咪就係大把呢啲父母, 自己中意冒險就冒險, 叫你諗下個仔女會唔會想冒險/想出世就話冇意思. 所以先有咁多人怨父母生佢出黎.
(唔係話你個小朋友會怨你. 我話其他已長大的人)
我明你思意。如果我個仔響肚裡面識SAY NO，我唔介意即刻落左佢。畢竟廿年後聽到個仔怨父母生佢出黎係好HURT嘅。我真係有細姪講過呢番說話，而我係表示認同。個CASE因為個老豆五十幾歲先生佢出黎，無心無力去養育。
不過如果以樓主個情況，一半半啦。所以我先俾一個可生嘅COMMNET。
咁真係慘，好似打工望收工咁。
現在他們大D，情況好D
自己仔可以…不過仍然不喜歡其他細路…
1個讚
我都做過rehab ward基本上都係老人家，你意思係見好多老人家冇兒冇女好慘？我反而見好多有仔女嘅仲慘喎⋯⋯其實老左有冇人照應同有冇仔女冇直接關係，你只要為退休做好準備，有夠錢洗有醫保，有keep住Social做下義工識朋友，想搵人照顧定消遣都一樣得。相反，有仔女並唔代表有人關心自己，你花勁多心機時間青春資源，換黎嘅係佢哋大個左就同你斷聯絡⋯⋯
咁不如去孤兒院做修女，嗰到咁多小朋友，總有一兩個會係你老左入院時探下你。
2個讚
其實你仔細啲諗，同有冇仔女冇必然關係⋯⋯
人老左會慘，有好多成因。
生左仔女辛辛苦苦湊大，老左依然自己一個，香港呢啲case多的是，獨居老人都係有仔女嘅⋯⋯相反如果冇生過小朋友，至少以前係自由生活先，甘心。
3個讚
其實我自己都離左題。
我同意老年孤獨，膝下無兒係原因但並非主要/唯一原因。
1個讚
如果兩公婆有共識，上太空都得。不過樓主係同老公無共識，咁就唔係生唔生嘅好處與壞處，而係生仔同離婚/丈夫妥協/帶住遺憾一起生活嘅問題。
我唔係白姐姐，如果樓主只係想逃避做媽媽嘅責任，仲有好多路行嘅。
首先生仔唔係責任, 係選擇.
而且樓主結婚前聲明唔生仔
樓主係冇責任生仔.
樓主老公而家變喇,當然樓主可能最後會離婚. 咁但係兩公婆, 除左生仔意見可以變, 好多野都可以變. 婚姻本身就沒有保證.
即使樓主真係生左, 老公亦可能有其他原因變心.
或者樓主後悔左生仔而痛苦一生.
anyway, 呢個"逃避做媽媽嘅責任" 真係一句tat 著女人.
3個讚
想老左唔慘、我自己睇法係：
- 有積蓄
2.健康身體、尤其腳同視力
-
個人要行出街、見下人、舊同事舊同學約會、間唔中join 下、識唔同年齡嘅朋友、年紀開始大、同齡友人只會愈來少。 （呢樣其實幾難、我未到四十、已經唔想出去應酬。）
-
冇啃老仔女、而自己也不要向仔女需索無窮、無論財政體力同思想上都可以獨立面對退休生活。
4個讚
明明樓主老公一開始都同意左唔生架
而家係佢反口wor
無論成件事個結局係點
都係佢老公既責任多過樓主逃避做媽媽嘅責任囉
呢啲古老男人講既野真係典型blame the victim
2個讚
生左唔湊就係逃避、唔生有咩責任？
4個讚
的確樓主只係講唔鍾意細路，但請睇返之前我嘅意見。
而「逃避做媽媽嘅責任」唔應該係罪過。
我唔知依家係咩階段，上得黎呻都仲有選擇卦。十隻馬都有人貼，可能我貼著隻大冷門啦。
本來就沒有的責任, 如何逃避
1個讚
統一覆，同意唔生係無責任嘅。
但係點解會有呢個POST呢？就係樓主老公想生丫麻。性別調轉黎諗丫，如果老公唔想生，老婆想發揮母愛，你地會點建議？我都會同一口徑建議多溝通，諗清楚利弊但唔使諗咁長遠， 一旦決定左就要堅持，唔好後悔。
好心你要同人理論企硬啲啦.
一開頭話怕滕下無兒, 俾人圍又話唔係主要原因.
之後話人逃避責任, 俾人圍又話唔生係無責任.
“諗清楚利弊但唔使諗咁長遠， 一旦決定左就要堅持，唔好後悔。” ← 點樣可以唔諗咁長遠, 但係堅持唔後悔, 矛盾到爆.
如果老公唔想生，老婆想發揮母愛, 如果係咁, 一開始就會搵個想生的男人黎生. 如果係婚後改變主意, 都係諗下生仔緊要啲定老公緊要啲.
而唔係歪理道德綁架, 話人有責任生囉.
我有幻想過、如果科技可以進展到男女都可以懷孕、而生B果個要負責晒小朋友的照顧同支出、咁啲男人呀、奶奶呀要繼後香燈就自己生飽佢。
1個讚
其實我覺得男人想生, 自己搵代母買卵生飽佢.
女人就自己買精生.
如果發展到個個都單身生仔, 咁就唔異類. 純FF
第一，我唔需企硬定唔企硬，因為我唔係事主，呢個係討論POST唔係辯論POST卦。
第二，乜你地圍我呀？我講嘢冒犯/得罪左你地？唔同意見乍喎…
諗咁長遠做乜？揀結婚對象都唔會諗到化蝶果刻先去夠膽結卦。響任何時間都會遇到意想不到嘅困難，諗咁IDEAL都無用，但係遇到困難都唔應該放棄，咁有咩矛盾。
如人飲水冷暖自知。如果係二分法就簡單啦。離婚~
係
最慘係好多男人開頭話唔生冇所謂、到之後想要、就話太太「逃避媽媽責任」、「搞到佢屋企冇人繼後香燈」咁…
2個讚