係都好好.星期日會同佢出去遊山玩水。其實小朋友要既係有質素既溝通同理解，時間唔一定係重點，做家務都可以係親子活動。我覺得發展事業有自己理想同目標都係需要既，俾小朋友見到自己工作上既努力呢樣係身教黎。
1個讚