睇左幾個post，
見到好似好多人都係落手落腳自己湊哂。
想問下有無Ching JM 係四大長老、工人主力，
父母都雙職又可以放多d 時間讀書、發展事業架？
想知道下你地嘅經驗參考下，
希望可以分享下心得同心路歷程，
謝謝！
利申：
我識一個朋友，佢直情滿月後就將小朋友放係奶奶屋企住
星期六日先係自己屋企湊。佢地兩公婆經常二人世界都幾爽下。
小朋友依升小一，性格成績好似都幾好。
補充：不過我覺得佢咁做法太極端，想睇下有無其他例子
sorry 樓主，路過多口講句，其實咁樣唔係幾好，而家細個冇嘢，但到大個少少青春期左右就會後悔㗎喇。當然呢個係你朋友自己家事，但係作為參考真係要小心啲。
做爸媽要有自己生活，但其實小朋友都係屋企一份子，同埋小朋友更需要好多愛。
答返你問題先，身邊朋友都有好多主力四大長老同工人嘅，多數喺返自己屋企過夜。有個係有時會擺長老到過夜，但係朋友係返shift，平日唔使on duty 的話會陪小朋友。
唔，我媽由我一歲起丟到婆婆家湊，星期六，日先返屋企，佢哋過左好多年開心自由世界後，小一接返我，我對佢哋好生疏，有咩都唔跟佢講，成日唔出聲
反而成日恨返去婆婆家住，正常地扭計買零食玩具，開心咁吃飯
我自細返學操行就好好，長期拎b+
婆婆帶親我出街個個都讚我乖及請我食嘢既，連飲茶賣粥個嬸嬸都會拎啲脆脆俾我就咁食
6個讚
其實我唔認同佢嘅做法，
不過我打算三十前生但唔想犧牲事業，所以一定要外判一d workload俾人…
但分開住太誇張啦，
我覺得放完產假叫工人湊夜晚個轉就比較可以接受…小朋友都係需要爸爸媽媽。
不過可能我朋友都就快接佢番屋企掛。
另外想問下呢，
你知唔知d 朋友係教0-6歲小朋友嘅感統、EQ、英文之類個d 係自己負責/教四大長老做定係再搵d 上門babysitter 之類嘅人幫手呢？
因為岩岩開始計劃生bb 都唔知可以邊度搵資料謝謝！
同上，唔係話樓主朋友唔好，但呢個做法會令親子時間邊得好少，容易有隔膜，同埋仔女會長大到時候想回味想玩都冇機會。親戚係星期一至五放工會湊，但平日一得閒、放假就撇低畀另一親戚湊，搞到小朋友有乜事都唔同父母講，同親戚講，一家人同親戚行街，都唔拖父母，要拖親戚。性格好好，但同父母有啲距離，所以後來都少左擺小朋友去親戚度，多左同小朋友玩。
我識人係四大長老託管，但請補習放學上堂，長老乜都唔洗做/只需要煮飯，上完堂就剛剛好放工返到屋企，可以跟下少少功課測考，同埋親子娛樂。咁樣算係比較好，但要 $$$。
1個讚
工人夜晚要做，日頭要做，邊有精神？點會無怨言
除非有兩個工人啦
咁日頭叫佢做少D 啦，會合理分配。
應該可以叫到奶奶或者我媽湊下日頭，
一係請多個鐘點幫少少。
都係頭兩年啫
我覺得又番工又要餵夜奶應該會身心崩潰
聽落好似心理上未必照顧到小朋友咁多wor，
即使性格好，
可能D 家教、禮儀、價值觀會少左機會教到 
咁就ok
1個讚
多謝你意見
我無請工人好多年, 公公婆婆照顧, 我日頭返工但唔駛點OT, 放工9秒9返家。 以前未停課就唔係好大分別, 小朋友返到家都4點幾, 咁我都係6點返到, 我覺得我先係主要照顧者, 細個時功課沖涼瞓覺都係我跟, 星期六日更加形影不離, 小朋友同我好CLOSE
兩歲後（有啲一歲）會有啲興趣班playgroup 參加，上門嗰啲香港冇聽過呀。
1個讚
其實生之前應該要諗定點湊小朋友。老實講，我唔係太贊成推比四大長老，雖然話自己人睇放心d, 但湊細路又困身又辛苦，同埋長老教細路果套未必岩自己心水，但有求於人唔通到時鬧佢咩⋯⋯所以工人湊長老幫眼比較好。
2個讚
咁你長大成人後，和父母關係係點？
好差
一來佢哋把我當搖錢樹
二來我生左小朋友發現佢哋以往是幾咁自私自利咁養我
1個讚
其實依加好多人都掉比父母甚至保姆湊，多數都係星期六日先接返屋企，多人support 就出動婆婆嫲嫲姑婆工人湊一個人仔，都係果句啦，你有錢唔怕搵唔到人幫你湊
不過造之前要真係要諗清楚自己係咪可以為個小朋友犧牲自己時間甚至金錢事業，定係人有我有當佢係附屬品，眼見好多生完其實係唔想湊先掉比父母/保姆湊
一般雙職家庭，都係請工人＋長老幫眼睇BB 吧，長老只係輔助，放工父母自己照顧返。
係啊！好多媽媽就算病到死死下，點都要餵包啲仔女，我試過發住高燒接埋放學先可以有時間趕係醫生落閘前衝入去睇醫生，唔係個個女人都咁好命有人幫手
其實我真心覺得全職媽好勁，真係24小時全天候照顧頭家。我自問真係做唔到
但生之前都計劃過，因為我冇長老可長期幫手，唯有事業上頭幾年犧牲下，重點放響家庭度，帶熟個姐姐就頂硬上。
可以分享一個舊同學例子
佢係獨女，自小跟阿婆，父母只湊星期六日
小學佢係全級第一，但個人好靜無嘢講
到中學跟番父母住，同父母關係麻麻，成績都無咁標青
佢最後都讀到三大嘅PhD畢業，但無小學時咁出眾
唔知同中學時返父母家有無關係