Thx! 今晚試下
Agree
升小二小朋友已學識用電腦做zoom
自己開埋相機 & 小畫家出黎發揮小宇宙添 
自己意見 買部電腦仲好
小三都要學打字 就快做research 做下文書
Apple唔support flash
好多老土小學web仲要用flash
屋企而家有部laptop 都係比佢上zoom同做exercise 嘅，只不過係想再買部pad/tab方便有時婆婆唔得閒去我屋企，又或者落大雨唔想老人家走來走去滑倒，我就可以帶佢上去婆婆家咁樣。
哦 明解
咁如果要拎來拎去 有部ipad / tablet係方便好多
三樣野我都有
盡量都用laptop 想佢學識用mouse用keyboard 而家仲係用到手抽筋咁 佢地去婆婆度我都照抬laptop 
iPad 會易用過tablet
但iPad行唔到flash (如有媽媽識破解 請賜教 
)
親戚都係你媽媽年紀，教左兩次就上左手，連 Skype、Facetime、Messenger 全部都學識曬，鬼咁精靈，有心學就總會上手 
。你仲可以好似啲說明書咁，screencap 列印出黎，大大隻寫埋啲指示「按密碼 XXYY 後，按藍白色 Zoom 圖案」》「進入後按紅色尖嘴所指位置，填上 XXX」。仲列出埋啲 troubleshoot，例如「如果畫面突然退出，請 XXXXX」、「如果畫面寫有 mute，請按 XXX」
婆婆唔多識用嘅話，讀出黎，孫仔跟指示用 pad。教定埋仔仔學識 whatsapp 影相 troubleshoot 畀你。
實不相瞞⋯⋯媽媽係唔識字㗎
所以有d難度，但我可以盡量教阿仔遇到難題或突發情況時要點處理
呢幾次學校zoom我都坐埋一邊，由得佢自己揸mouse unmuted，係衰在時間耐左開始遊魂，比Miss叫佢答嘢嗰陣就慌失失發哂茅咁，阿Miss又有少少心急同燥底，係咁叫d同學unmuted 啦、快d啦、講嘢啦⋯⋯Miss愈急班細路仔仲騰雞，我個仔都顯得有d緊張
喔，咁媽媽應該識用電話睇片/聽錄音？你試下影段 video，做一次示範。用圖像幫婆婆同孫仔記。最主要教識阿仔。你電話都可以裝 zoom，試同佢一齊 run 幾次開機、入 meeting、unmute、開鏡頭等等。
Miss 都冇辦法，小朋友平日都慢吞吞，隔住個 mon 更加難「招魂」，好難唔燥。