同公司講有咗要即刻入紙申請埋果14weeks產假，大家可唔可以分享下應該點請比較好呢？
有朋友分享話佢做到臨生前兩星期先開始放，後面放多d就多d時間抖抖，大家係點樣架？
我都想知，留名
我都係2星期前，因為想拎盡時間休息，不過最後早左少少出世
大部份媽媽都係盡遲放﹐
留多D時間之後照顧BB多D先至返工；
當年我都係前2後8。
3個讚
其實係咪到咗後期，一般媽媽身體都OK穩定架啦？
因為我而加初期係好唔舒服，所以有d擔心盡量遲放，我身體又好唔舒服會好難捱 
我放前0後10，產假第一晚就作動，完美咁善用產假
BB 出世前放假無野做，應該盡量遲啲放，多啲時間照顧BB。同埋我想講，放產假媽媽忙過返工，無得抖㗎
4個讚
後期可嘗試問公司，可否work from home
好完美呀 
拍手！
真係一個好寶寶呀
咁又係生完之後都一定好手忙腳亂
我同事話寧願返工做野
1個讚
穩定﹐
但輪到頂住個肚去邊都行得慢或因 BB 已有一定重量﹐
媽媽好易恥骨痛、腰痛﹐
同埋易攰。
我都覺得愈遲放愈好，不過好多公司都起碼要你放前2 (冇得前0)…
大肚後期係好攰嘅，始終咁大個肚，有時仲要迫巴士返工放工，都幾辛苦…不過如果一定要揀生之前放定生完之後放 就唔使諗一定揀生完之後湊多陣仔啦
我覺得要視乎自己情況，我孕中期試過流啡入院，都想早d放假喺屋企乖乖待產就選擇番前4後10。
前2，後12。
後段時間較長照顧BB及調養自己身體
| 問 4. | 懷 孕 僱 員 可 在 甚 麼 時 候 開 始 放 產 假 ？ |
|---|---|
| 答 4. | 僱 員 可 在 僱 主 同 意 下 選 擇 在 預 產 期 前 2 至 4 星 期 開 始 放 產 假 。 |
如 僱 員 沒 有 提 出 要 求 ， 或 未 得 到 僱 主 的 同 意 ， 則 須 在 預 產 期 前 4 星 期 開 始 放 產 假。
如 僱 員 在 未 開 始 放 產 假 前 已 分 娩 ， 則 以 分 娩 日 為 產 假 開 始 的 日 期 。
注 意： 分 娩 指 產 下 嬰 兒； 流 產 指 在 懷 孕 28 個 星 期 內 排 出 不 能 於 產 後 存 活 的 成 孕 物 體。 如 僱 員 懷 孕 不 足 28 個 星 期， 產 下 能 存 活 的 嬰 兒 或 嬰 兒 在 誕 生 後 才 夭 折， 則 不 屬 流 產。|
正常都係最盡前2, 除非阿B 38週出嚟同你SAY HI
如果你後期真係好唔舒服, 可以問下醫生開SICK LEAVE
1個讚
我38wk 開刀， 所以都可以前0後10。
視乎你份工駛唔駛成日企/成日行/要坐車轉車番好遠
如果以上嘅都唔駛，咁前2都ok
後期個肚會好重好墜，成日行同企可能會辛苦
我果陣放前1後9，順產。其實生之前真係放唔放都得，我生之前果日都仲行得走得食得瞓得。生完傷口又痛又餵人奶又冇得瞓，可以嘅話真係想前0後14。不過好多公司最少都要前2，要自己同上司傾下。
我請左前3後11…37週開始放～因為37就叫做足月可以隨時生得屋企人覺得足左月仲返工有啲危險，隨時喺公司作動不過最後公司俾我wfh到產假…早知就請前二啦
請前2，如果公司俾，我想請前1
我之前都係前2, 但心理上其實35~36W要ready隨時放產假, 盡快handover D野比同事, 好多時有不同原因都會突然BB都係早左出世
本身前1
但2胎小朋友都心急出來 37週就突然穿水 自然分娩
咁就變左前0