前兩日去王紹宏醫生度照結構， 其他一切正常但就照到bb 背部近patpat 位左邊少了一條筋骨。 之前做哂T21, 唐氐一切正常。
王醫生話呢個情況都常見， 話可能係未鈣化， 不會大影響。
想問有冇人有試過類似情況？
雖然我未遇過 但想入黎俾啲支持你～因為有呢啲情況一定好擔心～ 加油
咁醫生話下一步要點？ 等多一排再check?
2個讚
我仔當時係少了2條, 頸同唔知對落第幾條. (而家佢條頸係好短既)
果陣我係政府醫院發現, 再去2個不同既私家再照.
其實佢地當時話未試過, 唔肯定有無問題. 所以有叫我唔要個B.
不過最後我都無理, 生左阿仔, 佢而家11歲啦. (不過一出世就預左不停見專科)
同埋而家佢既脊椎側彎都23度, 但醫生話因為佢一出世就係甘. 同埋無差到,都會繼續跟進.
而家一年去見骨科一次.
不過我覺得你個CASE可以寫紙去政府再詳細驗(如果係打算政府醫院生)
唔好灰心住, 可以再睇多幾個醫生先.
12個讚
醫生話常見， 冇影響， 唔使再check 
1個讚
謝謝你， 我問左朋友的婦產醫生朋友， 佢話我呢個情況冇問題， 叫我唔需要擔心
不過下次去政府同私家我都會帶埋結構報告再去問下醫生
1個讚
唔好客氣, 果時我都好無助, 都係唯有不停甘搵醫生咋.
最緊要唔好影響自己心情, 因為你唔開心個B都唔開心架.
你同BB都要加油丫! 
1個讚
謝謝你
我嗰陣時私家照結構都話我個仔左邊心室有問題，做晒T21都話正常。而家仔仔就3歲都無嘢，唔洗太擔心嘅。
1個讚
叫佢refer你去公院照多次。不過佢話無野就應該真係無野。
上次佢話我BB左心大過右心，講到好嚴重，refer我返公院照，但係公院話無事，醫生話佢都成日refer patient返去，所以佢唔refer既話應該都真係冇事。
我打返去比黃醫生同佢講，佢一個星期後幫我照多次，都係話照唔到有問題但有機會出問題。咁我就keep住BB。
佢咪有個880既plan比你返去照BB個樣既？我問到時可唔可以再幫我照多次個心，佢話OK。早兩個星期返去照，佢今次話左右正常返。你試下問下佢返去照樣果時可唔可以幫你照多次骨。應該無問題。
1個讚
唔好咁擔心啦 我照結構都話bb少左仔臍帶動脈
係會擔心但要俾啲信心bb 醫生都話唔係咩罕見
哩家我就黎38週準備生了
佢仲好活躍係入面打詠春
加油丫成日唔開心bb會知嫁 