請問有無媽媽可以分享下浸會順產嘅經歷？有無人最近疫情下喺浸會生？安排係點？
浸會順產(非疫情期間)。
姑娘同姨姨非常好，我零辰12點入院，塞藥，訓床，期間會勁想去廁所，每個鐘都要禁鐘搵姨姨(塞左藥冇得落床)，姨姨唔會黑面。
每隔一段時間會有姑娘入嚟問你幾耐痛一次(自己計)，同量血壓。
到朝早6點半左右，姑娘入嚟量血壓同問時，我已經5~8分鐘痛一次，幫我check時已經開到3度(呢個度數嘅痛係可以接受，呼吸法係幫到手)。姑娘check完3度就安排入產房，勁快已經可以入產房，入到產房，我問姑娘可唔可以打比老公，姑娘比我自己打(手機拎入產房)。
過多30分鐘左右(大約7點)開始覺得比較痛，叫姑娘比笑氣吸，之後就wing左喇
，中途接生醫生入過嚟，我老公都入過嚟(不過未生得，姑娘叫我老公去食個早餐先)。
迷迷糊糊到8點幾(確實時間唔記得)，聽到姑娘check完話9度喇，生得喇，之後我個接生醫生入嚟幫我接生，9點前生左喇。
會比bb同我影相，同埋我登記時講左餵母乳，所以都會比bb埋身啜下。
之後我就返自己房，但好奇怪架，成晚冇訓，但完全唔眼訓架。之後喺自己床等，等小便，因要成功小便先叫完成呀。
有咩問題隨時可以禁鐘，姑娘好好。
餵母乳嘅姑娘都好好，諗起都覺得好開心呀。
2個讚
想問下有無打無痛？
我冇打，醫生有再三問我嘅，不過我話唔打，
一來想感受下之前呀媽生我果時(佢都係淨係笑氣)，原本我想連笑氣都試下唔用，因呀媽話會wing 發唔到力，其實係嘅，wing左係唔係咁識用力，迷迷糊糊咁，但feel到好痛嘅，真係叫救命架，不過我痛好短時間，8點幾先9度，勁痛，未夠9點就生左。
二來唔打係因為有人(真朋友)打過係會腰痛n年，不過佢公立打，可能手勢冇咁好掛，但我唔敢博，我本身腰骨都麻麻地。
原來係咁…咁你有無喺波會做埋聽力測試？