選近家的，還是好的？
有得選擇架咩？唔係一定要最近你屋企果間架咩？
因為你去預約產檢都要拎埋地址證明架我記得
#有錯麻煩更正
我記得要住址證明，只可預約最近屋企既醫院，如果係公務員或家屬，就可以揀某幾間醫院包括威院，QE，瑪麗。有錯請指正x 2
4個讚
can’t choice
無得揀，要有你住址證明，如果揀老公住嗰區要有結婚證書
公立醫院係根據你住址證明比個區醫院你架 無得自由選擇
原來係無得揀，謝謝分享
有得揀，今次我跨區揀左廣華
1個讚
除佐公務員可以去qe或啲人借地址。我都唔知可以誇區。
唔係間間都執得咁緊架其實
不過都要考慮返你緊急情況去醫院會唔會太遠先 同埋call ambulance一定送返你去最近個間
1個讚
我無借地址
我打左去問廣華，我誇區得唔得
佢話有位就可以
所以我直接出去排
啫係咁 以前做女嘅及婚後咪2個地址囉
從中揀1個 我揀咗廣華
因為做女果邊番健康院做檢查
個人感覺廣華去哂醫院好似好d
call白車去到最近醫院，如果唔係大出血好緊急有危險，又或者即刻生得，都會車返去所屬醫院
即係咁，雖然係要地址證明，但我自己&好多鄰居都係跨區 (當年住屯門，大家對屯院都無信心)。有啲醫院有位會比你直接跨區，有啲要借地址 (自己娘家地址/奶奶地址/親戚地址etc)，只要封信係自己/老公名就得。不過跨區產檢係冇咁方便，生果陣唔可以叫白車，要搭的士。
據我所知唔係，一定係去最近的醫院，消防處規定。
我住屯門，當時走咗去pmh排期，第一次見姑娘時 佢就係咁問我係咪真係決定喺pmh生，話我應該揀返屯門，話如果到時穿咗水 屯門公路又塞車咁點算
不過我堅持話想喺pmh生，佢就由得我喇
佢當時都有話如果有咩事要call白車 都一定係送屯門 唔會送嚟pmh…咁我唔知佢係想說服我揀返屯門先咁講 定真係咁啦
1個讚
真係送最近嘅醫院
我知係最近既醫院，但如果未生得係會送返去所屬醫院，我好肯定，因為身邊親人啱啱試完。
我有屋企人啱啱生完，佢係出好多血所以call白車入院，入到院發現唔係緊急同只開左1度所以送返所屬醫院。call白車當然係去返最近醫院，但你要諗call完一定係送你入急症室而唔係婦產科，而家疫情咁急症室一定危險，如非必要我唔建議，咁當然大出血一定要去因為安全要緊。同埋如果只係陣痛又或穿水呢啲就call白車，其實好濫用醫療服務，因為呢啲真係可以自己去醫院，我穿水都係自己入院生，call白車不如留返俾真正有需要既人
1個讚
我冇記錯好似係跟你住址嘅區去分醫院
唔一定係最近
好似我有朋友住銅鑼灣佢係分去東區而唔係瑪麗
對佢嚟講車程其實遠左
如果係叫白車
緊急嘅情況下會送去最近嘅急症室(包括冇產科嘅醫院)
非緊急情況就唔清楚
不過非緊急就最好自己搭的士啦