有無媽媽分享下疫情下政府醫院生B安排
想知多少少 有d心理準備
thanks
我都想知，如果要帶住口罩訓一定好辛苦 
我情願帶住訓，今日屯門醫院有位孕婦明明有事，都送咗去內科病房
啱啱公立生左
由入醫院收左症之後只可以喺走廊見老公
我喺東區生
產前產後病房都可以用電話
入產房前會叫你通知老公
喺產房入面都可以問姑娘借電話打俾老公
但唔借得耐
我冇用任何止痛 所以唔知邊啲有邊啲冇
生完之後老公冇得見bb
我bb一出世落左加護病房，可以拜託姑娘影相俾老公睇
之後幾日要見老公都係佢買完飯一齊喺走廊食
我個度病房 個個都會帶口罩
我自己帶定幾個， 每日換，只有食飯時除
大多數媽媽都起碼拉晒2邊簾
私家病房因為疫情關係就關左，公務員都冇得upgrade
3個讚
多謝你分享
你好犀利冇用任何止痛，有咩忍痛秘訣？
想問下入院時需唔需要做肺炎測試？
除左深呼吸真係冇
我有request笑氣 但我個陣就生得
姑娘話你忍到㗎喇 差幾下
可能我早左生同第二胎
Bb真係話出就出 差啲鋪唔切布就出黎
1個讚
唔需要
上月底在QEH生
情況大致同上面（東區醫院生）媽媽相同
產前產後房每日派一個口罩，其餘要自備
我在瞓覺時除低口罩
在產房全程帶着口罩，聞笑氣時也帶着，非常辛苦，基本上好難聞到（個人認為笑氣沒有用 ，或者係我問題）
產後上了私家房，派口罩數量稍為鬆動一啲，姑娘話有需要就可以開聲，但因為我自己帶咗，所以沒有額外攞
同問入院時需唔需要做肺炎測試？
正常來說不需要。
但我在分娩期間發燒，在產床上留深喉唾液做化驗，非常難忘的經歷
提醒各位準媽媽即使鎮痛/穿水/見紅，未生得之前記得飲夠水去夠廁所，否則像我尿道炎發燒就無端端多一樣野痛苦 
私家就要，公立醫院肺炎都一定要收。我諗除非有發燒，否則都唔會特別幫孕婦做
即係qe疫情期間仲有提供私家房？
請問係咪公務員upgrade?
我七月底至八月頭前後住咗五日 (QEH A11 產科私家病房）
嗰時仲正常運作緊，之後嘅日子就不肯定
我是醫管局職員
明白…到時睇情況啦…
全程戴口罩⋯ 雖然陣痛已經痛到咩都理唔到
痛果陣我淨係瘋狂調節呼吸 都唔記得自己戴住口罩
生果刻都戴住 諗返起都幾癲⋯
所以口罩款式都重要 戴得舒服 好彩唔係太焗太厚
最sad係冇陪產又冇得探病
生完老公都趕唔切嚟醫院個走廊睇一眼⋯
比個姑娘點左返屋企話有排先生
生前靠自己意志 生後係醫院都係靠自己
係咪一般surgical mask先抖到氣
諗住帶高防護啲嘅口罩例如nask
岩岩瑪麗生完，除左冇得探病同陪產之外，平時係病房戴番口罩咁，冇咩特別。
生個時唔洗戴口罩，有笑氣，不過我氣管敏感產房空氣凍，我又唔鐘意笑氣，所以係入面飲完啖水就主動要求戴番個口罩。
補充，屋企人只可以係每日指定時間（例如瑪麗早上10-11am)可以拎嘢去正大門樓下看更位，填張紙貼落袋就會有職員帶上病房。