係醫院果幾日如果住政府醫院可能會好忙 但記住都要飲幾壺水(可以帶炒米茶入院沖)
係呀 ,我都好興幸當時阿B出世個陣係港怡有人教, 出院返到屋企陪月都話出世頭幾日做得好唔好對之後全母乳真係好重要
首先要唔怕辛苦，初生bb唔識食，新手媽媽未掌握到姿勢未上奶，生完體力消耗太多……加埋一日餵10-12次+掃風，完全係一個無間地獄，做定心理準備先，頭一星期真係餵到喊
其次，一定要有屋企人的支持，尤其是c6
多埋身多飲水多食飯，保持心情愉快，可以保你奶路亨通
最後你真係好大決心的，一罐奶粉都唔好買定（或者收埋佢只有自己知喺邊），屋企人通常見你攰，就會勸你不如補粉，就好容易功虧一簣
P.s.兩胎全埋身，靠一股傻勁做到全人奶
我條路…一開頭係比屋企嗰件鬧爆而差啲放棄 
佢係咁話我究竟識唔識餵…大佬喺醫院有姑娘教嗰個係我，但初生B唔係好識食、我又第一胎唔係好識餵，好正常吖？((我諗))
總之係咁比佢鬧，然後99喺度陪月又係咁話餵粉…我自己阿媽又係咁一見到就話餵奶粉…勁大壓力！
然後我係頭3個月半粉半媽媽奶，慢慢減粉，先全人奶到 
但真係唔好比壓力自己，我次次比佢勁鬧之後就會塞奶…((雖然唔知關唔關佢事，但真係次次鬧得我甘就塞))
係, 頭一個星期個情況真係好複雜, 又開心又擔心又好多問題, 如果身邊有人幫到手加埋屋企人支持絕對可以事半功倍
埋身埋身埋身，記得埋身！同要相信自己同bb！
其他絲打講得岩，最重要係你既決心
我生兩個，全母乳，一罐奶粉都無買過，唔需要咩「買定一罐看門口」，香港好細，落街就買到奶粉，但母乳呢？唔係你話要就可以即刻有。
把握頭幾日係醫院搵母乳姑娘教你埋身，出院後可以問健康院母乳姑娘，坊間果d 咩催乳通乳根本多餘，健康院支援又唔洗錢又專業
壓力會有，但唔洗太緊張，相信自己同bb，餵母乳無想像中咁難。記住開頭辛苦d、密密埋身，之後上哂奶，再之後bb 退哂黃就開始好架喇條路
我反而覺得應該放定一罐奶粉喺屋企，BB 剛剛出世時，媽媽未上奶就係未上奶，當然要繼續埋身餵刺激上奶，但BB 食唔到奶會肚餓，總唔可以一星期都無奶比BB 飲。
有罐奶粉喺屋企，可減輕媽媽心理壓力，和令長老、老公和三姑六婆收聲(很重要)。
買定一罐奶粉與否唔係重點。
最重要樓主要明白「bb 個胃係咁大就咁大，覺得bb 唔夠飽補粉，佢自然係你身上面需要既奶就會少左，刺激你身體造奶都會少左」
趁住未生，睇多d 資料有定心理準備，例如第一日一條濕片加poo、第二日兩條⋯如此類推去到第六日，之後每日keep住「最少6條濕片+poo」，即係bb 夠食
至於3姑6婆既說話，更加唔洗理。我當年未生99夠話睇我都唔夠奶、要買奶粉點點點，結果佢跌哂眼鏡
做媽媽要內心強大，唔好咁易被人左右，因為無論點做都會有人俾「意見/批評」。
最重要就係堅持、勿忘初心。
好多媽媽都未生之前都話要全母乳㗎，大部份都好早離隊，實在太多原因令各位放棄。
我唔多奶，要返工追奶追得好辛苦，係好易令人想放棄。都做到全人奶，未補過奶粉。
其次要飲好多好多好多水
食飯多奶
休息夠多奶
埋身令母乳路走得更遠
但口型重要，啜得唔好，埋身都難過
相信埋身長餵長有
無時限、無次數限
加油
*人奶齡53個月，兩個小孩子媽媽
目標係自然離乳
1個讚
臨生前聽左個talk講餵母乳
如果唔係開刀
BB一出世就盡量俾佢埋身學飲奶
同飲初乳 會易d上奶
如片片量正常盡量可以就唔補奶粉
因為奶粉一飲就一定分量
會令個胃適應要飲一定分量嘅奶
咁之後就好難追到BB奶量
即使全母乳都會有奶量唔穩定嘅時候
我臨返工前有俾bb飲定奶粉
習慣飲母乳以外嘅味道
而加返左工 泵唔夠數都唔怕嘛
返左工後到而加BB 6個月
暫時每日都會俾三安bb飲當零食
不過餵母乳真係有辛苦嘅時候…加油！
1個讚
佛系餵奶，放鬆心情，bb要就埋身餵，唔需要諗佢每餐飲幾多奶，初頭1日飲十幾次係正常，只要確保一日有6塊濕片就ok，自己初頭2個月係辛苦，密密餵，但第3個月開始就會慢慢舒服，唔洗咁密，到而家係享受，唔洗開奶洗奶樽，訓係度由佢啜，2隻手仲可以禁下電話。ps. 由bb出世開始就逼住全人奶，因為bb唔鍾意用奶樽食奶粉，果陣仲要開刀，每次埋身都好痛，不過就真係先苦後甜，捱得過就好，加油媽媽！
我就係咁
一開頭bb要喺醫院無得密密埋身
淨係靠自己死擠
已經遲咗成個禮拜先開始埋身
個陪月仲要唔support BF臨時搵人換
佢算啜得叻
但又驚佢黃又食唔夠佢又勁心急
結果都係補咗粉
依家佢食完我又泵唔食我又泵
洗泵都洗到傻
依家都未滿月，奶量有排追
好努力咁對抗呢種灰心嘅感覺
加油，相信自己
我成日都同自己講，心中有奶胸中有奶
多埋身多飲水，食啲令自己開心的野
自然奶路亨通，長餵長有
1個讚
唉，
我有少少懷疑阿女已經補粉補到慣咗
無補粉就算補泵奶同樣volume都唔肯制 
“香港母乳育嬰協會”咪書加Q&A
(我暫時喺新手，po唔到link)
“自然育兒網絡”
(麻煩要自己seach一下)
當年自己陀緊時，睇好多母乳知識，到生完盡量應用實踐出黎。所以而家最緊要係裝備自己嘅母乳知識，了解多D。好多媽媽都會口講話好想餵好想餵，但真正想做，係會了解件事要點做。
呢個係我自己親身經歷，希望幫到你。
加油