有無媽媽同我一樣個肚每日都勁實勁硬，個肚勁墜，行每一步都勁辛苦，屋企d家務完全做唔到
就快生就抖多啲，果時我已經放緊產假留家，無做家務，夜晚仲等老公帶我落街食嘢散步，啲嘢佢做架
做唔到唔好勉強自己
媽媽放鬆D 
我最尾果胎真係每行一步都好痛，有冇用托腹帶？同埋學醫生講一句廢話：唔好行咁多！
我都想呀，我仲有個4.5yrs嘅大囡要湊，依家仲要無學返超難頂
淨係照顧大女，其他嘢交俾老公做
唔使唔好意思
若真係好攰就教大女摸下個肚叫bb乖乖咁轉移視線
通常坐坐吓會硬，起身行個胎墜到跌落去咁濟，用托腹帶好快就會有cool住個肚成日有急尿嘅感覺！
我37weeks ,第一胎
成日長期一個姿勢肚就硬左一陣 之後改變動作就release 番
背部可能長期左/右訓 , 好酸痛 不過拉拉筋就好D
開始好緊張 要做媽媽 成日諗好多野 eg. 準備得夠唔夠/人奶問題。。有失眠情況
我係胃酸倒流到瞓唔到囉⋯⋯
緊張都有架
不過諗左好多次，望落去又真係好似無咩漏，有啲嘢都係到時先知⋯⋯
而家30W。我都開始覺得行動有啲不便。我個仔一歲，仲成日扭抱。幫佢換片仲成日踢腳，有時會踢到個肚。
我記得上胎都去到咁上下時間就好想快啲卸貨。
加油呀, 涯埋呢幾星期卸貨
我打開左好多次走佬袋睇下有冇野係拎少左 
1個讚
我而家34週， 都覺得好辛苦啦， 第一胎， 個肚大得好快， 又唔可以平瞓， 動作又遲鈍好多，但又未放產假。。。
依家36周，肚硬次數多左，有時仲有少少m痛感
尿頻嚴重左，夜晚成日訓得唔好
我都係，半夜四五點要去廁所，每朝落床覺得好辛苦 
哎呀 咁bed rest會唔會好啲呀？
係呀，條腰好似唔係自己嘅咁
郁又痛，唔郁得耐又痛
1個讚
成日唔小心整跌野落地下就好躁底，個肚頂住執唔到仲有 沖完涼著底褲個下都覺得辛苦 夜晚胃酸倒流又係碌好耐先訓到
1個讚
係呀係呀！
一去到呢個位個腦就會響「我是一個大冬瓜⋯⋯」咁嘅歌⋯⋯ 
1個讚
我而家都係37w第二胎
個肚實到呢⋯行幾步都勁辛苦，同埋夜晚去廁所起身果下，要勁用力
唔知第二胎係咪真係會早d就出黎，肚實感覺比第一胎強好多既感覺.
著底褲呢part 真係有同感勁困難咁著
2個讚