絕對贊同。如果想仔女響自己過世後仲可以維持良好關係做返一家人，做父母最好生前就做好晒遺產管理，所有嘢寫得清清楚楚，避免不必要爭拗。
尤其當大家結晒婚，有另一半時，關係就會變得更復雜。如果珍惜一家人關係，就應該盡最大可能避免有任何錢銀瓜葛。
我同家人無呢D問題，邊個有困難，我地已經會主動開口問要唔要幫手。
屋企人睇親情比錢重好多，試過有D資產大家都唔理，推比人要，親戚都忍唔住話我地浪費資源！
一個要睇私家，但要夾錢
一個冇錢又話睇公立已經有得煩
真係有困難又唔同，有d唔係有困難而發生先係最煩
都係，先小人後君子
朋友老爺有d錢，大病入院都知係最後歲月，初初仲有意識，幾個仔女日日輪流去探佢，仲派個工人坐響房服侍，好似好孝順咁。但到老爺開始冇意識，醫生都比埋拔喉選項之後，因為遺產分配傾唔掂數，佢地唔可以比老爺死住…成班仔女唔再探病就梗啦，其中一個仔驚工人會偷懶，仲請多個助護坐響房睇住老爺，有乜事要第一時間叫醫生急救，總之就唔可以比老爺死住…唉…
當公屋綠表資格都有人爭，就知乜嘢都有可能。
有人買樓租比已婚兄弟，到時想自住又一定有得嘈